الحلبة ..والجرجير والبيض للشعر ارجو المساعده .

[راوية]

آخر مرة أسأل لأني خلاص لازم أبدأ أجرب ....
يابنات الحلبة اكيد زينه للشعر تكفون مابي اتوهق؟؟؟؟؟؟
اسمعو خطتي اللي ابي استخدمها وافيدوني الله يخليكم !!!!!!!!
3 أيام في الاسبوع باستخدم كاس حلبة مطحونه + علبه زيت عافيه وسط
وهل ياترى الحلبه هي نفسها الحلبة العادية؟؟؟؟؟؟؟؟؟؟؟؟؟؟؟؟
و3 ايام في الاسبوع استخدم حزمة جرجير + كاس مويه في الخلاط عشان تكثف شعري

ويوم في الاسبوع استخدم صفار بيضه +2ملعقة زيت زيتون عشان سرعه النمو للشعر

طبعا هي بتكون يوم الحلبه ويوم الجرجير
مدري طريقتي صحيحة افيدوني الله يعافيكم واهم شي هل الحلبة اكيد زينه للشعر؟
اختكم الحائرة

[حنونه2003]

هلا راويه

ابي اسئلك انتي شنو مشكلتك مع شعرك تبين يزيد حجمه يعني يكثر

وبعدين ممكن تقولين لنا شنو فايدة الحلبه للشعر

انا سمعت انه زيت الجرجير والسمسم تخلطينهم مع بعض وتسخنينهم وتحطينهم

علشان الشعر يطول سمعت عن البيض انه ممتاز للشعر

بس اول مره اسمع عن الحلبه !!!!

يالله قولي لنا فايدتها يمكن نستفيد منك

وتحياتي لك

[راوية]

هلا فيك حنونه
والله ياأختي أنا طلبت مساعده من البنات عشان شعري وحكيت لهم مشكلته وهو انه يتساقط وانا ابيه يطول وبسرعه وهم ماقصروا جاوبوني وفيه وحده من الاخوات الله يجزاها خير
قالت لنا عن وصفه تقول انها جربتها وهي كاس حلبة مطحونه +علبة زيت عافيه وسط ونخلطهم مع بعض ونحطهم في اناء مغلق لمدة 10 ايام وبعدين نبدا نستعملهم وندهن بها شعرنا وهي بتطوله وتزيد لمعانه باذن الله
وانا اول مرة اسمع ان الحلبة زينه للشعر فحبيت أتاكد اتمنى اكون افدت وجاوبووووووني على أسئلتي

[حنونه2003]

أشكرك على الرد السريع والله يجزاك الخير

تحياتي لك

[وردة الربيع]

مرحبا اخت راوية
بالنسبة للحلبة انا الي كتبت الوصفة وانا مجربتها شخصيا وهي بصراحة روووعة للشعر
من حيث النعومة واللمعان اما الطول يبغى له طولة بال
وانصحك انك تستخدميها

اما الجرجير سمعت عنه انه يمنع تساقط الشعر اما الكثافة والله ما ادري
وكمان البيض والزيت سمعت عنها كثير انها رووعة للشعر
بس مشكلتنا انا ماندام على الشيء كل مرة نطلع في شي جديد

عموما انا من كل هذي الوصفات ماستخدمت غير الحلبة وعلى ضمانتي استخدميها وانشاء الله راح تحسين الفرق في شعرك وانشاء الله تدعين لي


تحياتي لك

[راوية]

تسلمين يا احلى وردة ربيع وانا آآآآآسفه لاني ماتذكرت اسمك اعذريني كنت مستعجلة
ويش تنصحيني به اجرب الخلطات مع بعض
والحلبة على ضمانتك الله يوفقك انشاء الله ويبلغك مرادك

[وردة الربيع]

اهلين راوية
انا اقووول يمكن كثرة الخلطات على شعرك تغيره
رائي ليه ماتجربي الحلبة اول شي واذا مانفعت معاكي اوماعجبتك
غيري الوصفة لان الخلطات مع بعض يمكن ماتخليكي تداومي عليها
عموما هذا رايي وانتي حرة


ومومشكلة عيوني انكي تذكري اسمي اهم شي انك تستفيدي من الوصفة
وتدعين لي انشاء الله


تحياتي

[رذاذ]

انا مع الاخت وردة ...

