"عروسات المستقبل تعالوا اقولكم".. جزء ( 13)

**هنودة هنانيدو** · 13-11-2009, 03:27 PM

السلام عليكم
بنوتات الحلوين وحشتونى كتيييييييييييييييييييييير

يارب تكونوا كلكم بخير ومبسوطين وحشتنى اخباركم وكلامكم

نهاردة يالالا نبتدى جزء جديد سوا ونستفيد من بعض

معلش ياريت اللى كان كانب اسئلة فى جزء اللى فات وملحقتش جاوبها يكتبها تانى هنا ....

يالالا نبتدى نهاردة مع مواضيع جديدة ....

**هنودة هنانيدو** · 13-11-2009, 03:54 PM

ده وصفة من خبيرة تجميل لتقليل شعر الوجه .. عايزة اجربها الايام ديه اشوف نتيجتها

للتخلص من شعر الوجه الى الابد ..

2 ملعقه كبيرة من ترمس مجروش ومغلى وتمت تصفيته فى كوب ماء..

2 ملعقة كبيرة من مغلى زهرة البابونج فى كوب ماء..

2ملعقة كبيرة من ردة بعد غليها وتصفيتها فى كوب ماء ..

بمعنى عمل كوب من كل نوع من الانواع الثلاث السابقة وتوضع فى الثلاجة وتسخن عند الاستعمال

كدهان يدلك به الوجه لمدة من نصف ساعة الى ساعة لمدة عشرة ايام مستمرة فهذه الوصفة

تعوق نمو اى شعره فى الوجه وخاصة الذقن ذلك بعد ازالته

طبعا الوصفة تتعمل يا بنات بعد ازالة شعر الوجه

**eng_menna** · 13-11-2009, 04:08 PM

انا بجد فرحانة انى اول واحدة اباركلك على الجزء الجديد دى ويارب يارب يبقوا 100 جزء واكتر كمان الف مبرووووووووك ياقمر

هسالك بقى على حاجة بسيطة كدة بصى ياقمر هو انا لما اجيب الجليوسليددة واحط علية ليمون واسيبة وكل يوم مثلا استعمل منة لو سيبتة مثلا مدة معينة بس مثلا اكتر من اسبوع او اكتر من كدة كمان ممكن يجرالة حاجة علشان الليمون الى علية ولا عادى ولو حطيتة مثلا لازم اغسلة بعدها باد ايه
ومرة تانية مبروووووووووووك على الجزء الجديد

**اريز** · 13-11-2009, 04:32 PM

يسلمو هالايدين

**هنودة هنانيدو** · 13-11-2009, 06:13 PM

ازيكم ياقمرات يا اجمل عرايس المستقبل

نهاردة تعالوا نبتدى الجزء الجديد بموضوع عن الشعر اللى مغلبنا كلنا وبنعانى منه
احنا نهاردة عايزين نتكلم عن مفاهيم خاصة بالشعر لان اوقات بيبقى فاهمين غلط وده اللى بيتعب ويضر شعرنا ....

الاول طبعا انواع الشعر 3
جاف .. دهنى ... عادى

يمكن معظم شعر البنات بيبقى عادى بس فيه هيشان وتقصف .. ديه مشكلة معظم البنات الهيشان والتقصف تكون الشعر حلو وفيه كسرات خفيفة

طيب احنا قبل كدا اتكلمنا على الفرد الشعر وقولنا انه اد ايه مضر .. وقولنا لو عايزة فرد يبقى مفيش غير كيراتين هو غالى شوية بس ارحم على الشعر ومش بيضره لانه اصلا معالج ولازم تختارى حد واثقة فيه عشان يكون النوع الاصلى برازيلى مش برازيلى لبنانى لان الفرق بينهم
ان البرازيلى الاصلى كيراتين فيه نسبته عالية اكتر من 90 % اما لبنانى كيراتين نسبة اقل بكتير توصل 60% ومادة فورماهيلد تكون 4 %

مادة ديه هى مادة فرد طبعا كل ما تزيد كل ما بيبقى ضرر على الشعر على عكس البرازيلى الفورماهيلد بتبقى 2%

فى كمان كيراتين من غير اى فورماهيلد وده بيبقى معالج للشعر يعنى يقلل الهيشان والتقصف ويخلى الشعر صحى وفيه لمعة وبيحافظ عليه بس الفرق انه مش بيفردة يعنى بتفضل تموجات فيه مش بيبقى مفرود زى الاستشوار عشان ده الفرق بين استعمال كيراتين من غير فورماهيلد وكيراتين بفورماهيلد ....

