عروسات المستقبل تعالوا اقولكم.. جزء 2

[قطقوطه مصريه]

مبروك ياهنوده ومبروك لينا على الجزء التانى وميرسي لنصايحك وانا هفضل متابعه معاكى ان شاء الله

[basbosa.2]

حبيبابى القمرات بكرة ان شاء الله نتكلم على الشعر معلش اتاخرت بس انا دلوقتى بنام على نفسى خالص وممكن اقول حاجات غلط معلش اعذرونى وكمان بكرة حاقولكم على شوية افكار سريعة وحلوة اوك يا بنات ؟؟؟

اوووووووك ياقمر وهستنى موضوع الشعر بفااااااااااارغ الصبر

وطبعا انتى هتشوفى رسالتى دى بعد ما تكونى صحيتى....عشان كده هقولك صبااااااح الخير حبيبتى.....ههههههههه

[noran_87]

ههههههههههه بسبوسه انتي كمان لسه صاحيه يالا روحي نامي خخخخخخخخخخخخخ

[م.هبة]

جزاكِ الله خيرا يا هنودة يا قمر انتى ... بس عاوزاكى تجاوبيلى على سؤال السمنة البلدى ده ..

ومنتظرين موضوع الشعر بفارغ الصبر .. على نااااااااار

[sooo008]

ايه ياجماعه التفاعل الجميل ده بجد تحفه ياريت نفضل كده علي طول واي حد عنده حاجه يقولها معلش مكنتش معاكوا امبارح هنوده ازيك بص ياقمر انا عرفت هستخدم السيروم ازاي بس ياقمر عندي حاجه بخوص البيبي دول انا بموت فيه وبحبه بس مش لاقيه في مصر ولا حته عند جويا فياريت لوتعرفي حد في مصر ياريت تقوللي

[basbosa.2]

ههههههههههه بسبوسه انتي كمان لسه صاحيه يالا روحي نامي خخخخخخخخخخخخخ

ههههههههه يانوراااااااا لسه شايفه رسالتك دى دلوقتى......بس انا سمعت الكلام من غير متقولى ونمت وصحيت كمان ياستى........شفتى بقى انا مطيعه ازاااااى !!!!!!!!!!! هههههههه

[basbosa.2]

ايه ياجماعه التفاعل الجميل ده بجد تحفه ياريت نفضل كده علي طول واي حد عنده حاجه يقولها معلش مكنتش معاكوا امبارح هنوده ازيك بص ياقمر انا عرفت هستخدم السيروم ازاي بس ياقمر عندي حاجه بخوص البيبي دول انا بموت فيه وبحبه بس مش لاقيه في مصر ولا حته عند جويا فياريت لوتعرفي حد في مصر ياريت تقوللي

حبيبتى نورتينا تانى..وان شاء الله نفضل كده واحسمن كده كلنا مع بعض علطووووول.....اما بقى بخصوص البيبى دول هنوده تقولك لانى مكنتش اعرف هو ايه اصلا...ههههههه

[noran_87]

هههههههههه شاطوره ايوه كده يابسبوسه
يالا يانودي مستنيينك ترجعي لينا بالف سلامه

[هنودة هنانيدو]

السلام عليكم ياقمرات .. ازيكم عاملين ايه ؟؟؟بقيت برجع من الشغل اجرى على كمبيوتر عشان ابقى معاكم ومبسوطة بتفاعل الجميل اللى بينا يارب كلنا نفيد بعض يالالا نبتدى ..

الشعر ياقمرات بنحس انه مشكلة المشاكل وانا كنت بردو كدا عايزة عالطول شعرى ناعم ليسبس بعد كدا لقيت حاجة واضحة ان مفيش معجزرة تخلى شعرك العادى يبقى ليس ومفرود الا بقى بالفرد او كيراتين احدث حاجة

بس لقيت بردو انك لما بتهتمى بيه بجد بيتحسن شكله بشكل كبيرر لدرجة انك بتبقى مبسوطة منه وتقولى ده كويس وعجبنى

وزى ما قولنا قبل كدا يا بنات ان ثقتك فى نفسك هى اللى بتخليكى قمر فى عين زوجك يعنى لو انتى حاسة ان شعرك مش حلو حتخليه هو كمان يحس بكدا والعكس لو انتى شايفة ان شعرك كويس وبتهتمى بيه وتعمليه تسريحات بسيطة جوزك هو كمان حيشوف ان شعرك اجمل شعر

