السلام عليكم انا مشتركه جديده تقبلوني
السلام عليكم وحشينى انتموا خلاص اعتزلتوا التنظيف
انا مشتركة جديدة ازيكم يا جماعة عاملين ايه انا كسلانه قوى ونفسى يبقى عندى منزل انيق نضيف وشيك
حبايبى الحلوين انا جيييييت انا عايزة اقولكم انكم كلكم منورين وبالخصوص ماما امال رفقى انا بحب كلامها موت مش عارفة ليه بحس ان ماما اللى بتكلمنى ربنا يخليها لينا... اما الاخت الغالية wbaby عايزة ابشرك بشرة انا عندى حل للنمل هقولهولك بس بشرط اذا نفع معاكى وان شاء رب العالمين هينفع امانة عليكى تدعيلى وتدعلى لزوجى لأن هو صاحب الفكرة .. انا مكنش حد بيشتكى من النمل قدى كنت كل يوم الصبح اصحى الاقى حنب بيت النمل طن رمل لدرجة انى كنت حسة ان الارض تحت السيراميك فضيت من الرمل وجربت كل شىء ولم افلح لحد ما زوجى اخترع اختراع وهو ........ اقولك عليه ولا اغلس عليكى شوية ؟؟؟ اقولك احسن بدل ما تدعيلى تدعى عليا شوفى يا ستى ...انتى عارفة ( ابو فاس ) هاتيه بس ياريت لو تجيبى السائل مش الكريم وحطيه فى سرنجة وعند بيت النمل رشيه وبعد كدة اقفل البيت بأى حاجة تقيلة ولو مش لاقيتى ابو فاس السائل هاتى الكريم ودوبيه فى مية بس انا جبت السائل كان تأثيره قوى جدا ... ولو مامتش يبقى النمل عندك واخد مناعة بقى يبقى بعد كدة الحل الوحيد انك تغيرى الشقة
السلام عليكم و رحمة الله و بركاته اسألكم الدعاء يا اخواتي عندي و و و و و و و و مش قلت لكم محتاجة للدعاء
سلام عليكم ايه كل ده انتى المفروض قدامك كام يوم هههههههههههههه ربنا معاكى طبعا واكيد ردى ده متأخر اوى بس ربنا معاكى دائما
السلام عليكم ازيكم يا جماعه يارب تكونوا كلكم بخير انا شايفه انكم بتشتكوا من النمل فعلا النمل بقى مشكله كل بيت انا شخصيا كنت بتجنن منه ولو تلاحظوا انى بقول كنت ,,,,,,,,,, بصوا بقى انا لقيت افضل حل هو فليت الأزرق ممتاز فليت للنمل انا برشه بعد بالشهور ويمكن اكتر بكتير من كده مفيش نمل بس المهم متمسحيش مكن ما رشيتى حاولوا ترشوا فى اماكن ركنيه عشان ميجيش عندها ميه ولو اضطريتى تحطى ميه رشى تانى بعدها .. واتمنالكم التوفيق ,,,
بصوا يا جماعه لكل اللى بتشتكى من الصراصير هديكم خلاصه تجربتى معاها من ايام ما كنت فى بيت ماما اول واهم حاجه بتجيب الصراصير فى البيت هى الأنبوبه اول ما تجيبيها رشيها كويس بالمبيد قبل ما تدخليها الشقه رشيها من تحت ومن فوق عند الثنيات اللى بتبقى فيها دى بيبقى مستخبى فيها صراصير صغيرة وبعدين سيبيها على باب الشقه 10 دقايق لحد ما يطلعوا كلهم ودخليها بقى واغسلى ايدك كويس جدا ثانيا احلى حاجه للصراصير هى العجينه اللى من عند العطار اللى بتعجنيها بأيدك مش الجاهزة اللى فى الصيدليه اعجنيها واعملى كور وحطيها فى الأركان وان شاء الله مش هيفوت يومين والا هيكونوا اختفوا تماما وادعولى
اه صحيح انا كمان بشتكى من موضوع النمل بس لاحظت انى مهما برش بيرجع تانى فقررت اراقبه طلع ابن اللئيمه بيجى من عند اكباس النور رحت جبت فليت الأزرق ورشيت عند كل كبس من فوق علشان السائل ينزل جوة الكبس والحمد لله بيقعد فترة مبيجيش ولما الاقيه ظهر تانى اروح مدياله رشه بنفس الطريقه برضه بيقعد فترة مش بيظهر والحمد لله بس هو عايز مراقبه ومتابعه على طول
السلام عليكم ورحمة الله وبركاته اتمنى ان تقبلونى فى المجموعه الجميله والنظيفه دى واتمنى ان افيدكم واستفيد انا الاخرى من خبراتكم --- وكل عام وانتم جميعا بالف خير