كيراتين بفورماهيلد بيفرد الشعر خالص بيبقى ناعم جدا اما كيراتين من غير فورماهيلد معالج فقط مش بيفرد الشعر ....

طبعا لو انتى شعرك خشن اوى ومجعد لازم تختارى كيراتين فورماهيلد وبيبقى برازيلى عشان تكون مادة فورماهيلد قليلة فيه ..

الاسعار على حسب شعرك وطولة وكثافته بس تقريبا بيبتدى على 1000 ج

نرجع بقى للشعر .. سواء انتى شعرك كويس او جاف او عملتى كيراتين او صبغة لازم بيبقى فى روتين تهتمى فيه بشعرك لان لازم تحاظى على شعرك لانه حاجة دائمة معاكى مش حاجة مؤقتة ...

طيب احنا ازاى بنهتم بشعرنا ؟؟؟
الروتين بتاع الشعر بيبتدى من اول حاجة التغذية وكل شوية اقول تغذية لانها الاساس لانك لو فى انيما ولا نقص حديد ولا اى مشكلة عندك مهما استخدمتى كريمات وشامبو حتجيب نتيجة بسيطة والاساس الداخلى ...

التغذية انك تاكلى حاجات المفيدة فاكهة وخضار واللبن والبيض وزبادى وانتى لما تاكلى كويس كل جسمك حيستفيد مش شعرك فقط وشرب ماء طبعا

انتى لو عندك انيميا عالجيها قبل اى حاجة لان بسببها حيبقى فى تقصف وتسافط لو عندك نقص فيتامين خدى مكملات غذائية فيتامين ا د هـ ...

احنا كدا خلصنا من اول جزء التغذية نيجى بقى للروتين الدائم لشعرنا

فى جزء خاص بالتغذية الشعر وجزء خاص بالعناية .. ايه الفرق ؟؟؟

تغذية الشعر بتعتمد على حاجات طبيعية حمامات زيت وماسكات الشعر

والعناية شاملة الشامبو وحمام الكريم وكريم التصفيف والبلسم

طيب تغذية الشعر :::

بتعملى مرة فى الاسبوع حاجة لتغية الشعر وتبقى حاجة اساسيية معاكى وزى ما قولنا حمامات الزيت افضل حاجة لتغذية الشعر بس فى ناس شعرها مش بيمشى مع زيوت ساعتها تعملى حاجات طبيعية بردو عشان تغذى الشعر

ممكن تغذية الشعر مرة فى الاسبوع تكون :::

الحنا :: من احلى حاجات اللى بجد بتقلل التساقط وتغذى الشعر جدا .. ان شاء الله حاعملها بكرة واستمر عليها الايام ديه عشان فجاة ظهر عندى تساقط ....

الحنا مشكلتها انها تنشف الشعر بس ممكن تعملى ليها اضافات تقلل النشفان يعنى ممكن تعملى حناء وتضيفى عليها بيضة وعسل او زيت زيتون او قشدة اختارى اللى يعجبك منهم وضيقى عليها وطبعا بتسبيها تتخمر نص ساعة وبعدها تحطى على الشعر وتسبيها 3 ساعات واغسلى شعرك كويس طبعا هى بتاخد وقت طويل فى الغسيل

كمان اللى حيعمل حناء مش حينفع يعمل صبغة اللى بعد 6 شهور عشان الحناء بتعمل زى غلاف للشعر والصبغة مش حتثبت فيها وحتديكى الوان تانية اللى ناوية تعمل صبغة يبقى بلاش تعمل حناء .. طبعا الحناء اللى بكلم عليها هى الحناء العادية من غير لون مجرد تغذية للشعر اللى عايزة تغير لون شعرها بتضيف اعشاب معينة ....

كمان العرايس اللى فرحهم قرب اعملى حناء بشعرك مرة فى الاسبوع قبل الفرح بمدة عشان يوقف اى تساقط ويغذيه

كمان عشان تعالجى نشفان الشعر بعدج الحنة استخدمى حمام كريم على شعرك بعد الحنة

حمامات الزيوت :: طبعا مفيدة جدا جدا تغذية وتكثيف وتطويل وتنعيم
خلطات الزيوت كتيرة بس اكتر زيوت المفيدة الخروع والزيتون والجرجير واللوز الحلو والسمسم

اختارى الزيوت اللى تناسبك يعنى ممكن زيت مفيد بس مش يناسبك اختارى مناسب ليكى واعملى حمام زيت مرة فى الاسبوع

