" عروسات المستقبل تعالوا اقولكم".. جزء ( 3 )

[هنودة هنانيدو]

تعالوا نكمل كلامنا على اللبس بس المرة ديه عن الترتيب

طبعا انتى حتقسمى لبسك عشان تعرفى ترتبيه فى دولابك
اللبس بيبقى اما :::::

لبس خروج
لبس بيتى شامل بيجامات ولبس الدلع
لانجيرى
اندر وير
الطرح والشرابات

حنيجى بقى ترتيهم فى الدولاب ....

لبس الخروج حيتحط فى مكان مناسب ليه فى الدولاب وحاولى ترتبيهم بشكل يريحك يعنى يكونوا مكوين عشان لو خرجتى فجاة تلاقيهم جاهزين وحطى فى اول اللبس اللى بتلبسيه اكتر وبعده الاقل وهكذا ....يعنى مثلا لو فيه جيب شوية سواريه طبيعى مش حتتلبس فى خروجات عادية عشان كدا حطيها فى الاخر عشان مش كل ما تلبسى تلاقيها طالعة معاكى .. يبقى كدا انتى سهلتى على نفسك الوقت ..

كمان رتبيهم بالالوان يعنى مثلا لو بتلبسى تونيك وبنطلون يبقى ظبطى التونيكات مع الوان بنطلون بتاعها وعلقيهم مع بعض فى شماعة مثلا تونيك تراكوز مع بنطلون الجينز يبقى لما حتلبسيه حيبقى سهل عليكى تلاقى مناسب ليه وكدا بتسهلى على نفسك خاصة ان الرجال مش بيحبوا الانتظار يعنى زوجك عايز اول ما يقول يالالا بينا ننزل يلاقيكى بسرعة لبستى وبقيتى شيك

ونفس النظام للعبايات رتبيهم على حسب استعمالك ليهم فيه انواع اكيد مش مناسبة مثلا لخروج الصبح يبقى حطيهم مع بعض فى ترتيب وتبقى انتى عارفة ان مجموعة دول ينعوا الصبح ودول ينفعوا بالليل

نيجى للانجيرى
حنقسمه القصير والطويل يعنى حنحط الاول لانجيرى القصير وراء بعض وبعده الطويل
وخلى الالوان متدرجة ازاى ؟؟؟
يعنى حطى كل لانجيرى بتاعك القصير درجات الروز ورا بعض وبعده مثلا درجات التراكوز وبعده الاحمر وهكذا عشان لما تبقى عايزة تلبسى لانجيرى احمر متفضليش تقلبى الدولاب وتفضلى تطلعى كل اللى عندك باللون الاحمر عشان تحددى تلبسى ايه .. كدا اسهل حتلاقى انك مثلا 3 لانجيرى بتاعك الاحمر وراء بعض وهما فى الدولاب حتختارى منهم اللى عايزة ويفضلوا بكدا شكلهم مرتب ومش يتكسروا ونفس النظام مع لانجيرى الطويل

طيب اللبس البيتى ولبس الدلع
دول ممكن يترتبوا ويتحطوا فى الادراج ويبقى نظام كل طقم لوحدة يعنى بيجامات حتبقى كل بيجاما البنتكور او شورت مع بادى بتاعه مترتبين مع بعض ولبس الدلع اللى هو جيب قصيرة وهوت شورت وبنتكور وباديهات خليهم بردو مترتبين بشكل متدرج يعنى حتحطى بنطلونات مع باديهات مناسبة ليه الجيب مع بادى مناسب ليها وهكذا ومش معنى كدا انك تفضلى تلبسيهم بنفس النظام يعنى مثلا انتى حطيتى بنتكور اسود مع بادى اورانج مش لازم كل مرة تلبسيهم كدا لا مرة بعدها البسى نفس البنطون مع بادى احمر وهكذا ...
بس خلى ترتيهم مع بعض معروف ان بنطلون دة مع بادى ده

طيب الاندروير ؟؟

قسميها اطقم للخروج واطقم للبيت يعنى حطى اطقم برا والاندر اللى بتخرجى بيهم لوحدهم عشان يبقى سهل تطلعيهم والاطقم خاصة بالبيت حطى كل اندر مع برا بتاعته عشان تناسق الالوان وممكن تجيبى بوكسات مخصصة الاندر متقسمة من جوا بيبقى شكلها شيك وتحطيها فى الدرج عندك ...

لو مش عندك البوكسات ديه انتى ممكن تعمليها بنفسك سهلة هاتى بوكس بتاع الاحذية وغلفيه من برا بتل او اورجنزا او ستان ومن جوا حطى ورق كرتون المقوى وقسميه او ممكن تحطى الاندروير من غير تقسيم يعنى لفى كل اندر مع برا بتاعته بشكل حلزونى زى اسطوانة كدا وحطيهم جوا العلبة ...

