اليوم المولد النبوي الشريف نقوللكم ما تنسوش تصلو على النبي الحبيب اكثر من 300 مرة وبهذه المناسبة نعرفو الجزائرين كل منطقة عندها تقاليد وعادات حبيت نعرف في هذه المناسبة واش الطيبو واش الديروا احكولي على نهار المولود عندكم ونتمنالكم احلى ايام
اهلآ أهلا احنا نديرو نهار المولود الكسكس مع الدجآج ككل العآئلـآت الجزآئرية و الدررررراري راكي عارفهته ممع المحارق و الحنه للبنآت و الشمع و نغنوآ أغآني دينية مميزة. وكل عآم و احنا و نتومآ بخٍير
مبارك عليكم المولد النبوي الشريف كل عام و انتم بصحة و سلامة واشراكم بيشلا و فاطمة الزهراء لاباس اولا انا من الغرب من وهران درك شعلت الشمع و عملوا اولادي الفيدارتيفيس و فرحوا بصح ماشرينالهمش المحيرقات خفت منهم الله يستر راهي توقع الحرائق كثير غذا ان شاءالله نعمل بركوكس للفطور لانه تاع النفاس كيما تعرفوا و العشية التقنتة { الطميتة } مع القهوة و في العشاء ان شاءالله الا حيانا الله نعمل الرقاق بالدجاج و الحمدالله راني نستنى فيكم يالله كل واحدة تقول هي منين واش يعملوا
السلام عليكم انا عملت للعشا تليتلي بالدجاج ورشتة وطبعا الطمينة مع الاتاي وقعدنا وحكينا وتتذكرنا النبي عليه الصلاة والسلام وزيد غنينا لغنا تعرفوهم هاو جا مولود النبي يفرح بينا وجازت ليلة شابة الكل فرحان والحمد لله
بارك الله فيكم يا أخوتي في الله لكن أما علمتم أن الاحتفال بالمولد بدعة...ولا يخفى عليكم جزاء المبتدعة وما قال عنهم الرسول صلى الله عليهم وسلم من أتى ببدعة في الاسلام فقد زعم أن محمد خان الرسالة رسالة موجودة في ملفي الشخصي لمن يهمه الامر ويرجوا لقاء ربه بسلام اللهم تبثنا على الحق وسنة نبيك وكتابك
السلام عليكم بارك الله فيك اختي بيشلا على الدعوة هنا اخواتي في الله يعلم الله اني احبكم فيه ولكن لازم قول الحقيقة الاحتفال بالمولد النبوي بدعة وكل بدعة ضلالة وكل ضلالة في النار والعياذ بالله احنا قبل كنا نفرحو ونعملو العشا واش من محيرقات وشمع وووو ولكن الحمد لله منذ تزوجت عرفت انو لايجوز فعمري ماحتفلت بيه نتمنى اخواتي توقفو عن الاحتفال وليكن الاحتفال حقيقي في قلوبنا بالذكر والصلاة عليه والتسبيح ووو وذلك يكون يووميا مش نسناو عيد المولد ونفرحو ونتذكرو اللهم اهدنا وبارك الله فيكم حبيباتي