وانا حاقولكم على تجربة بسيطة ليا انا الحمد لله شعرى عادى زى ما بتقول هبة ولا هو خشن ولا هو ناعم مفرود وبهتم بيه بحاجات بسيطة وبلاقى نتايج احسن .. المهم انى لما عملت كتب كتاب وبدات اقعد ادام خطيبى بشعرى اول مرة عملت بيبى ليس وكان حلو اوى وهو انبسط بشكله تانى مرة عملت استشوار جيبت بقى تالث مرة قولت لنفسى هو انا كل مرة حاروح اعمل شعرى وليه اعمله مع انه مش وحش وهو لازم يشوفنى على طبيعتى وكنت قلقانة ياترى حيعجبه ولا ؟؟ وفعلا ثالث مرة قعدت بشعرى عادى جدا حتى من غير ما الفه ولا حاجة بطبيعته لقيته عادى جدا محسش بفرق وانه عجبه جدا ..
اللى اقصده يا بنات اننا احنا اللى بنوهم نفسنا بالمثالية المتزايدة مش معنى كلامى انننا نهمل نفسنا او نقول خلاص بقى شعرى كدا مش حاعمل حاجة فيه .. لا طبعا اللى اقصده اننا عايزين شعرنا الطبيعى يتحول فجاة الى ناعم حرير طيب ربنا خالقنا كدا احنا ازاى حنعير فى ده ... مش قصدى ياقمرات انى اغلس عليكم بالكلام ده والله ابدا انا بتكلم معاكم انكم اصحابى وممكن اكون غلط طبعا فى كلامى وانتوا اللى بتوجهونى

طيب بعد الكلام الكتير المزعج بتاعى تعالوا نتكلم بقى على الشعر
فيه طريقيتين ملهومش ثالث للفرد اما
فرد كيمائيى .......... او الكيراتين

الفرق بينهم ان الفرد العادى بيكون بكريمات فرد كيمائية زى سوفت اند بيتوفيل ده امريكى وفيه جلات وفيه كين ده هولندى وغيره وغيره
مميزات الفرد ده ::
انه بيقضل لمدة ستة اشهر
انه سعره رخيص مش حيزيد عن 150 جنيه
عيوبه
طبعا عيب كبير انه بيحرق الشعر بمعنى انه الجذور كلها بتبقى تعبانة جدا والشعر اللى بيطلع جديد بيطلع ناشف ومتكسر وتلاقيه مختلف تماما عن الاصلى وحتضرى ساعتها تعمليه تانى فطبعا نفس التجربة حتتعاد ومش حتعرفى ترجعى شعرك حلو زى الاول وطبعا غير التساقط

النوع تانى من الفرد اللى بيكون بالحنة بردو نفس النظام اللى فات

وعلى فكرة يابنات ده مش كلامى ده عن تجارب ناس اما شوفتها بنفسى اما ناس قالتلى عليها

الفرد الثالث هو الكيراتين
طبعا ده مش فرد كيمائيى ده علاج وتغذية للشعر مش مضر نهائى بالعكس مفيد للشعر
مميزاته :: انه بيمنع الهيشان والتقصف انه بيدى نعومة طبيعية للشعر
انه غير مضر والجذور اللى بتطلع مش بتبقى تعبانة
بس هو مكلف شوية بيبتدى من 1000 جنيه

طيب نيجى بقى لو احنا مش حنعمل فرد نبتدى ازاى نهتم بشعرنا ؟

اول لازم كل واحدة مننا تعرف طبيعة شعرها ايه يعنى فيه شعر يبقى مناسب ليه حمام الزيوت وفيه شعر يناسب معه حمامات كريم وفيه انواع شامبو وانواع سيروم

وديه اهم خطوة نبقى عارفين شعرنا متناسب ايه معه لانك مثلا لو شعرك الزيوت بتنشفه وتفضلى مصرة تستخدمى زيوت يبقى استحالة حتشوفى نتيجة حلوة مهما اهتمتى .. يعنى اللى مطلوب مننا دلوقتى تعرفى شعرك مناسب ايه معه وتخليكى ثابتة عليه

