بسم الله الرحمن الرحيم السلام عليكم والرحمه في البداية أشكر أختي نبض الحياء على ها المجموعة الرائعة من أنا :: هاجر من سلطنة عمان طالبة في السنة الثالثة محاسبة شاملة طبيعة دراستي :: أدرس نظامي من الساعة 8 صباحا حتى 2 ظهرا مجتمع الدراسة:: مختلط وعدد البنات يفوق الشباب لكن لايوجد بقعه في الكلية ما يوجد بها شباب وين ما تروحي تصادفي شباب الله المستعان
نبدأ في مغامرات الأميرة الحالمة في كلية الغابة الموحشة اليوم الخامس 13 /10 /2010 م الأربعاء أجمل يوم عند أي طالب وموظف يوم السعد والفرح قمت الساعة خمس وربع لصلاة الفجر وعقبها ما نمت من النشاط الزائد جلست على الإنترنت ما يقارب الساعة.. الساعة 6 قمت أجهز نفسي لدوام ومن خلصت أخذت كوب الشاي وجلست أنتظر السياره في الصالة . الساعة 7 وخمس وأربعين أنطلقنا إلى الكلية أول ما وصلت توي بطلع رجولي من السياره ولا بريح قويه وطاحت الغشوه <<< الغشوه زي النقاب بس لا تحتوي على فتحه للعين >>> المهم وبدأ اليوم السعيد التعيس هع
يوم الأربعاء تبدأ محاضراتي الساعة 9 في هذا الوقت أنا رحت المصلى وجلست أذاكر اللي أخذته أمس عشان ما أتوهق لما يسألني الدكتور مثا كل مره ^^ ... بعدها رحت أستلم الكتب لاني أدرس على حساب التعليم العالي فا ما أدفع قريشات للكلية مرتاحه ^^ ... المهم رحت أنا وصديقتي للمخزن ... المخزن يقع في السرداب .. والسرداب مليان عمال يعني الوحده تخاف تروح لوحدها تاخذ معها شلة بنات وعصا وشبريه (( رايحه حرب مو مخزن خخخ )) دخلنا الستور وأخذنا الكتب بس للأسف عطاني كتب أنجلش أي تيه مو تبع تخصصي فا رجعت مره ثانية المهم قلنا له مانبي ها الكتب نبي كتاب أنجلش أدارة أعمال مش نظم معلومات .. الجال حلف يمين أنه مافي غير كتاب واحد لها المادة واللي أهو عطاني أياه قبل وأنا أفهمه يارفيق يا تيتشر في كتابين للمادة أنت ما في معلوم .... الموطف جنسيتة هندية للعلم فقط ^^ ....
رجعت مره ثانية الطابق الأول وشفت بنات كان عندهم الكتاب اللي أنا أريده فا أخذتهم معي المخزن وفهمناه وأخيرا حصلت على الكتاب .. الساعة 8 ونص رحت أخلي الكتب عند الأمين لانه الكتب ثقيلة وما أقدر أدور بها في الكلية وبعدها رحت عند صحباتي وجلسنا ربع ساعة نسولف .الساعة تسع رحت القاعة حقت الدكتور سجيف أه أه يا دكتور سجيف سالفتة سالفه كل الأساتذة في صوب وهذا في صوب .. الدكتور سجيف نيبالي مدري منطقة في الهند أو جنبها هههه أهو طيب وحلوق ويحترم الطالب ومنظم لكن عيبة الوحيد لغته ما تنفهم أجلس طول المحاضرة مركزة وشاده أعصابي وأبي أفهم كلمه بس للأسف ما أفهم مع أنه يتكلم أنجليش خخخ وأنا الحمدلله لغة الأنجليزية جيده لكن عجزت عن فك الطلاسم اللي يقولها . المهم دخلت وجلست مكاني المعروف اللي صار له سنة محد يتجرأ يجلس فيه وخلفي كا العادة صحباتي مسوين مثلث برمودا أنا قدام وثنتين خلفي ليه مدري بدأ الدكتور يشرح وطبعا قام يسأل عن اللي ماخذينه في المحاضرة السابقة والحمدلله عرفت أجاوب لأني الصبح مذاكره