الطرح والشرابات دول طبعا سهلين حتحطيهم فى درج عندك وحطى مثلا البندانة لوحدهم على جنب والطرح السواريه وحدها وطرح الاسكارف اللى تتلبس تحت الطرحة الاساسية لوحدهم على جنب وباقى طرح بتاعتك مع بعض وكلهم فى نفس الدرج عشان لما تلبسى طرحة وعايزة الاسكارف بتاعها حتعرفى تطلعيه بسرعة

كدا يفضل دولابك منظم وحاجتك شكلها شيك ومترتبة

[basbosa.2]

حبيبتى الف سلامه عليكى ويااااااااااااارب تقوميلنا بالسلامه ياااااااااااااارب

وكلنا هندعيلك ان شاء الله........وبجد هتوحشينا جداااااااااااااااااااااااااااااااااا

[هنودة هنانيدو]

*الف سلامة عليكى يا هنودة يا قمر .. ان شاء الله حدعيلك فى صلاة الفجر وربنا يقومك بالسلامة ان شاء الله .. والله حنكون مفتقدينك جدااااا ... ربنا يشفيكِ ان شاء الله .

*بالنسبة لموضوع السويت انا عجبتنى فكرة النتف دى .. بس عاوزة اعرف ازاى بالظبط ... اللى فهمته ان من قطعة السويت الصغيرة دى يادوب بس الشعر بس هو اللى بيلزق فيها بدون الجلد وننتف ... مش عارفة فهمت كده صح ولا لا ؟؟؟؟
بجد عاوزة اتشجع انى اعمل من دلوقتى سويت فى المنطقة الحساسة بس خايفه من الوجع اوى ..
بس حستناكى يا هنودة يا قمر عشان نشجع بعض ان شاء الله

*فعلا يا هنودة بالنسبة لملابس المطبخ كلامك صحيح ... وفعلا هى دى انسب ملابس للمطبخ ....
كلامك دايما جميل اوىىىىىىىىىىى...

*بالنسبة بقى ليوم كتب كتابى ان شاء الله مش عارفة البس اى لبس خروج عندى كده ... ولا اجيب لبس سواريه (بس طبعا محتشم لانى محجبة ) بس مش عارفة يعنى بحيث انى اكون مميزة اليوم ده ولا اخلينى عادى احسن ؟؟؟

الله يسلمك يا قمر .. ايوة يا جميل طريقة النتف كدا صح انتى تشدى منطقة اللى تعملى فيها وتعملى زى النتف بيبقى الوجع اقل ان شاء الله اجربها معاكى انا عملتها قبل كدا وكانت كويسة بس من زمان .....

بالنسبة كتب كتابك اولا الف مليووووووووووووون مبروووووووووووووك الاحلى البسى حاجة سواريه اليوم ده لانه اكيد يوم مميز عندك وكمان حتتصورى هاتى حاجة بسيطة مجرد توب مطرز سوارية على جيب اسود سادة والبسى شوز بكعب مش عالى يكون شوية سواريه يعنى لو حتجيبى توب مطرز على فضى هاتى شوز نفس الدرجة واعملى طرحة بشكل سواريه يعنى مثلا باندانة سوارية اللى مطرزة وعليها ايشارب عادى ولفيه بطريقة حلوة

[م.هبة]

ربنا يخليكى ليا يا هناهيدو يا قمر انتى ....
بالنسبة للسويت انا مش متصورة ازاى الشعر يلزق فى السويت الا لو لزقت السويت نفسها فى الجلد عشان الشعر يلزق فيها .... ومتهيألى دى تاخد وقت اكتر صح ؟؟

[pink_heart]

هنوده حبيبة قلبى ياااااااااااارب ترجعيلنا بالف سلامه وبجد حتوحشينا جدااااااااااااااااااااااااااااا وكلنا حندعيلك طبعا فى صلاتنا
وانا عن نفسى مش حقدر اتواصل فى الموضوع وانتى مش موجوده حستناكى اما تنوريه بسلامتك ان شاء الله

وبالنسبه لموضوع النهاردة كالعاده اسلوب جميل ومنظم ماشاء الله والترتيب اللى انتى قولتيه كان فى دماغى بس طبعا انتى رتبتى الافكار فى دماغى اكتر
وطريقه النتف اللى انتوا قولتوا عليها انا بعملها لمنطقه الابط ومريحانى والله يارب اتشجع واعملها للمنطقه الحساسه

[امامة محمد]

