احدث منتج لازالة الشعر - مجربة

[Asrar]

السلام عليكم ورحمة الله وبركاته

يابنااااات الحقواااا...

شفت اعلان على التلفزيون, وبالتحديد على قناة ISN , عرفتوها؟؟ التي تعرض عن الاجهزة الرياضية والمنتجات الاخرى. المهم شفت اعلان عن احدث منتج لازالة الشعر, وهو عبارة عن كريم يوضع على المكان المراد لازالة الشعر ويزال بعد عشر دقائق..قلت في نفسي, ليش مااشتريه واجربه وما باخسر شيء..

اشتريته بسعر 145 درهم ولما جربته على منطقة فوق الشفاه وتحت الذقن وأزلته بعد خمس دقائق( بس جربته اول شيء الحمدالله ماحسيت بالحرق), فرحت واااايد يابنات والبشرة اصبحت ناعمة ولا ترك اثر مثل الكريمات الثانية ...وهو مكتوب بالتعليمات ان بعد الاستعمال للمرة السابعة يختفي الشعر

تعرفون يابنات انا كنت مثلكم, كنت اعاني عند ازالة الشعر خصوصا عند الارجل, يعني ماقدر اشيله كامل وانا من النوع اللي يطلعلي الشعر وايد..

المهم لاحظت ان الشعر على الذقن وفوق الشفاه بدأ يخف والحمدلله, كان مضايقني وايد..والذراع والارجل يبليه وقت وهو ممتاز حتى لزالة الشعر تحت الابطين..

والله العظيم يابنات ما شفت احسن عن هذا المنتج وهو اسمه ( Touch me)..

جربوه وماتندموا ابداااا

[غفرانك]

تسلمييييييييييييييييييييييييين يااسرار

انشالله مايكون له اي اثار جانبيه او اضرار

[مس بيوتي]

جان زيييييييييييييييييييييييين
الله يسمع منج يارب
والله اذا هالمنتج شفته زين ادعيلج واقول روووووووووحي ياعل الله يوفقج دنيا واخره

بس يكفي لي اشكثر؟؟
ودي اسال بس مادري شنو اسال هههههههههههههه

يعني انتي شايفته احسن؟؟
واشكثر ويطلع ؟؟

مشكوره حبيبتي ما تقصرين

[لنوشه]

و عليكم السلام
الله يبشرك بالخير يا اسرار
يعني الكريم يقطع الشعر ام ينتزعها من جذورها ؟
والله انا الشعر عندي كل مرة يطلع اسرع و اثخن من قبل و ماكنت عارفة الحل
راح اجربه ان شاء الله
اذا لقيته في السوق طبعا
مشكورة اسرار

[عروس الامارات]

مشكووووورة يا الغالية

وإن شاء الله بجربه لاني بصراحة بغيت اسوي ليزر بس الحين بجرب هالاكريم وان

ان شاء الله ما يكون له آثار جانبية...

جزاك الله خير

[بوليانا]

Asrar


يعطيك العافيه بس نصيحه قبل اي تجربه استخيري الله

انا استخدمت بودره تخلط بالمويه مدحوها كثير بس للاسف حرقت وجهي

وتعذبت عذاب بس الحمدلله جات على كذا تقشر وجهي ورجع زي ماكان


عروس الامارات

ليزر لا وحده عملت باليزر طلع الشعر تحت الجلد وكل فتره تعمل عمليه عشان تسحب الشعر

[بسكوتة 2003]

عزيزتي صاحبة الموضوع الكريمة انا ايضا اشتريت المنتج بس مع اللاسف بدل من ان يزيل الشعر عمل الاتى:
1- حساسية عالية
2- حرق في المنطقة مع احمرار يستمر لمدة 3 ايام
3- لم يزيل اضعف شعر و هو شعر الشارب فما بالك بشعر اليد والساق؟؟؟
4- المنطقة التى اجرب فيها المنتج بدلا من ان يزال الشعر والله يزيد الشعر بشكل رهيب بالرغم من انه لم يزل حتى شعرة واحدة ويزيد الشعر بغيتة عون قلب علي فرعون
5- لا تشترون كل ما تشوفونه صدقوني المتعارف علية 10000000 مرة افضل و اضمن
6- وما تشوفون شر والله يعافينة ويعافيكم من كل مكروة

[specialgirl]

السلام عليكم ورحمة الله وبركاته
تحياتي لجميع الأخوات ،،، وسؤالي للأخت بسكوتة ( دام انتي من الكويت ) : من وين شريتي الكريم ؟؟؟
وجزاكن الله خيرااا .