الحلبه روعه للشعر بس مشكلتها في ريحتها وانه لازم
تداومي عليها وانا استخدمتها من كم سنه مع زيت النارجيل
واحسن طريقه تتطحنين الحلبه علشان يستفيد الشعر اكثر وهي
روعه بس ريحتها تبقى في شعرك فتره بعد ما تتركينها 000

تحياتي000

[الشعاع]

وسمعت من البنات عصيرالبصل يكثر الشعر بس الريحه الله يعين وانا مع ورده ما يصلح كثرت الخلاطات والمحلب من عرفت عمري وانا اسمع انه يطول الشعر وكثير من الاخوات يمدحون فيه

[minoucha]

السلام عليكم أريد ان اسأل عن الجرجير ما هو لأنه أنا من الجزائر ما فهمت ما هو الجرجير .
أرجو المساعدة و ان تبعث لي عن صورة للجرجير.

[حائل]

مرحبا اذا كانت الحلبة مفيدة كيف نزيل رائحتها

[غفرانك]

عفوا اختي نستخدم زيت الي منقوع بالحلبة ولا خلطة الحلبة كاملة على شعرنا وجزاج الله خير

[وجع الصمت]

أخواتى العزيزات

من متابعتى لكتاباتكن على هذه الصفحة وضح أنه فقط الحلبة بتنفع للشعر مع بعض الزيوت

بس الله يعطيكم العافية الريحة وش وأحد يسوى فيها بالذات المتزوجات

نبى عمار بيوت ولا جذية بيهرب الرجال ...بمزح معاكم

مشكلتى أن شعرى فى تساقط مستمر وبداء الأن فى الجفاف فما الحل ؟

أفيدونى الله يعطيكم الف عافية

[هند الحلو]

اريد استفسار

لقد قرات وصفة الحلبة و بالفعل لقد فعلتها و لكنى اسال لقد و ضعتهم فى البرطمان فقد رقدت الحلبة فى الاسفل و الزيت على الوجة 0 اية المفروض اخذة الزيت فقط او كلهم على بعضهم ارجو الافادة

[القنوعه]

عزيزتي راوية
حاسه بمعاناتج لأني كنت اعاني من نفس مشكلتج كان شعري يتساقط بغزاره وكان متقصف وحالته حاله بس لله الحمد عملت لي جدول من 6 شهور تقريبا ولله الحمد ماشيه عليه واستفدت منه كثير ومن ضمن الخلطات استخدم الحلبة معاها وبعطيج جدولي وخلطاتي لأني فعلا استفدت منها والكل لاحظ علي وانتبه للتغير إللي حصل بشعري لا وبعد يقولج كان شعري طويل وتعبان واستخدمت عليه هالخلطات واول ماتحسن رحت الصالون تقريبا من شهرين وقصيته كارية قصير للإذن ولله الحمد الحين طولان وواصل لين رقبتي صار انعم من قبل والتساقط بدى يقل وصار كثيف وطول ، مااطول عليج تراني مااصدق افتح حلجي اموت في الحجي والسوالف وهذا جدولي وإنشاءالله تستفيدين منه:
أولا: استخدم ماسك الحنه مره بالشهر
" " " " " " " " " " " " " " " " " " " " "
المقادير:
ربطة جرجر مفرومه بالخلاط
ملعقتان اكل حنه
ملعقتان كركديه ( او حفنه )
ملعقتان حلبه مطحونه
2 ملعقة اكل روب ( زبادي)
2 ملعقة اكل مايونيز
1 ملعقة اكل نسكافه او قهوه عربيه ( عشان الريحه)
1 ملعقة اكل شاي بودره او 2 كيس لبتون
كوب ماء
2 فص ثوم

