"عروسات المستقبل تعالوا اقولكم".. جزء ( 13)

[okyeshellono]

مبرووووووووووووووك ياقمر على الجزء الجديد انا حبيت اهنيكى عليه ويارب تكونى فاكرانى ,انا بصراحة كل يوم بيزيد اعجابى بيكى أكتر,طبعا ماشاء الله عليكى
انا والله ماسكة الخشب,هههههههه
ربنا يهنيكى ويسعدك وتكونى أحلى من أحلى عروسة فى الدنيا ان شاء الله.

[ضــ ح ـــى]

مشكورة حبيبتي

[indomy000]

هنوده مبروك عالجزء الجديد وميرسي ياقمرايه علي جزء الشعر

بس فيه حاجه انا عندي سيروم زيروفريز ومتهيالي مكتوب عليه انو لا يتعرض للحراره وكمان سمعت انو السيروم بيساعد علي حرق الشعره لو اتحط عليها قبل المكواه وانو افضل حاجه منتجات الي مخصصه للشعر قبل المكواه بالرغم من ان مش كلها بيحمي الشعره من الحراره يعني فيه منتجات معينه بس مش فاكراها هدور واقولك اسمها

كمان الحنه .....عايزه اضيف علي كلامك ان الحنه مع انها حلوه جدا وبتطهر الفروه من البكتيريا وبتساعد علي التقليل من القشره بطول الاستخدام وبتفرد الشعره شويه لكن فيه حالات انصحهم مش يستخدموها.....الي عامله فرد كيميائي لشعرها تنسي انها تستعمل الحنه ابدا لغايت مالفرد يروح نهائي من شعرها وده من تجربه

والسبب انو الحنه بتوقع الشعر الضعيف جدا ومعروف ان الشعر المفرود بيبقا اكتر من ضعيف ....انا استخدمت الحنه علي شعري بعد فرده بسنه وكان فيه شعر جديد واصل لكتفي ومش مفرود وهايش والقديم طويل ومفرود ...استخدمت الحنه مرتين للتخلص من القشره وفعلا اتخلصت منها بس الشعر المفرود وقع جدا وبعد اسبوع او اتنين بقا شعري هو الجديد الهايش وخصلتين تلاته من المفرود


هنوده عايزه اشكرك علي مجهودك في الاجزاء كلها وانا بقيت شطوره وبسمع الكلام وبطبق حاجات كتيره جدا من الي بتقوليها ولما اوصل لنتيجه مرضيه هجي واقولك

[رحاب الرحمن]

مبروك يا نوده على الجزء الجديد وموضوع الشعر اكثر من راثع بس عندى استفسار ,
انا شعرى دهنى وبعمل حمام زيت كل يوم جمعه
1_ينفع اعمل حمام كريم بوناويل فى نص الاسبوع ولا كده هيبقى كتير على الشعر ؟
2_وهل بوناويل مناسب للشعر الدهنى ولا لا؟
3_انا دلوقتى بستعمل كريم تصفيف دابر فاتيكا ونشف شعرى اوى وقبله كنت بستعمل بالمرز كان حلو بس بيخلى الشعر ملزق فى بعضه ياريت تقوليلى اسم كريم تانى يكون مناسب للشعر الدهنى ومينشفوش .
وانا صغيره كنت بستعمل زيت تصفيف وكان مناسب لشعرى,رايك ايه اخلينى فى الزيت ولا تقوليلى كريم كويس؟ولو زيت قوليلى نوع كويس غير اللى فى الموضوع يعنى يكون ماركه مش زيت طبيعى.
معلش يا نوده فى شويه اسئله فى اخر الجزء اللى فات هنزلهم لك هنا هم كتير بس مهمين بالنسبه لى اوى
يا رب متزهقيش منى
ومره تانيه الف مبروك يا قمر.