النخاع :ك من حاجات مفيدة جدا للشعر واتكلمنا عليها بتجيبه من الجزار هو مادة لزجة بتحطى عليه اى زيت بيريح شعرك وتعملية زى ماسك لشعرك لمدة ساعتين وتغسليه بيغذى ويكثف الشعر جدا بس عيبه ريحته مش حلوة بس انتى ممكن تغسلى الشعر بشامبو ريحته حلوة وتحطى اى زيت عطرى زى فواكه او مسك على ايدك كام نقطة وتمسحى بيه على الشعر حيغير الريحة

ماسكات الشعر زى مايونيز والعسل مع الزبادى فى خلطات كتيرة اختارى اللى يناسبك ...

نيجى بقى للعناية ::
الشامبو :ك اختارى شامبو مناسب ليكى لان انواع شامبو كتير وكل طبيعة شعر مختلفة عن التانى يعنى مثلا لو انتى بتستخدمى نوع شامبو معين مش لازم يبقى مناسب لصاحبتك انتى لازم تجربى بنفسك

شامبوهات كتيرة زى لوريال وهيربال vo5 وصانسليك ودوف وبانتين وجارنييه وسباركل اختارى مناسب ليكى انتى

فى كمان شامبوهات طبية ديه بيبقى ضررها اقل من شامبوهات العادية على فوة الراس زى شامبو بروتى كير prote care

حمام كريم ::: ده بيتحط على الشعر بس مش على الفروة على عكس الزيت بيتحط على الفروة مش على الاطراف لان الزيت فايدته يغذى الشعر من الداخل عشان كدا يتحط على الفروة اما على الاطراف حينشف والعكس الكريم يبقى على الشعر والاطراف مش الفروة لانه بيرطب وينعم مش حيغذى ده يرطب الشعر بس مش تغذية يعنى مش حيمنع تساقط ولا يطول مجرد تطرية وتنعيم للشعر

حمام كريم طريقته على علبته بس عامة بعد غسيل الشعر بالسامبو بيتحط على الشعر وهو مبلول وتسبيه لمدة 5 دقائق او حسب ارشادات العلبة ....ويتشطف كويس اوى

حمامت كريم كتيرة بردو لازم تختارى مناسب ليكى يعنى حتلاقى حمامات كريم زى لوريال مفيدة اوى وكاريتيه بس هو مناسب للشعر الجاف اكتر وفيه غارنييه ودابر فاتيكا حلو بيطرى الشعر وبوناويل وفى انواع كتيرة لاحصر لها

كريمات التصفيف :: ديه بتتحط على الشعر عشان يبقى شكلة حلو بعد غسيله وتنشيف وتفضل على الشعر من غير غسيل وكريمات منها انواع تقيلة لى الشعر ومنها انواع خفيفة يعنى تقيلة فى الملمس زى بالمرز

انواع كريمات كتيرة بالمرز وغارنييه وبارشوات كازنوفا وغيرها كتير ديه مجرد امثله

زيوت التصفيف :: فى انواع شعر مش بترتاح مع كريمات تصفيف بيبقى فيه زيوت بردو تصفيف يدهن بيها الشعر بعد غسيله وتفضل على الشعر مش تتغسل زى كريمات بالظبط
انواع بردو كتيرة زى دابر املا وجدايل وزيت الحية وغيرها كتير

كمان فى سيروم :: ده بيتحط على الشعر بيبقى خفيف عليه مش تقيل بيقلل التقصف والهيشان حلو للشعر العادى من افضل ماركات زيروفريز

انتى كدا بتعملى روتين للشعرك انك تعملى مرة فى الاسبوع ماسك او حمام زيت للتغذية وبيبقى على فروة الراس وباقى الاسبوع العناية العادية انك تختارى شامبو وحمام كريم و كريم تصي او زيت تصفيف مناسب ليكى ..

طبعا بالتدريج الشعر بيتحسن خاصة لو انتى عالجتى مشاكل تغذية او انيميا او نقص فيتامين لان كريمات وماسكات مش حتقلله ...

نيجى للبيبى ليس ...
البيبى ليس هى مكواة للشعر بتفرده هى احسن من الاستشوار يعنى الاستشوار بيهلك الشعر وبيضره لان درجة حرارة عالية عليه اما البيى ليس اقل ضرر منه ....

عامة استخدمها بيبقى قليل يعنى مرتين فى الشهر مش كل يوم عشان شعرك مش يهلك وتحطى قبل استخدامها نقطة سيروم عشان يعمل زى غلاف حماية للشعر وبعد ما تعملى شعرك نقطة كمان عشان يحافظ عليه ويكون فيه لمعة ....