ربنا معاكى و يتمم شفاكى على خير و الف الف الف سلامة ياقمر و كلنا معاكى بدعائنا
و لا تقطعى ذكر الله من على لسانك طول الوقت ربنا يجعلها فى ميزان حسناتك
و بالله عليكى اول ماتقومى بالسلامة ان شاءالله و تقدرى تطمنينا عليكى طمنينيا و لو برسالة فاضية
استودعك الله الذى لا تضيع و دائعه و هو الحافظ و هو ارحم الرحمين

[ملوكة 12]

هنووووووووودة حبيبتى الف مليون مبروك على الجزء الثالث عقبال الجزء الماية
واحنا كلنا مع بعض روح واحدة
والف سلامة وترجعى تنورى المنتدى من جديد يا قمر
وكالعادة موضوع جميل زى صحبته بجد اسلوب ترتيب جميل جداا وكمان هيدى شكل للدولاب لذيذ ...مجهودك رائع يا قمر

[noran_87]

هنوده فينك وحشاني

[ريهـــام ~]

مبروك عليكم الجزء الثالث يا عروسات لكِ الحلوات


::

[هنودة هنانيدو]

حبيبتى الف سلامه عليكى ويااااااااااااارب تقوميلنا بالسلامه ياااااااااااااارب

وكلنا هندعيلك ان شاء الله........وبجد هتوحشينا جداااااااااااااااااااااااااااااااااا

ربنا يخليكى يا حبيبتى

ربنا يخليكى ليا يا هناهيدو يا قمر انتى ....
بالنسبة للسويت انا مش متصورة ازاى الشعر يلزق فى السويت الا لو لزقت السويت نفسها فى الجلد عشان الشعر يلزق فيها .... ومتهيألى دى تاخد وقت اكتر صح ؟؟

انا عايزة اجربها ياهبة عشان اشوف ايه النظام

[هنودة هنانيدو]

هنوده حبيبة قلبى ياااااااااااارب ترجعيلنا بالف سلامه وبجد حتوحشينا جدااااااااااااااااااااااااااااا وكلنا حندعيلك طبعا فى صلاتنا
وانا عن نفسى مش حقدر اتواصل فى الموضوع وانتى مش موجوده حستناكى اما تنوريه بسلامتك ان شاء الله

وبالنسبه لموضوع النهاردة كالعاده اسلوب جميل ومنظم ماشاء الله والترتيب اللى انتى قولتيه كان فى دماغى بس طبعا انتى رتبتى الافكار فى دماغى اكتر
وطريقه النتف اللى انتوا قولتوا عليها انا بعملها لمنطقه الابط ومريحانى والله يارب اتشجع واعملها للمنطقه الحساسه

ربنا يخليكى يا بينك حبيبى ... الحمد لله ان موضوع عجبك وطريقة النتف عايزة اجربها ان شاء الله فى منطقة حساسة

[هنودة هنانيدو]

ربنا معاكى و يتمم شفاكى على خير و الف الف الف سلامة ياقمر و كلنا معاكى بدعائنا
و لا تقطعى ذكر الله من على لسانك طول الوقت ربنا يجعلها فى ميزان حسناتك
و بالله عليكى اول ماتقومى بالسلامة ان شاءالله و تقدرى تطمنينا عليكى طمنينيا و لو برسالة فاضية
استودعك الله الذى لا تضيع و دائعه و هو الحافظ و هو ارحم الرحمين

ربنا يخليكى يا امامة وتسلمى حبيبتى على دعواتك وان شاء الله اطمنكم عليا

هنووووووووودة حبيبتى الف مليون مبروك على الجزء الثالث عقبال الجزء الماية
واحنا كلنا مع بعض روح واحدة
والف سلامة وترجعى تنورى المنتدى من جديد يا قمر
وكالعادة موضوع جميل زى صحبته بجد اسلوب ترتيب جميل جداا وكمان هيدى شكل للدولاب لذيذ ...مجهودك رائع يا قمر

تسلمى يا ملوكة ياقمر

[هنودة هنانيدو]

هنوده فينك وحشاني

انا موجوةدة يا نور بس معلش مش بدخل على الشات عشان ظروى ملخبطة شوية

مبروك عليكم الجزء الثالث يا عروسات لكِ الحلوات


::

الله يبارك فيكى يا ام ايات وشكرا ياقمر

[م.هبة]

هنودة يا قمر بجد حتوحشينا جدا .... ان شاء الله بكره الفجر حدعيلك ... ربنا يقومك بالسلامة يارب ..
وان شاء الله كلنا حنتفق على كده اننا ندعيلك فى الفجر .

[قطقوطه مصريه]

ربنا يرجعك لينا بالسلامه يارب وان شاء الله ربنا ييسر لك امورك والعمليه تتم على خير يارب