يا بنات الفزعه .... أبي حل سريع جداااااااااا.....

[أحلى_قلب]

واللي يعافيكم اللي عندها حل سريع لتساقط الشعر
تقول لي بسرعه ...
الفزعه يابنااااااااااات ...
على شرط يكون الحل مضمون أو مجرب .......
وشكرا مبدئيا عالمساعدة .....

[بنت بلدها]

والله

يا عمري

مكان فيه أحد يطيح شعره كثري

بس من غيرت الماء وأنا ماشاء الله بخير ونعمه

صج يطيح بس مثل الناس طبيعي

تصدقين صارت لي جبهه تقولين جبهة رجال

أختي فيه شركه تركب لك فلتر في البيت

روووووووووووووووووعه

والله أهلي لاحظوا الفرق في شعري

والحين كلهم مشتركين فيه

المشكله في ماء الكويت كله كلور ومواد ما يعلم فيها إلا الله

أي خدمه ولا يهمك

تسلمممممين

[سموح]

صادقه ام بلدها الماء له دور في تساقط الشعر
وانصحك اختي بالأكل المتنوع وأكل الفاكهه والخضار
بكثره واعرضي نفسك على الطبيب يمكن حالتك
تستدعي الكشف واخذ ادويه قد تفيدك في تساقطه
وانشاء الله ما تشوفين شر..

[أحلى_قلب]

بنت بلدها
شكرا عالرد بس لو تعطيني اسم الشركة أكون شاكره لج وااااااايد
وسموح أنا عرضت نفسي عالطبيب وطلع فيني نقص حديد وفيتامينات لأنه حاشتني
انفلونزا من فترة تقريبا شهر ما أدري يمكن يكون الماي السبب أو نقص الحديد والفيتامينات
عالعموم اهي عطتني مقويات
والله يستر شعري قام يتساقط بشكل مو طبيعي كلش ...

[الشامسية]

فـعــلاً يـا أخـتـي المـاء لـه دور كـبـيـر فـي تـسـاقـط الـشـعـر ،،،،، والمـفـروض التـنـوع فـي أكـل الـفـواكــه والـخـضـروات والـسـمـك ،،،،،،،،،،،،، وصـدقـيـنـي أنـا قـصـيـت شـعـري الـطـويـل بـسـبـب الـتـسـاقـط ،،،،، والـحـيـن الـحـمـدلله

وتـحـيـاتــي،

[أحلى_قلب]

إختي الشامسيه ...
أشكرج عالمرور الطيب ....
وصج لي قالت بنت بلدها ماي الكويت في مواد تطيح الشعر مايعلم فيها الا الله ..
والدليل تشوفين هالخدامات ييون من ديرتهم شعورهم كثيره ماشالله ومن يقعدون عندنا
ماتوعيين الا وشعرهم مثل شعرنا ولا ويمكن أخف منا لأن شعرهم تعود عالماي الصحي اللي عندهم ..
وتسلمييييييين يالشامسيه عالمرور .....

[ليـــــــــــان]

ياهلاااااااااااااااااااااا باحلى قلب000

عيوني عندك الكثيرا رووووووووعه تلقينها عند الحواج العطار00


والله انها روعه تطوله وتكثفه وتنعمه وتحليه00

اسالي مجرب ولاتسالين طبيب00


وان شاء الله يفيدك يالغاليه00

ليوووووووونه

[الرؤى]

اخواتي افيدوني شو هي الكثيرا
الها اسم ثاني نفسي اعرفها
انا شعري صار خفيف كثير
وخاصة من الامام عند الجبهة
لدرجة اني ياست

[أحلى_قلب]

أختي الليان ...
بالنسبه للكثيرا والله قالوا لي عنه وأنا أمس شريتها وشريت بعد السدر نصحوني فيه ..
وإذا عندج خلطه حلوة للشعر أفيديني والله يجزيك الف خير ..
وحبيت أسألكم عن زيت يقوي الشعر ويعطيه لمعه إذا عندكم واحد مجرب قولولي عنه ..
وحبيت أشكرك على مرورج الطيب ... ( ليوووووونه)
إختي الرؤى ...
الكثيرا بتلقينها عند الحواج ( وهو عباره عن محل كل الأشياء اللي فيه طب طبيعي شعبي )
ما أدري إذا عرفتيه ولا لا .. وانشالله تحصلينها ..
وأشكرج على المرور الطيب ..