اهلين بالليبيات الزينات
اني قاعدة ندور في القوقل وفي حاجات ما لقيتهن
حتى انا جمعت ع بنغازى بعض المعلومات وهدولى ع شحات
اريناس وام هدولي اني منزلة موضوع من قبل عن لبدة ان شاء الله تستفيدن منه حرة وملكة منزلة موضوع قبل عن السرايا الحمراء ان شاء الله تستفيدن منه فيه صور حلوة
اريناس حصلت معلومات وصور على مصراته كااااااااااامله وعلى فندق كورانتيا اكبر فندق بليبيا
عندي اقتراح للي بيشرفو عالفوتشوب شنو رأيكم انديرو الصفحات اللي بنحطو فيهن مواضيعنا خضراء لون علمنا وعليها ورق الزهر والحنة مجرد اقتراح
وشنو رأيكم لما يفتحو الموضوع نحطو فيه اغنية جميلة عن وطنا مجرد اقتراح
اهلا يا بنات ، اقتراحاتك يا بريكة روعه اني عندي صور ومعلومات عن اماكن بمكن السائح يهتم بيها في ليبيا زي المقاهي خلي نقوللكم بالوحدة في مدرسة تعليم الغطس في قرية جنزور اسمها scuba libya يعطو في دروس رائعه للتعريف عن السواحل الليبية وفريق العمل يتكلم 3 لغات 2-نادي الطفل في ليبيا بمكن ان السائح يمشيله فيه العاب اطفال والنادي مشهور وحلو ومنفرد بطابعه في ليبيا وعندي ليه صور 3- وعندنا فيه نادي الفروسه المفتوحة للرياضة مضمار رياضي كبير للتمشي والجري وفيه مساحات للمارسة الرياضة مع بعض الالات وفيه مساحات معشبة (زي متع برا) وكفتيريات وجامع نساء ورجال ومرافق صحية والدخول مجاني في كل الاوقات ما عدا التلاتاء وعندي ليه صور خلابه
4- وفي حديقة الحيوانات في ليبيا الغنية عن التعريف (قالو جابو حيوانات جديدة ونحو الشيابين والعزايز) وعندي ليها صور برضو 5- وفيه نادي القولف في جدايم قنين ويعطو في كورسات وعندي ليه صور وشن تاني شن تاني ؟؟؟ وعندي 4 مقاهي جديدة وحلوة في ليبيا حديته ومطعم الحفرة من الاماكن الشهيرة وطبعا بالصور وعندي صور لفندق الودان وفي الشيراتون قريب يفتح بس فيه ليه صور وفي مدينة النخيل التحفة اللى تجنن في جنزور هدي بالنسبة للاماكين الحديتة اما الاماكن القديمة ماعنديش ليعا صور الحق بس حندور عموما اختارو شنو تبو من الحاجات اللى قتلكم عليها وتوا نزيد ندور هدى كلها الاماكن في طرابلس
يا صباح الخيرات على العسولات ... المنورات