فى كمان كريمات مخصصة انها تتحط على الشعر قبل المكواة زى بالمرز فى نوع منه للمكواة بس السيروم احلى لانه خفيف وطرى على الشعر ...

ماركات بيبى ليس هى افضل ماركة احسن من بروان وامجوى
فى منها موديلات كتيرة وكلها اختلافات فى اللون وعدد القطع انتى اختارى اللى يناسب طبيعة شعرك يعنى قصير ولا طويل ولا عايزة عدد قطع زيادة زى كيرلى ...

كمان منها انواع تنفع للشعر الجاف او المبلول او الاثنين مع بعض وده احسن عشان لو انتى غسلتى شرك وعايزة تعملى بيبى ليس تكون مناسبة لانها لو مخصصة للشعر الجاف مش حتنفع تستخدميها وهو مبلول

كمان اختارى الببيى ليس فيها مادة تاتنيوم ديه مادة تحمى من التقصف يعنى بتعمل زى عازل لشعرك من حرارة البيبى ليس

كمان درجات اى بيبى ليس بتبقى 3 درجات
درجة للشعر الخفيف
درجة للشعر المتوسط
درجة للشعر الخشن اوى

خليكى فى درجة الوسط ولو شعر حلو بس هايش يبقى على درجة الاولى ...

ده هو نظام الاهتمام بالشعر اختارى منتجات تناسبك وعالجى اى مشاكل دخلية فى جسمك حتلاقى شعرك بالتدريج اريح واحلى .ز لو بتحلمى بشعر ناعم مفرود يبقى واقعيا مفيش غير الفرد الى طبعا مرفوض او كيراتين ....

لو عايزة شعر حلو عالطول وصحى يبقى اهتمام وعناية زى ما اقولنا مع البيبى ليس يديكى شكل حلو يريحك

دايما فكرى فى حلول طويلة الاجل مش مؤقتة يعنى الفرد وغيره حل مؤقت بعدها حتعملى ايه ؟؟؟
اما العناية والاهتمام حل مدته طويله لان نتيجته تفضل عالطول معاكى

**pink_heart** · 13-11-2009, 06:17 PM

هنوده العسل الف مليون مبروك الجزء 13
وميرسى ياقمر على الماسك وان شاء الله نتيجته تبقى حلوة وتقوليلنا عليها

**red roseee** · 13-11-2009, 06:54 PM

الف لف لف الف مبروووووووووووووووووووووووووووووك يا هنودة على الجزء الجديد عقبال الجزء 1000000000000000000000000

**rose85** · 13-11-2009, 08:53 PM

مبروك هنودة على الجزء الجديد
وموضوعك لفت انتباهي الى شئ انا سايباه خالص وهو الشعر اللي صاير اخر اهتماماتي
بس انا ياهنودة عمري مااستخدمت زيويت لشعري
كل اللي اعمله اني اغسله بشامبو بانتين او برت بلس لان هربل ماناسب شعري ابد
واحيانا استخدم حمام زيت كوزمال اللي اكثر شي نفعني
بس بعد الصبغة الكوافيرة نصحتني اني ابطل حمام الزيت لانه بيخفف الصبغة ياترى صحيح هالشي ؟

**lovelydream** · 13-11-2009, 11:09 PM

الف الف مليون مبروك يا نودة يا قمر علي الجزء 13 و غقبال المليون يا رب

جميل اوي يا نودة كلامك عن الشعر النهاردة و يا رب الكل يستفيد منه
انا بقي يا نودة عملت حنا اللي كنت قلت طريقتها في الجزء اللي فات يوم الاربع علشان كان عندي قشرة في شعري و مزهقاني و انا ماليش طولة بال اني اعمل تونك للشعر الدكتور كان كاتب عليه
قلت اخلص نفسي و الحنة و هتطيرها
بجد يا بنات الحنة حلوة اوي للقشرة بتضيعها كمان تحسي سبحان الله انها بتطهر الرأس من اي التهابات
معلش رغيت شوية بس قلت علشان لو حد كان عنده نفس المشكلة يقدر يستفيد و خصوصا اننا داخلين علي شتا و ان شاء الله اكررها كمان اسبوعين

**pink_heart** · 13-11-2009, 11:18 PM

تسلم ايديكى ياهنوده على موضوع الشعر بجد ماشاء الله هايل وشامل وجه فى وقته انا بقالى فترة مش بهتم بشعرى وموضوعك شجعنى