المهم الأستاذ لما يشرح يدور في الفصل يجلس يتنقل في أكثر من زاويه ولما يجي عند طاولتي أنا أرتجف من الخوف مدري ليه فا صحباتي يجلسو يضحكو علي فا كلما جرب من طاولتي يقولون كا هو قرب منك قرب الموت وأنا أضحك وأهو ما يصدق ويسالني سؤال فيالمادة وأنا أتلعثم .. الله يسامحهم كم مره أقولهم لا تسو ها الحركة ما أحبها المهم خلصت المحاضرة الساعة عشر طلعت من الصف رحت لمحاضرة الإحصاء تتدرسها أستاذة جديدة وشايفة حالها على الطلبة العمانين مدري على ويش
المهم بدأت المحاضره وكانت أول يوم ندخل معها فا قامت تشرح لنا متطلبات المادة فكانت المحاضرة كلها تفاخر وأنا كذا وأنا درست الناس اللي بيدرسو ها المادة وأنا أفضل المعلمين في بلادي خخخ (( هذا عيب العرب الله يهديهم ))كانت ملل جاني النوم شوي وحط راسي بطاوله ولا الأستاذة تفجر صاروخ أرض جو أونه في برنامج للإحصاء في بلادهم محد يعرف إلا ثلاثة وأهي من ضمنهم يا بوي عليها ^^ المهم خلصت المحاضرة وجلست ساعتين فراغ نزلت الطابق الأول رحت الكفتيريا أكلت وجلست مع صحباتي سولفنا وضحكنا .. الساعة 12 دخلت محاضرة ثانية مع دكتور سجيف ^^ مرت بسلام وما فيها شيء يذكر ..
الساعة 2 طلعت من المحاضرة نزلت الأستقبال أنتظر السيارة وشفت شيء في حياتي ماشفته شفت طالب الله يهديه ويهدي شباب المسلمين تصرفاته وطريقة كلامه مثل البنات لاعت كبدي ورحت البيت متضايقة من الأشكال اللي شفتها الله يصلح حالهم ويهديهم يارب ,,, وركبت السيارة وفي نص الطريق تذكرت كتبي عند الأمين ما جبتهم هع كملت دربي ما حبيت أرجع وخلصنا يومنا السعيد التعيس
خخخخخخخخخ يا حبني لتس يــآآ كآآيند يومك يهبل << خخخ خفيف
يسلمو عيني ... خفيف خخخ من وين ^^
السلام عليكم والرحمة ..... 18/10/2010 قمت من النوم ومزاجي معكر ومتضايقة ونونه واصله حدها الساعة 7وأربعين جاتني السيارة ... دخلت وسلمت من دون نفس >> تعبان حالها ^^ البنات كانو لاهين في سالفة ثانية ومحد أنتبه أني معصبه وسألني ليه !! بعد خمس دقايق البنت اللي جنبي أنتبهت وسألتني وش فيك رديت اليوم الأثنين يعني أروح الكليه عشان محاضرتين وحده الساعة 9 والثانية الساعة 12 يعني راح أجلس أربع ساعات فاضية وكل صحباتي لاهين في دراستهم ... ساعة في الصباح وثلاث ساعات بعد التسع .... المهم وصلنا الكلية كل البنات راحو لمحاضراتهم أنا رحت الاب لبست السماعات وجلست أستمع للقرآن وجلست ع النت كل اللي يدخل يسلم علي وأنا ياخبر خير ... جاني مسج من السائقة اللي توصلني الكليه المسكينة ما هان عليها تشوفني معصبه رسلت لي رساله تضحك عشان أبداء يومي ببتسامه الله يذكرها بلخير وييفقها في حياتها ... الساعة تسع دخلت محاضرت دكتور سجيف وصلت متأخرة مرت على خير ما فيها أحداث تذكر ....