[أسيرة الماضي]

السلام عليكم
انا احذر جميع الاخوات من شراء هذه المنتجات لانها كذب في كذب
انا شخصي جربت ابل ستوب وندمت لانه احرق وجهي

تحياااااتي

[Asrar]

مرحبا بنات,

انا اشتريته وجربته وشفت الفرق...الكريم يحتوي على مادة وهو بالانجليزي Calcium Thioglycolate, وهذه المادة تضعف نمو الشعر من الداخل, اي من جذوره..وان شاء الله مايسبب ضرر..مع الاستمرار باستخدامه الشعر ان شاء الله بيختفي وانا راح استخدمه على طول..

اسيرة الماضي, انا مثلك جربيه واحرق وجهي,بس هو ممتاز على للاستخدام للارجل واليدين..وشفت touch me مناسب..


الاخت بسكوته, بالعكس ماترك اثر والله ان لاحظت ان الشعر ينمو بشكل خفيف خاصة على منطقة الوجه واليدين بس الارجل يبيله وقت..اما عن استعمال الحلاوة فهي تنظف الجلد ولكن مع الوقت يسبب الترهل!!!

بوليانا, مشكورة على نصحيتك عزيزتي..اتصدقين قبل مااجربه دعيت ربي ان يسهل علي ويكون هذا الكريم مناسب والحمدالله على كل حال..

عروس الامارات, شكرا على مرورج اختي وان شاء الله ماله آثار جانبية انت قبل ماتسعملينه جربيه على منطقة صغيرة خاصة على الوجه, اذا ما حسيت بحرقة اتركيه لمدة خمس دقائق بعدين غسليه بالماء لازالة بقايا الكريم وهذا مكتوب بالتعليمات..

لنوشة, عفووا اختي..المنتج شفته وااايد زين يعني اعطيه 100%..الكريم يعمل على تخفيف نمو الشعر من جذوره وهو روووعة ومابستغني عنه ابداا..انا طلبته من الرقم الموجود على التلفزيون لما سألتهم عن محلهم قالوا لي ان عندهم بس مكتب توصيل للطلبات فقط..

مس بيوتي, مشكوووورة اختي وانا بدعيلك ان هذا الكريم يناسبك وكل البنات يستفيدواا ان شاء الله..الطريقة هي يوضع الكريم عشر دقائق على اليدين والارجل وخمس دقائق تحت الابط والذقن وفوق الشفاه ويزال بمنديل قطني وبعدين تغسلينه بالماء لازلة آثار الكريم..

غفرانك, تسلمين اختي وشكرا على مرورج..

[حنين الأندلس*]

اختي اسراااااااااااااار انا احسني واثقة فيك رغم ان البنات مامدحوه لكن قوليلي كم مرة استخدمتيه وقل الشعر للنص ولا اقل000
ويصير نستخدمه لمنطقة العانه بالله اسألي لناااااا رجااااااااااااء0000
ويصير اثناء استخدامه نستخدم الة نزع الشعر او الحلاوة0000
بالله ردي على سؤال من اسئلتي بالتفصيل لاني احسني ارتحت لكلامك عن المنتج
بس بسرعة ياقمر000
وارسليلي رقمهم على بريدي باسرع وقت

[حنين الأندلس*]

وينك اخت اسرار ماكملت موضوعك مع انه شدنا

بالله جاوبي على اسئلتي واكتبي لنا الرقم حقهم رجاء خاص لا تفشليني
انتظرك