وتبلي كيلو فراخ متقطعه فليه بالبصل والطماطم واللمون وانقعيهم في لخلطه دي حبه وبعدين حطيهم في البيض والبقسماط وشيليهم في التلاجه كل حته في كيس وطلعيلو حته في نص اليوم اقليها وحطي عليها كاتشب حياكلها هم هم البيتزا كتري فيها اللفاش كيري قطعي عليها 8 قطع اللفاش كيري مع كل مكونات البيتزه طبعا الجبنته الرومي والصلصه والموزاريلا وكل حاجه وكتري الزعتر كتيييير رشي زعتر كتير عليها لان الزعتر أصلا بيحتوي على مضادات حيويه طبيعيه فحيزود مناعته ومقاومته للامراض وحوطيها في الفرن لما تجهز قطعيها مثلثات صغيره وحوطي كل مثلث في كيس وحوطيهم في الفريزر وكابقي طلعيلو منها قطعه بليل او في اي وقت
اشكرك على الدعوه يا توتا انا بالنسبة لبنتي الحمد له بتاكل كويس بس مش بيبان عليها يعنى هى عندها سنتين وشكلا كأنها سنه ووزنها ممكن يكون 10 كيلو انا شايفه ان الطفل بياكل احسن لما يكون فى حد بياكل معاه
ولو اولادكم من النوع اللي بيحس انه حيرجع وهوه بياكل اي حاجه جنب الاكل هاتيلو فنجان قهوه سفن اب يشرب بق صغير وياكل قطمتين حتلاقي احساس انه حيرجع دا قل خالص عندو لان السفن بيدي احساس قابض شويه للموعان وبليل قبل النوم اعملي ليهم باكت بيبي كالم عارفينو ؟ الاعشاب بتاعة الاطفال وحليها بعسل نحل وحطي عليها نقطه واحده ليمون نقطه واحده بس علشان ميحسوش بيه وذره صغيره جدا من الزنجبيل اتمنى اكون افدتكم يا رب ولكم تحياتي واشكرك يا توتا يا نسمتي يا حبيبة قلبي على دعوتك لي بالدخول والمشاركه في ذلك الحوار وآخرا وليس آخرا في مثل شعبي بيقول (من كل وبان عليه اسم الله عليه ) فمش معنى كده ان اللي ميكلش يبقا مش اسم الله عليه لا احنا نشيل اللي مبياكل وننططه ونقوله اسم الله عليك اسم الله عليك مع الصقفه طبعا هههههههههههه
رهيييييييييييييييييبة يا ندى أشكرك انتي يا قلبي لردك انتي ومرمر متحرمش منكن وبانتظارك زهووورة واعتذر ان ما رديت عليكم لي عودة بس مشغولة شوياااااااااااااااااااااااااااااااات أحبكم في الله
انا جيت السلام عليكم معلش يا توتا انا لسه شايفه الرساله بتاعتك اصلى امتحاناتى قربت عشان كده مختفيه ادعولى حبيبتى انا قريت مشكلتك وعرفت موضوع تخبيط راس بنتك فى الباب بصى انا رأى من رأى هنا بس طبعا مينفعش تفتحتى الباب لأن دا هيعمل مشاكل زى اللى ذكرتيها بأنهم خرجوا ولعبوا فى الحمام ...الحكايه محتاجه صبر وكل ما تشوفيها تعمل كده قوليلها كخ او لا المهم كلمه واحده مع تكشيره من وشك وكررى الكلمه ومع التكرار هتفهم بينى من تعابير وشك مره مبسوطه ومره متضايقه عشان تفهم الفرق وربنا يقويكى ويخليهم ليكى يارب ..
سلامى لندى وشاهى سلام كبير اوى ليكم وحشتونى وحشتونى اوى
موضوع الاكل للأطفال مينجحش الا لما الطفل يخرج ويغير جو كل شويه ... اسمحولى يا امهات انا بنتى برضه مكنتش بتاكل بس لما كنت بخرجها بحس فى فرق شويه وكمان متنسوش ان موضوع التسنين عليه عامل كبير عليكم وعلى الجل الخاص بالاسنان لأنه بيخدر اللثه وتلاقى الطفل بياكل ... وربنا يحفظلكم ولادكم يارب
ندى ايه الاكلات اللى تجرى الريق دى هههههههههههههههههههههههههه ما شاء الله عليكى
منورة يا وردتي متحرمش منك وربنا يوفقك ياااارب معلش بدخل بسرعه فمش مركزة بس هدخل عشان نفسي اتكلم معاكم اوووي متحرمش منكن يااااااااااااااااااااارب
السلام عليكن حبيباتي الغاليات معلش اعذروني لو بتاخر بس مشغولة شوية اليومين دول غاليتي نسومة يارب يهدي توتا وابني وكل اولادنا وياكلوا كويس لان فعلا الموضوع ده تاعبني جدااااا الحمد لله عمور ملوش في الشيبس والحاجات دي لاني معودتوش من صغره عليها لضررها اللي كلنا عارفينه هو ملوش غير في الشكولاته وحليب الشكولاته وطبعا ده بيصد نفسه عن الاكل زيادة ومشكلته انه اوقات واوقات يعني مثلا بيحب الزبادي النهاردة وبكرة لا ولا يعرفوا هههههه هو فعلا سمبتيك عالموضة سمبتيك اووووووووي ههههههه ربنا يهدي اولادنا جميعا ويصلح حالهم بجد شكرا حبيبتي على كلامك ونصايحك الجميلة