حنبتدى بالشعر اللى بيليق مع حمامات الزيوت ..
لو حمام زيت بيجيب معاكى فايدة يبقى انتى اعملى كل اسبوع حمام زيت مغذى والمنتدى مليان اشكال من حمامات الزيت بس اكتر وصفة كويسة فيها زيوت مفيدة
زيت سمسم + زيت زيتون + زيت خروع + زيت لوز حلو
زيت زيتون بيغذى .. زيت اللوز بينعم ... زيت الخروع بيطلع الشعر فى الاماكن خفيفة + زيت سمسم تنعيم

طريقة حمام زيت انك تسخنى الزيوت ديه على النار تبقى دافيه وتحطيها على فروة الراس عشان تمتص كل الزيوت وتستفيدى بيها بلاش تحطيها على الجذور عشان كذا دكتور جلدية وتجميل قالت لما بتحطى زيوت على جذور الشعر بتنشفه

بعد ما حطيتى الزيوت اعملى تدليك بايدك لفروة الراس عشان تتشربه اكتر وتنشطى الدروة الدموية وتحطى فوطة سخنة يعنى تحطى فوطة فى مياه سخنة وتعصريها كويس وتحطيها على راسك وده عشان تخلى فالمسام تتفتح وتستفيد اكتر من الزيوت .. وسبيها لمدة ساعتين وادخلى اغسلى شعرك كويس بشاميو مناسب ليكى لما تطلعى حاولى تلى شعرك يعنى اقسميه نصين ولفيه عشان الشعر يتفرد

تمام كدا ؟؟؟ طبعا فيه زيوت بتبقى جاهزة بتتباع زى جدايل واملا وغيره بردو انتى شوفى ايه مناسب منهم وممكن تعمليه بنفس الطريقة اللى فاتت

ده كان اول حاجة فى الشعر وان شاء الله حنكمل النهاردة باقى الكلام خاصة اللى شعرهم مناسب ليه كريمات ونقول على الوصفات ومش ناسية يا هبة يا جميل سؤال السمنة لاتقلقى

[basbosa.2]

حبيبتى موضوعك وكلامك حلووو جدااااا...وانا معاكى فى كللل كلمه قلتيها

وحمد الله عل السلامه ياقمر من الشغل.....ومشتنيين الباقى

[noran_87]

حبيبتي هنوده فعلا كلامك روعه
اختي عملت الكيراتين ب2000 جنيه وشعرها علي العلم انه كاريه وفعلا جميل جدا جدا
وانا كمان كنت بقعد قدام خطيبي بشعري وكان حبه كتير
مع انه مش ناعم حرير

بس برضو مش خشن خالص
بصراحه كان مبسوط قلت تمام
بس ادعولي التساقط يقف بقي

[sooo008]

حبيبي هنوده ازيك وحشتيني حمد الله علي السلامه متنسيش سوالي علي البيبي دول وياقمر في حاجه محيراني كتيييييييييييييييييييييير موضوع الحمام المغربي انا قريت كتير ومتحيره جدا وعايزه ابا فيه من دلوقتي خصوصا ان فرحي بعد العيد وهبا فيه بمشيئه الرحمن انا وماما لان طبعا مش عايزه حد يشوف جسمي بس شوفت ليه طرق كتير وبادوات مختلفه ياريت تقوللنا ايه الطريقه الصح وايه الغلط وايه اللي ينفع وايه اللي مينفع ونجيب الحاجه منين ربنا يجعله في ميزان حسنتك وبشكر كل البنا ت اللي بتتفاعل معنا بجد موضوع يستحق الاهتمام علي فكره انا بقيت كل ماادخل المنتدي معملش حاجه غير ان افتح الموضوع واشوف ايه الجديد يارب كل بنات المسلمين موفين (امين يارب العالمين)

[noran_87]

نودي اشوفك باليلل بقي ولا ايه
وحشاااااااااااااااني
وانتي يابسبوسه فينك

[≈ احـتِـوٍآءْ ≈]

موضوع جاااااااااااااااااااامد

تسلمى ياقمررررررر

[basbosa.2]

انا هنا يانورا بس هروح اتغدى وارجعلكم علطوووووووول