كنت عايزة اسألك يانوده ايه رايك فى منتجات حراز؟؟؟
انا شوفت كذا بنت فى منتدى تانى بيشكروا فيها اوى وخصوصا ماسك وسكرب بزيت اللوز والطمى المغربى بيقولوا انها بتفح وتشد البشرة وتشيل البقع والاثار

انا اعرف ان حراز موجود فى القاهره طيب ياترى ليه فرع هنا فى اسكندريه؟ وموجود فين؟ ولو مش ليه فرع ياريت لوتعرفى تقوليلى منتجاته موجوده فين ومش تكون تقليد؟

**ايمان مونى** · 13-11-2009, 11:45 PM

الف مبروووووووووووووووووووووووك يا نودة على الجزء ال 13 وعقبال ال 130000000000000000000

وانتى دايما معانا ومع زوجك كمان متهنية وسعيدة معاه دايما يارب

جزاكى الله خيرا على تعبك معانا وزوقك وتوضيحك وردك على اسئلتنا ربنا يجعله فى ميزان حسناتك يارب

**basbosa.2** · 14-11-2009, 02:15 AM

مبروووووووووووووك يا اجمل عروووووسه عالجزء الجديد

موضوع الشعر راااااااااائع......خصوصا ان شعرى طالعلى فيه قشرة قرفانى وبستخدمله نيزورال بس مراحتش مش عارفه اعمله ايه؟؟؟؟ وخايفه اعم حنه لانى كنت لسه عامله صبغه اااخر شهر 7 اللى فات مش عارفه تاثر ولا ايه؟؟؟؟؟

ههههههههه لالالالالالالازم ياهنودتى ياحبيبتى اسيب بصمتى برده ههههههههه ربنا يقويكى علينااااااااا

**سارة83** · 14-11-2009, 02:42 AM

يعطيكوا ألف عافية .. ماشاء الله وصلنا للجزء ((13)) ماشاء الله تبارك الله .. هذا الرقم بيشرح القلب الله وبيحسس الواحد انه الدنيا لسه فيها خير وحب ....
* سؤال خفيف : ماما سافرت الحج (عقبال عندكم جميعا يارب ) شو ممكن تجيبلي من السعودية شغلات ؟؟ بينفع تجيبلي بيبي لس؟ بليز قولولي سعره ....
* سؤال تاني: انا بعاني طبعا والحمدلله من الشعر الابيض خصوصا في مقدمة الرأس وهدا الشي خلاني ألجأ للصبغة لانه الحنا مازبطت معى وكانت تطلعلي الشعر الابيض برتقالي متل شعر (تيتة) ... بحفلة الخطوبة بشهر ستة الماضي صبغته أحمر وكان حلو , بس المشكلة مضطرة أصبغ كل شهر لانه الابيض بيرجع بيظهر تانى ... من يومين عملتوا أسود (الصبغة كانت بني درجة تنين) طلع على شعري أسود ... انا مبسوطة في وحلو على بشرتي بس المشكلة مليت من الصبغة ومابكون مبسوطة باللون لانه بتزكر انه ايام وحضطر اصبغ تانى وشعري اكيد حيتعب (مع انه والله مش مقصرة بشي من شامبوهات وزيوت وبيض ومايزنيز وقصص )....
نفسيتي تعبت من التفكير خصوصا فرحي بعد شهر والله تعبت شو أعمل!!!
ثانكس لالكم

**bascota_1988** · 14-11-2009, 03:45 AM

الف مبرررررررررررروووووووووك ياهنوده على الجزء الجديد عقبال المليووون

موضوع الشعر جميل اوى انا بقالي مده مش بهتم بشعري وهبدا اهتم ان شاء الله بس الحنه الي بتقولي عليها ديه ل\ ماركه معينه ؟؟

عايزه اسالك عن منتجات اوبتمالس من اوريفليم (كريم الليل والنهار)انا لقيتك بتقولي لبنوته هنا انها حلوه للبشره الدهنيه طيب انا بشرتي عاديه او جافه تنفع ليها ولا ؟؟ وفيه منتجات تانيه غير اوبتمالس في اوريفليم حلوه للبشره ولا ؟؟

وعايزه اسالك زي ماسالي سالتك عن حراز بس عايزه اعرف مكانها فين في القاهره ؟؟

"عروسات المستقبل تعالوا اقولكم".. جزء ( 13)

"عروسات المستقبل تعالوا اقولكم".. جزء ( 13)

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق