وعليكم السلام ورحمة الله الله يبارك فيكم ياغاليات في قرارت نفسي انقول نفصلهم احسن باش كل واحد يعتمد ويصقل شخصيته بروحه
وعليكم السلام والرحمه ربي يحفظلكم صغيويرتكم انا من راي الاخوات الانفصال افضل وربي مايفرقهم على طول ساعات بس صدقتى ام ادير الاطفال فى السن الصغيرة دماغاتهم فاضيه وسهل عليهم الحفظ والتعلم وماشاء الله نسمع صغيويرة اقل من خمس سنين حاملين كتاب الله ربي يقدرنا على تعليمهم وتربيتهم
رب اجعلني مقيم الصلاة ومن ذريتي ربنا وتقبل دعاء هذا دعاء سيدنا ابراهيم روعة قولوه باستمرار ربي يعين صغارنا ويصلحهم الصلاة نقطة مهمة جدااا طبعا الواحد يحاول يستمر يدكرهم لكن احياننا تتهاوني والصغار ما يصدقوا يلعبوا فا يريت كل وحدة تحكي على تجربتها مع الصلاة شن رايكم ؟؟؟؟؟؟؟؟؟
صغاري صغيرين عالصلاة بس لما نصلوا جماعه مع بوهم مرات يصلوا زينا وهالصيف نبى نعلم الكبير التشهد والكيفيه باذن الله
السلام عليكم ورحمه الله وبركاته رب اجعلني مقيم الصلاة ومن ذريتي ربنا وتقبل دعاء زي مقالتي اختنا مغتربه الدعاء هدا روعه بالنسبه لصغاري الحمد الله يعرفو بس مرات ينسو ميصلوش كل وقت ووقته لما اجينا حد متلا واني مشغوله وهما ياهو معاه في اللعب طبعا لما اكونو طالعين ربي اعينا ويهدينا ويهديهم ويصلح حالنا وحالهم
السلام عليكم انضم صوتي لمغتربة وغيدونا الدعاء أهم حاجة وفيه حاجة تانية نصيحة ومجربتها وفعالة أحيانا الصغار يملو من كثرث النصائح والارشادات انجي اني وبوهم ونكونو متفقين مسبقا ونقعمزو معاهم ونهدرزو اني وهو بدون توجيه الكلام ليهم في اي شيء مثلا علي الصلاة وشن فوائدها وعلاش ربي امرنا بالصلاة وعلي الوضوء وفوائده الصحية مثلا وانديرو فيها مثلا واحد منهم دار حاجة غلط وننصحوهم مع بعض بدون ما يشعر اللي دار الغلط صدقوني مجربة
بارك الله فيك ام ادير والله عندك حق الواحد ديمة يعطي فى النصائح لان بدوا معاش يعدلوا هههههههه فدوا توا انجرب الطريقة هذه ربي يصلح صغارنا يارب
تعرفو يانبات اني انحس في روحي مرات منتريتش في رباية صغاري علي طول ردة الفعل واتيه عندي موسعه بالي مع الكل وحتي مع صغار الغير يعني عندي شعبيه مع الصغار لكن عندي مشكله اني من صغاري منوسعش في بالي نهائيا العقاب فوري وامر اما حكاية انهدرز ياريت انطول بالي مش عارف هل الغربه اتخليك تتغيري وتكوني عصبيه اكتر من الازم
هههههههههههه غيدونا نفس مشكلتي واك بالى واسع مع الجميع الا صغاري ربي يهديني
هدي تقريبا حاجة طبيعية في الناس كلهم توسعي بالك معا صغار الغير وصغارك لا وحتى اني كنت عصبية غيدونا مغتربة وتوة لا لاني كل ماانفكر في العواقب عواقب عصبيتي وكيف بتأتر فيهم وفي نفسيتهم نراجع نفسي وربي يستر و ويقدرنا علي تربيتهم احسن تربية
