السلالالالام عليكم يا احلى بنوتات
وعليكم السلام ورحمة الله وبركاته ازيك يا حبيبة انا مبسوطة اوى بالمجموعة ولاننا هنقدر نتكلم فيها براحتنا ونعرف بعض اكتر بس يارب ماتنشغلوش وتنسونا يلا يا عروسات عاوزين المجموعة دى انشط مجوعة واحلى مجموعة بيكم
اهلا اهلا ياقمرات منورين فرحانة حنبقى هنا ننطلق بالكلام براحتنا من غير قيود وكمان نتكلم كتير اوى ..... يالالا يا ميويا تعالى انتى اساس الفكرة وصاحبتها .... هنا نقدر نتعرف اكتر على بعض وندردش وايه رايكم نبتدى نتعرف بشوية معلومات يعنى كل واحدة مننا تدخل وتقول شوية معلومات عن نفسها زى اسمها وسنها ومنين وفى سنة كام او بتشتغل مخطوبة ولا متجوزة بتحب ايه هوايات هكذا زى بطاقة تعريف كدا عشان نبقى عارفين بعض اكتر .. كمان ممكن نعمل حاجة حلوة اننا نقول ليه كل واحدة مننا اختارت اسم اليوذر نيم بتاعها فى المنتدى ايه راريكم ؟؟؟
طيب انا لا متجوزة ولا حتى مخطوبة ينفع ولا لأ
هنودة يا حبيبتى الحمد لله انك هنا ايوة كدة نورينا لحسن المجموعة هتبقى وحشة من غير البوس بتاعنا وحلوة اوى فكرتك وانا هبدا بنفسى انا يا ستى 21 سنة ليسانس حقوق لسة متخرجة السنة دى من اسكندرية و مكتوب كتابى بس مش بشتغل عشان انا مش عاوزة اشتغل وانا متجوزة عشان ماقصرش فى بيتى عاوزة اديله كل اهتمامى وكمان خطيبى مش حابب انى اشتغل وانا من قبل ماتخطب قلت لو فيه زواج يبقى مافيش شغل وانا اخترت اسم ايمان مونى عشان كنت كل ماكتب اسم يقولى مستخدم فعملت كوكتيل بين كوكتيل بين اسمى الحقيقى والدلع هاه ايه رايكم فى السى فى بتاعى
نورا طبعا ينفع يا قمر ده انتى الدكتورة بتاعة المجموعة منورة يا قمر
ماشى مهو لو انتوا كنتوا موافقتوش برده مكنتش حسيبكم فى حالكم انا بقى اسمى نورهان وعندى 20 سنه وفى سنة رابعة طب بشرى ومن محافظة يطلق عليها بنى سويف تقدرو تعتبروها مركز بس متقدم شوية وانا اخترت اسم نورا لان تقريبا الناس كلها بتنادينى كده ها عايزين تعرفوا ايه تانى؟؟
اهلا بيكى يا نورهان فعلا نورا بتتقال على نورهان قوليلى بقى انتى عندك اخوات واد ايه
انا عندى اختين وانا اكبرهم وانتى؟؟
انا عندى اخ واخت وانا اكبرهم برده الحال من بعضه يعنى بزمتك مش حاجة تخنق بما اننا فى الهوا سوا مش نفسك تحسى انك عيلة ومهملة ومجنونة