بنااااااات الرياض ابي الفزعه

[مفرقه الحمايل]

مرحباااااااا بنات وكل عام وانتم بخير مع انها متأخره
بس كنت مسافره
ابي اطلب منك طلب زواجي اخوي بعد كم شهر وانا ماسويت ولاشئ ابيكم تدلوني علي مشاغل حلوه تصمم لك الفستان وتريحك وياليت تقولون لي وش الموضه بالالوان والموديلات


والله يعطيكم العافيه

[- نواعس دامعة -]

فيه السوق الي كله خياطين ويصممون لك ماعليك ويخيطون لك بعد بس شوي غالين

المشكله ناسيه اسم السوق هذا على انه معروف وقديم

بس بسئل لك خواتي

وبرضو لا يفوتك محل لمسات طيبه الي جنب عمائر السلكون عنده فساتين خطيرةةة وموديلات مووت واسعاره شوي غاليه بعد

بس انتي فكري في مساله انه بيوفر لك كل شي بدون ماتتعبين نفسك لا وعنده كل المقاسات

انتي مريه وعطيني رايك

تحياتي

[إبتسامة أمل]

شوفي عزيزتي في مشغل مرة حلو فصلت عنده بنت خالتي كل فساتين زواجها يعني فستان الزواج والأيام إلي بعده ...
بس روووووووووووووعة خياطهم مره حلو ومرتب .....
أسم المحل الدقة بس وين محله معرف بالضبط لكن أسألك وقولكأتوقع في العليا لكن أتأكدلك

[عذوق]

شوفي حبيبتي تبين جاهز تلاقين بمحلات السليكون بس غالين على غير سنع وفي محل ليان ما ادري وش اسم العماره بس عند محل سيدتي طريق الملك فهد وفي محلات على امتداد العقاريه
تبين مشاغل عندك الدو م بتحليه وعندك دار نور بالستين بس ادومو توريك اشرطه عرض ازياء بس صراحه انا مجربتهم بزواجي شغلهم مره حلو وسعارهم معقوله وعتقد الثلاث قطع حلو تنوره وبدي وشال طبعا تكون فخمه وكل ماصار الشي بصيط يكون حلو والالوان ما ادري والله بس اختاري الي يناسبك انتي
والله يوفقك اخوك

[مفرقه الحمايل]

مرحباااااااااااااا
الله يعطيكم العافيه مشكوووووووووووووووووووووووووووووووووووووورين
حبياباتي نواعس دمعه وعذوق وابتسامه امل
وياليت تسألون لي عن اماكنها بالضبط

[أم يارا]

روحي للمتنبي (هذا اللي تقصده نواعس دامعة)
اختاري التصميم اللي يعجبك وهم يسوون مثله مع إمكانية التعديل لأن أغلبها عاري عدليها ..
السعر بيكلفك 1500ـ3000
بس إشي راااااااااااايق ..
روحي للأناقة الشرقية بالذات روعة ...سعره ما يوصل 2000 ريال ودعواتك الله يهون علي.....

[- نواعس دامعة -]

صح سوق المتنبي الله يذكرك بشهاده ياحلى ام يارا

يالله حسن الخاتمه صرت انسى

بخصوص محل لمسات طيبه تلاقينه في نفس شارع عمائر السلكون بجد لا يفووتك لازم تشوفينه
اقل شي اذ ماناسبتك اسعاره ممكن تاخذين من الموديلات الي تشوفينها عنده وتسوينها في مشغل او خياط ارخص < احلى يا افكاار

وتحياتي لك

[صعبه المنال]

فيه مشغل غدا بطريق العروبه

الخياط روعه وتصمم لك صاحبه المشغل اللي تبين وحتى القماش هي اللي تجيبه لك

بس اهم شئ يكون جيبك راهي

ومن ناحيه الجاهز عيوبه كثيره .......... والله اعلم