[رحاب الرحمن]

ياريت يا نوده تقوليلى
1_ماركة كريم اساس وبودر للبشره الدهنيه ولو ليهم اسم قوليلى عليه ,
وهل dream matte مناسب ولا لأ كبودر وكريم مع بعض
2_ماركات باقى اجزاء الميكب
3_كريم يد من ماركه غير اوريفليم
4_ايه أفضل,استعمل كريمات خاصه باليد والقدم من ماركات زى اوريفليم مثلا ولا الأحسن جليسوليد
5_كنتى اتكلمتى قبل كده عن طريقه العنايه بالقدم بوصفات منزليه وبكريمات جاهزه , ياريت تقوليلى على طريقه العنايه باليد بوصفات منزليه بالاضافه لكريم الخاص باليد
6_طريقه للعنايه بالشفاه من المنزل + حاجه جاهزه وماركتها
7_فيتامينE استعمله للشفاه يوميا قبل النوم ولا كام مره بالاسبوع
.... لو حبيت اخلطه بكريم مرطب للبشره اضيف زيت كام كبسوله لعلبة الكريم
8_بستخدم زيت اللوز المر للهالات يوميا قبل النوم ولا كام مره بالاسبوع
.... ازيل الميكب بزيت لوز مر ولا حلو ؟وبعده اغسل الوجه بماء بس ولا بغسول ؟ ولو بغسول اعمل بعده تونر ولا لأ؟
9_الغسول يغنى عن الماء والصابون صح ؟ هل التونر هو نفسه التونيك؟
10_ ينفع اعمل سكرب أرز مطحون+حليب+جليسرين سائل قبل السويت بدل سكرب ملح وليمون؟
.... ينفع استخدم نفس الاسكرب للوجه؟
11_لما اعمل سكرب للجسم كله اعمل كمان لليدين والقدمين؟
.... هل ينفع برده سكرب الارز المطحون للجسم كله؟هل نتيجته نفس نتيجه الملح والليمون؟
12_ينفع اعمل سكرب مره كل اسبوع ولا كل اسبوعين احسن؟
.... لو هعمل معاه حمام مغربى امشيهم مع بعض ازاى ؟
ميرسى اوى ليكى يا نوده يا قمر دى اسئله كتيره بس مختصره وعشمى فيكى كبير والاسئله اللى فيها تفاصيل هنزلها لك على مرتين .. ربنا يخليكى لنا يا قمر ويسعدك مع زوجك يا رب

[رحاب الرحمن]

ازيك يا نوده انا قلتلك قبل كده انى بعمل كل يوم جمعه حمام بخار وماسك نشا وماء ورد .. سؤالى بقى
.... هل حمام بخار مره كل اسبوع كده مناسب ولا كتير ؟؟
وكمان فى نص الاسبوع بعمل ماسك عسل وانتى قلتى ممكن اضيف عليه زبادى او اعمل ماسك بياض بيضه مع ليمون ,
1_ طيب ايه فايدة الماسكين دول ؟؟
2_ وياترى اعمل الماسك الى فى نص الاسبوع ده بالاضافه لماسك النشا بتاع يوم الجمعه ولا اكتفى بماسك واحد فى الاسبوع كله؟؟
3_ طيب لو ممكن اعمل فى نص الاسبوع بالاضافه ليوم الجمعه ياترى ممكن اجى فى نص الاسبوع الحالى اعمل ماسك عسل بزبادى ونص الاسبوع اللى بعده اعمل بياض بيض وليمون ولا لازم التزم بنفس النوع كل مره؟؟
...... انا شعرى يا نوده القصه طولها قريب من طول الشعر فلما باجى أسرحه مش بعرف اتصرف فيها ازاى لانى من بعرف اجيبها كلها على جنب بيبقى شكلها عليا مش حلو ولا بعرف افرقها من النص واسيبها نازله كده على وشى من الجنبين وخاصه انى الجبهه عندى عريضه وبارزه شويه لقدام فبضطر ارجع شعرى كله لورا وألمه ,,
فبفكر انى اقص قصه تكون قصيره عشان اعرف ادارى بيها الجبهه انتى رأيك ايه؟ ولا عندك حل تانى وبرده صعبان عليا اقصها كلها فبفكر اقص نصها الامامى واسيب بقيتها على طوله لانى محتاره اعمل ايه بعد الجواز ان شاء الله مش هينفع ألم شعرى للخلف طول الوقت وكمان مشكلتى انى مش اعرف تسريحات للشعر غير ديل الحصان او الكحكه او الضفيره يا ريت تفيدينى اتصرف فى موضوع القصه والجبهه ده ازاى ولو عندك طرق حلوه ودلوعه لتسريح الشعر ياريت تقوليلى انتى عارفه بقى الجواز محتاج تسريحات دلع رقيقه وكده

[رحاب الرحمن]

ازيك يا نوده بس عندى استفسار
تعقيب:
كتبت بواسطة هنودة هنانيدو

السويت فايدة سكرب قبلها انه يفتح مسام عشان ميبقاش فيه شعر تحت الجلد بس مش لازم تعمليه .. اعمليه لو انتى فى شعر تحت الجلد

