السلام عليكم ورحمة الله وبركاته ازيك ياام بيجاد عاملة ايه دلوقت يارب تكونى بخير انسى ان الاولاد يساعدوكى فى حاجة انا بعانى الامرين فى حكاية مساعدتهم ليكى والله ساعات بقعد ايط لوحدى من التعب اللى ببقى فيه حتى بباهم كمان كدة فعلا لازم تيجيبى بنت حتساعدك كتير وحتبقى حنينة عليكى اكتر الولاد حنينين بالكلام بس لكن مساعدة مافيش انسى. نسرين ياجميلة عاملة ايه افكارك جميلة اوى انا كمان نفسى ااقرا المصحف واخلصه قبل رمضان فى الايام العادية مش كل الايام بقرا فيها بس بحاول على اد مااقدر وبالنسبة للمطبخ دة لعبتى وانا تحت امركم.بوبوس ام يوسف وشيمو ورانيا وkf9111 عاملين ايه كلكم
زعلتينى بجد يا سندريلا لية كدة يمكن علشان ما عودتهمش من الاول على مساعدتك يعنى أخواتى الاولاد بيساعدوا ماما فى أى حاجة لو أنا مش موجودة ربنا يستر من العيال الواحد بيموت نفسة علشانهم فى كل حاجة فيارب يجعل تعبنا بفايدة ويطلعوا كويسيين
ام بيجاد نورتي ..طمنتيني عليكي يا قمر ..خدي بالك من نفسك ..احنا بنركز مع كل اللي في البيت و بننسا نفسنا..بس لما بنتعب البيت بيتعطل ..اسالي الدكتور عل نوعية الاكل المناسبة و عالجي الانيميا ضروري...الف سلامة عليكي ..طهور ان شاء الله
ما تخافيش يا امل ..ابنك على ما تعوديه..واضح ان حبيبتنا سندريلا كانت متفانية في رعايتهم و ما فكرتش تعودهم من صغرهم ..او يمكن علشان والدهم متعود على كدة فالاولاد طلعوا زيه..انا اخواتي الصبيان كانوا كدة ..انا بس اللي كنت باساعد ماما ..و هم لو فتحوا درج علشان ياخدوا حاجة بيكسلوا يقفلوه ..بس لما روحنا زرنا عمي مرة في الاردن واحنا صغيرين و قعدنا كام يوم ..لقيت مرات عمي يوم التنفيض بتقسم الشغل على البنات و الاولاد زي بعض..و لقيت ولاد عمي بيرفعوا السجاد و يكنسوا و يمسحوا زيهم زي البنات ..بصراحة ما صدقتش .. و ناوية ان شاء الله لما ولادي يكبروا شوية اعمل كدة ..و انا من دلوقتي باخليهم يرتبوا اودتهم سوا على قد ما يقدروا
سندريلا بجد صعبتي عليا انا حاسة بيكي و زعلانه منهم عشان مش بيساعدوكي ..معلش احتسبي تعبك عند ربنا و ان شاء الله يجازيكي خير عن تعبك معاهم..و عموما هانت و الايام بتجري و بكرة تفرحي يهم و تشيلي ولادهم ..بس تعزمينا عالفرح
نسرين بالهنا و الشفا ..بس كان لازم تسيبيلي حتة علشان انا اللي فكرتك بيها .. افكارك جميلة و ان شاء الله بكرة حصوم معاكي و معانا امل كمان لان بكرة غرة رجب ..اللهم بارك لنا في رجب و شعبان و بلغنا رمضان
مشمش و بوبوس فينكوا؟؟ علي و يوسف واخدينكوا منا؟
هند ام يوسف فييييينك طمنينا عليكي نهلة غيبتك طالت انتي فين؟
ايمي ان شاء الله توصلي بكرة بيتك بالسلامة ..اول ما تفضي كلمينا على طول لانك واحشانا مووووووت
سميحة نورتينا.. اهلا بيكي.. انت من دول المغرب العربي مش كدة؟