ازيكم يا بنوتات و يا ستوتات انا ايمان من مصر حبيت اعمل المجموعة دى علشان انا لاحظت ان فيه بنات كتيرة و منهم انا فى الاول سواء مخطوبات او متزوجات منكدين على نفسهم و مش عارفين يستمتعوا باحلى سنوات عمرهم وكمان البنات لما بتتجوز ازاى تخلى جوزها ما يتغيرش بعد الجواز ويفضل يحبها و يعيشوا طول عمرهم فى شهر عسل لو حبين الموضوع قولولى وعاوزة اعرف رايكم ايه علشان نبدا مع بعض خطوة خطوة واللى عندها مشكلة هنحاول نلاقيلها حل سوا يرضيها ويرضى زوجها او خطيبها ويرضى ربنا قبل اى شئ لاننا هيكون طريقنا طريق الجنة باذن الله يلا شاركو معايا
سئلت السيدة عائشة رضى الله عنها اى النساء افضل فقالت التى لا تعرف عيب المقال و لا تهتدى لمكر الرجال فارغة القلب الا من الزينة لبعلها و الابقاء فى الصيانة على اهلها
شكراااااا لدعوتك الحلوة وان شاء الله تحقق المجموعة اهدافها
متشكرة يا عهد الغرام على قبولك للدعوى واتمنى انك تشاركينى بافكارك بس استاذنك انى مش هبقى موجودة بكرة لانى هبات عند خالتى بس ان شاء الله هبقى موجودة يوم الاربعاء ان شاء الله واستسمحك ترحبى بالمشتركين الجدد عبال ما ارجع شكرا ليكى
اهلا بكل المشتركين فى المجموعة يلا شاركونى رايكم فى المجموعة عاوزة افكار جديدة و كتيرة
ازيكم يا بنوتات النهاردة هنبتدى اول جزء فى موضوعنا انتى عارفة الحديث اللى بيقول ان الدنيا متاع و خير متاعها الزوجة الصالحة اكيد كلنا عارفينه طب سالتى نفسك انتى فعلا خير متاع يعنى انتى فعلا زوجة صالحة طب يالا خليكى كدة هتقوليلى ان الستات مش هما اللى محتاجين موعظة الرجالة بس صدقينى كل واحدة مفكرة ان هى مش مقصرة فى حاجة بس معايا هتكتشفى ان فيه حاجات كتيرة مقصرة فيها بس انتى تعالى معايا واحنا هنمسك حاجة حاجة نتكلم فيها مع بعض وشاركونى ماشى يلا عاوزة ردود كتيرة
شكرا حبيبتي ايمان على الدعوه وان شاء الله المجموعه تحقق اهدافها الرائعه
ايمان انا خلاص تعرفت عليكِ انتي كتابك مكتوب بس لسى مفيش زواج صحيح وعمرك 21سنه وليسانس حقوق ............ انا متزوجه لي 2و10شهور :: وعندي احمد عمره سنتين :: والان حامل في السادس وعمري 20سنه ::: باقي عهد اتعرف عليها ؟؟؟ وان شاء الله يارب ظني مايخيب فيكم يارب ياكريم
شوفوا راح اقولكم على شئ انه معظم مشاكل البيوت يكون حلها بالاستغفار هذا الكلام عن تجربه لاني لما اكون زعلانه من زوجي واستغفر والله العظيم بعدها احس براحه عظيمه جدا ,, جربوا بأنفسكم وشوفوا النتيجه
اسيرة الشوق اهلا بيكى ومتشكرة على قبولك الدعوة وعلى مشاركتك بالحديث الجميل و الاية الجميلة ايوة كدة عاوزين نتعاون مع بعض وربنا يخليلك احمد ويقومك بالسلامة انتى والنونو اللى فى السكة ياريت تتواصلى معايا