بعد السويت عايزة تقفلى مسام يبقى نشاء مع ماء ورد
عايزة تقللى الشعر يبقى زيت زيتون

الاسمرار بيقى فى منطقتين فى ناس بيبقى عندها فى مكان واحد وناس فى الاثنين



1_ لو استعملت زيت زيتون اسيبه أد ايه واغسله بعدها ولا لأ وهيحتاج بعدها انى اعمل حاجه تقفل المسام ولا كده خلاص
2_ وبالنسبه للنشا وماء الورد ممكن استعمل ماء ورد لوحده لقفل المسام ؟ ممكن تلج كبديل؟؟
3_ طيب الاسمرار اللى بيكون فى المنطقه الداخليه اللى هى بين الافخاد(الشفرين) حله ايه وهل بيسب احراج ومشكله بعد الزواج ولا عادى ؟
4_ لو ظهر حبوب فى المنطقه الحساسه بعد السويت استخدم مرهم ايه وياترى هينفع معاه اعمل زيت زيتون او نشا وماء ورد ولا لأ؟ طيب لو ينفع هيكون ترتيبهم ازاى يعنى امتى احط المرهم وامتى زيت الزيتون مثلا؟
5_ زيتون الزيتون يسبب اسمرار على بشره ناشفه ولا لأ؟
6_بيتادين وزيت اللوز المر جاب معاكى نتيجه فى تفتيح بين الأفخاد؟
عارفه انى تقلت عليكى اوى اوى يا نوده والصفحه مليانه اسئله كتييير ليا بليز متزعليش منى

[في داخلي قلب طف]

يسلمو هالايدين

[dodo412]

ازيكم يا قمرات وحشتووووووووونى جداااااااااا
سلام خاص ليكى يا هنودة ياقمر
وحشتينى ووحشنى كلامك بدات اقرأ اللى فاتنى
كل سنة وانتم طيبين يابنات وربنا يكتبلنا الحج
جميعا ان شاء الله
امييييييييييييين

[رحاب الرحمن]

يا نوده انا قرأت الكلام ده عن الشعر على النت ياريت تقوليلى رأيك ايه فى الكلام ده

يشير خبراء تصفيف الشعر أن حمامات الكريم للشعر أكثر فائدة للشعر من حمامات الزيت حيث أن حمام الكريم يغذى الشعر ويطريه وينعمه ويعطى اللمعه وهناك أنواع معالجة فيقول خبير تصفيف الشعر أن الفرق بين حمامات الكريم وحمامات الزيت للشعر أن الشعر لايحتاج حمام زيت لأن الشعر طبيعي بيفرز زيوت طبيعية وليس محتاج زيوت خارجية فالزيت يجعل الشعرغير قادر على افراز زيوته الطبيعيه بنفسه ولذلك بيهيش الشعر وبيقصفه ويجعله يتساقط ويجف على عكس المعتقد السائد إن حمام الزيت بيطري وينعم ويتقل ويعالج تقصف الشعر وهذا غير صحيح فالذى يطري الشعر ويلمعه هو حمام الكريم لأنه بيناسب الشعر أكثر وبيطريه أكتر من حمام الزيت والسؤال هنا كيفية عمل حمامات الكريم ومتى يتم وضعها وماهى أفضل الكريمات للشعر

طريقة عمل حمام الكريم للشعر
يغسل الشعر جيد فلكي ينجح حمام الكريم لا بد أن يكون الشعر مغسولا ونظيفا وخاليا من أي دهون ثم يجفف الشعر ثم يوضع المقدار الكافى من الكريم على الشعر عن طريق الدهان والتدليك بشكل دائرى ابتداء من اول الراس ثم جوانبها ثم منتصفها ثم مؤخرة الراس وتظل عملية التدليك مستمره لمدة 10 دقائق حتى تتشبع جذور وفروة الراس بالكريم ثم يدهن باقى الشعر بدهان كافى ثم يغطى الشعر بالمنشفه أوفوطة التى سبق غمسها بماء ساخن حتى تتشرب الماء الساخن جيدا ثم تعصر ثم تلف المنشفه على الشعر جيدا ولا تترك تبرد على الرأس فيكرر ذلك 5 مرات متتاليه ثم يشطف الشعر ويمكن أن نسبتدل الفوطة الساخنة بالمجفف الاسيتشوار بأن نسلط المجفف على الشعر لرفع درجه حراره الشعر بأن يوضع تحت السشوار لمدة 20 دقيقه ويبقى تحت الغطاء لمدة ساعة أو نصف ساعة فيقال أنه لا يستفيد الشعر من حمام الكريم إلا بوجود حرارة لأن الحرارة تجعل الشعر يتفاعل مع الكريم ثم تغطيه الشعر بسرعه للاحتفاظ بالحراره ونترك الشعر لمده نصف ساعه أو حسب المدة المحددة على الكريم وبعدها يشطف الشعر بالماء

