يعني قصدي اشياء تفيد خبرات بعض الاخوات ههههههههه فى التعامل يعني لما الراجل يكون مسكر راسه على حاجة وما يبيكش اديريها وانت خاطرك فيها كيف يغير رايه او كيف تخلي راجلك مبسوط منك وما فيش نكد وهكذا
هلا هلا توينكم ليكم وحشه كبيره حلو الموضوع وياريت الكل يتفاعل
تعرفى يا مغتربه احسن حاجة الكلمة الحلوة وشوية غزل وحركات ممكن يغير رايه واهم شئ تعطيه الفائدة والهدف عشان يغيير رايه
ملوكة فيه حاجات ينفع معاها الدلع والحركات لكن فيه حاجات لا بالنسبة ليا لما نبي حاجة وخاطري فيها موت اندير روحي مانبيهاش بقوة ومش ضروري صار منها باهي ماصارش عادي هدي مية في المية انحصلها
ههههههههههه المشكلة يا ملوكة راجلى معاش يفوت عليه هههههههه كبرنا حبيبة انت بعد 13 سنة من الزواج حا تلاحظي حلوة ام ادير حكاية اندير روحي مش معدلة على الحاجة توا انجربها
هو فيه شويه حركات ايه طبعا لكن زي ماقالت ام الدير علي حسب الحاجه الي تبيها حتي اني اندير فيها خدعه مش لازم متعبش روحك لا عادي مش ميته فيها موقفتش الدنيا ومن هلكلام نلقاها حتتنفد فورا هههههههههههههههههههههههههه
يعني عناد غيدونا لكن مش مباشر وفيه حاجة تانية الراجل يحب اطلعيه انه هو يفهم في كل شي وانك ما تقدريش اديري الحاجة من غيره ولا شن رأيكم
ايوه اوخيتي ام ادير لازم هو اتحسسيه هو القبطان والريس مع انه الحقيقه هو انت سيده كل الامور والرايك هو الي يمشي لكن لازم زي مقلتي مدريش روحك تفهمي لا هو الفهيم ههههههههربي يحفظهم هما الخير والبركه
هههههههههههه ايه هو سي السيد
