بسم الله الرحمن الرحيم انا قلت نعمل مجموعة نتبادل فيها خبراتنا ونشوف ايه الحلول وايه احسن شامبو كريم وبلسم وخلطة عشلان انا دوخت
دلوقتى انا عملت موضوعين فى ركن الشعر وماس ردو وشكرو قوى فى كذا حاجة منها - كريم بالمرز - كريم فروكتز مع مجموعته -مجموعة بروفيشنال -مجموعةloreal elvive وخلطات كتير اللى ثابت فى خلطات الشعر الجاف بعد ما قريت خلطات كتير هو -الحنة للفرد -البيص والزبادة وزيت الزيتون للتنعيم ومعاهم اضافات تانى ايه رايكم عاوزين نوصل لاحسن حاجة فى دا كله
وكمان لقيت واحدة مشكرة قوى قوى قوى فى سيرم اسمه biosilk therapy ب 70 جنيه بتقول انه رهيب لتنعيم الشعر وبيطريه جدا لدرجة انك مش هتحتاجى لسشوار وقالت اللى هيجربه هيدعيلى ايه رايكم
ايه ولا حد دخل المجموعة لحد دلوقتى؟؟
انا اشتركت معاكي اهو يا كوين بس والله ما عارفة ازاي هي اساسا المجوعة دي بتتعمل ازاي هههههههههههههههههه معلش الجهل وحش
بصي انا سمعت عن حمام كريم اسمه فاشكول بالتوم بس المشكلة ان ده من السعودية مش عارفة ممكن نلاقي في منه في مصر والا لا بس علي فكرة هو بيجيب نتائج روعة وانا شفت نتيجته بنفسي علي واحدة صاحبتي ما شاء الله شعرها اتغير خالص عليه
جبته والله بس استخدمته مرو ومحستش بفرق كبير مع ان صحابى شكرو قوى فيه فا شاكة انه مضروب مع انى جايباه من السعودية
انا هصور العلبة وانزلها فى النتدى علشان اعرف الاصلية ولا لا دا انا جبت 3 علب كبار ب 450 جنيه ومفروسة جدا
هههههههههههه سلامتك من الفرسة يا قمر والله يا كوين بجد لو تجربي الوصفات الطبيعية حترتاحي عليها كتير تعرفي انا اول مرة اعرف اسيب شعري في البيت من غير فرد وكمان يبقي ناعم وبيلمع ومش هايش وكل ده من الحاجات الطبيعية بس للامانة مش ناعم حرير ع الخدود يهفف لا طبعا بس بالنسبة لطبيعة شعري نفسه يبقي رائع جداااااااااااااااا وفي خلطة كمان عملتها من يومين وحلوة خالص هي خلطة السمسم المطحون والمايونيز لو مش عارفاها قوليلي اشرحهالك
اشرحيهالى ياريت وقلوليى الحنة اللى بيستخدموها فى الخلطات اقول للعطالر ايه حنةوبس
