عزيزاتى عضوات المجموعة أهلا بيكم نورتونى بجد و نورتو المجموعة كلها. أحب أولا أعرفكم أنا ليه فكرت فى المجموعة دى لأنى أنا شخصيا بأعانى من المشكله دى و بشدةوبما إنى عارفة إنها مشكلة عامة خصوصا إن محدش حاسس بمعاناتنا ودايما متهمين بإننا السبب الوحيد والأول والأخير فى المشكلة دى فأنا قلت أحاول أشوف الناس الغلابة اللى زى حالاتى و نفضفض مع بعض يمكن بخبراتنا اللى أكيد كبييرة وكتيييييرة فى الموضوع دة حد مننا يستفيد وأنا عن نفسى هعمل كل جهدى بإذن الله عشان أنقل ليكو خبرتى على مدار 12 سنة ويمكن أكتر من الريجيمات عند دكاترة كبار والله ماتغلى على حد فيكوا خالص أما ياريت لوفينا حد وكان سعيد الحظ وعمل عملية من عمليات السمنة المفرطة وربنا رحمه من ال20بنيئادم اللى قاعدين على كتافنا دول ومش راضيين ينزلوا بالزوق ياريت يقولولنا خبراتهم