الطريقة:
- تاخذن كوب ماء وتضيفين له الشاي والكركديه واتركيه على النار حتى يغلي ثم ارفعيه وتركيه حتى يبرد ويصبح دافئ.
- تاخذين فصوص الثوم وتلفين كل فص بقصدير وتحطينهم بوعاء فيه ماء مغلي وخليهم على النار لمده 5 دقائق حتى تلين.
- اهرسي حبات الثوم واضيفي لهم الجرجير المفروم وباقي المقادير كلها واعجنيهم بالشاي حتى يتكون لك ماسك اتركيه ليله كامله ليخمر الخليط.
- في اليوم التالي ضعي الخليط على شعرك وغطيه بقبعه بلاستك ودعيه على شعرك لمده لاتقل عن 3 ساعات وبإمكانك تزيدينها على حسب رغبتج.

عني شخصيا احطه واشغل عمري بترتيب الغرفة او أي شي والوقت يعدي لاتتصيعبون الخلطه تراها جدا مفيده ولله الحمد استفدت منها واااايد وبصراحه بعد ماتغسلين شعرج بتحسين بتغير وبتلاحظون هالشي وصار لي 6 مرات من استخدمت هالماسك


الأحد افرك فروة الراس بالروب، تراه مفيد جدا للفروه ينظفها ويطول الشعر)

الثلاثاء:اضع المايونيز على شعري واغطيه بقبعه بلاستيكيه واتركه لمده لاتقل عن ساعه وبعدين اغسله ( معروف المايونيز مفيد جدا للشعر ينعمه ويطوله ويكسبه حيويه)

الخميس:ادهن شعري بخلطة الزيت
بصراحه انا استفدت من خلطات البنات إللي بالمنتدى وللأسف مااذكر من هم بس انا مزجت خلطتين بوحده:
المقادير:
علبة زيت جوز الهند بتلاقونه بمحلات السوبر ماركت بعلبه معدنيه لونها اخضر وتنباع بحدود 4 او 5 دراهم.
نصف كوب قهوه عربيه مطحونه
نصف كوب حلبه مطحونه
رماد خيشة ( مالت البصل إللي لونها بني )

الطريقة:
- نحمس الحلبه على انار هادئه حتى يتغير لونها ثم نضيف لها القهوه ونسكب الزيت عليها ونتركه حتى يغلي طبعا على نار هادئه اول مايغلي الزيت نرفعه على طول من على النار ونتركه يبرد شوي.
- نضيف رماد الخيشه للزيت ونحتفظ به في زجاجه لحين الإستخدام.
- طبعا انا مااشخل الزيت اخلي القهوه والحلبه فيه وقبل كل استخدام ارج الزجاجه واستخدمها.

ملاحظه:
بتكون ريحة الحلبه قويه وباينه لاتهتمون إذا تضايقتوا منها اثناء غسل الشعر بإمكانكم مزج ملعقتين من النسكافيه بكوبين ماء وسكبه على الشعر بعد غسله وتركه لمده دقائق ثم اشطفوه بالماء


الجمعة:الكثيراء + حمام الزيت
(لازم يكون الشعر نظيف قبل استخدام هالخلطه يعني يكون مغسول ويكون ناشف وجاف وانا استخدمها ثاني يوم من ازيت شعري عشان اتخلص من ريحة الحلبه الباقيه بشعري من خلطة الزيت.
المقادير:
كوب ماء
حفنه من الكثيراء
2 ملعقة اكل أي نوع من حمامات الزيت المفضله

الطريقة:
ينقع الكثيرا بكوب ماء لمده مابين 4 - 6 ساعات وبعد ماتتحول قشور الكثيراء إلى خليط شبيه بالجلي يمزج معاه حمام الزيت ويوضع على الشعر ويغطى بقبعة بلاستيكيه لمده ساعتين وبعدها يغسل الشعر بالماء فقط



جربي هالخلطات وبإذن الله بتستفيدين منها وبتدعين لي مو علي
هههههههههههه تراني امزح وبعدين حطي ببالك كلها مواد طبيعية ومتوفره بالبيت وأي سؤال تراني بالخدمه.