رايك ايه يا نوده, معنى كده ان حمام الزيت مضر وان حمام الكريم هو اللى مغذى
ده بالاضافه لطريقه عمل حمام الكريم الكلام ده بيقول اننا ندلك بيه فروه الرأس
وانتى قلتى فى موضوعك اننا بنحط الكريم على الشعر والاطراف ماعدا الجذور وان حمام الزيت هو اللى بيغذى على عكس حمام الكريم اللى بيرطب وينعم بس
...... على فكره يا نودى انا بعمل حمام زيت كل اسبوع مع ان شعرى دهنى , رأيك ايه؟

[رحاب الرحمن]

نوده انتى اتكلمتى عن تغذيه الشعر بحمامات الزيت والماسكات بس مقلتيش طريقه عمل الماسك واستخدامه
يعنى بنخلط المكونات ونحطها على الشعر ونغطيه ونسيبه شويه وبعدين نغسله ولا نفس طريقه حمام الزيت بالظبط وفوطه سخنه وكده؟
.... فايده ماسك المايونيز ايه ؟ بيتكون من مايونيز بس ولا بنخلط معاه حاجه؟ بشترى مايونيز من السوبرماركت واستعمله كده على طول؟ انا شعرى دهنى
.... فايدة ماسك العسل والزبادى ايه ؟
....ايه رأيك فى ماسك عباره عن ملعقه عسل+بياض بيضه+ملعقه كبيره زيت زيتون وده للشعر الدهنى

[YASSOO]

ألف مليون مبروك عليكى الجزء 13 يانودى ياقمر وعقبال المليون بقى إنشاء الله بس ساعتها نعمل بقى إحتفال كبير ويكون موجود فيه كل الأخوات القمرات وربنا يكرمك ويوفقك فى حياتك عشان إنتى بجد تستهلى كل خير ياهنوده

[dodo412]

مساء الخير ازيك يا هند ياقمر
بصى قرأت اللى فاتنى كله تقريبا
عاوزة اسألك عن حاجات لفتت نظرى
قولتى خلطة للشعر فيها زيت شبت منين دا العطار ولا فين
كمان المنتجات العالمية للعناية مش دايما الاقيها انا من المنصورة
مش مضمون انزل القاهرة ممكن ايه البديل
كمان لو حبيت اعمل رينج اسعار للحاجات اللى محتاجاها من برفان
وكريمات وماكياج ممكن حدود كام علشان اجيب كل حاجه وماركات كويسة

[dodo412]

حبيت اشكرك شكر كبييييييييييير اوى اوى ياهند
على فكرة زيت الزيتون بعد السويت بجد النتيجة ممتااااازة
ولسه مستمرة فيها دايما بجد جزاكى الله عنا كل خير
نسيت اسأل لاقيت وصفة لشعر الوجه
انا بعمل تشقير لانه مش كتير لو عملت الخلطة دى
هتنزله ولا تكتره ولا بلاش منها ؟؟؟
رجعت علشان اتعبك معايا معلش

[HOOBY]

الف مبروك ياهنوده على الجزء 13

وعقبال الجزء المليووووووووووووون

وموضوع الشعر جميل جدا حزاكى الله كل خير

كنت عابزة اسألك عن حاجة يا سكر

كريم فيوسيدين ده مضاد حيوى ياترى استعماله كتير مضر انا سمعت الكلام ده

وياترى كريم كارباميد ده استعماله بيكون بعد السويت بس ولا ايه

كمان قريت على كريم ليوكسيد انه ينفع للنمش الجلدى اجربه للنمش ولا هيبقى وحش

جبت من كلير اند كلين غسول لوحده ومنظف لوحده

ياترى استعملهم هما الاتنين ولا الغسول يغنى عن المنظف او العكس

معلش هتقل عليكى وطولت ربنا جزاكى كل خير يارب