سؤال .. أرجو منكن الإجابة

[النجمة الساطعه]

كيف حالكن أخواتي عضوات منتدى لك
أريد أن أعرف كيف أجعل شعري ناعما وسابلا مثل الحرير بطريقة سهلة ومتوفرة ومجربة
وجزاكن الله خيرا

[كيرلي]

السلام عليكم ورحمة الله وبركاته.. اولا نرحب بك كعضوة جديدة ونأمل ان تفيدي وتستفيدي باذن الله. اختي يوجد في الركن وصفات كتير حلوة لتنعيم الشعر اعملي بحث وبتلاقي اللي برضيك ان شاء الله

[am ur baby]

اهلين اختي النجمة الساطعة ...
انتي ييعني تبغي خلطات طبيعية ؟؟؟ او نقلك على طريقة تسويها عند الكوفيرة ؟؟؟

وكمان حبيبتي ايش نووع شعرك ؟؟؟ جاف ؟ عادي ؟ دهني ؟

انا عن نفسي شعري شوية جاف لكنه اتحسن كثير لاني باقص اطرافه دائما واحط على شعري قبل لا اغسله مايونيز .. مررررة روعه ينعم الشعر كثير ومع المداومة بتشوفي شعرك اتحسن انشاء الله ..

اما اذا تبغي طريقة تسويها عند الكوفيرة عشان تنعم شعرك صراحة مااعرف لاني اعتقد انه مضارها اكثر من منافعها .. ولها فترة محدودة ماتدوم ...

وانشاء الله الاخوات مايقصروا معاكي ...

[chord]

مرحباً اختي ..

شوفي أنا راح أقولك ايش اسوي بشعري وفعلاً احسه تحسن كثير كثير ..
* اول شي لازم تحطي في بالك إن الشي اللي تبغيه ماراح يصير مابين ليلة وضحاها ..
* وبعدين المداومة على الشي مو اسبوع او شهر وتقولي مافيه نتايييج ..
* استمري استمري استمري ..
* ابتعدي قدر الإمكان عن السشوار ..
* اذا كنتي ماراح تستشوري شعرك كثري من الكريم اللي بعد تنظيف الشعر ..
* استخدمي قبل السشوار حامي للشعر مثل كريستال .. أنا أفضل شي استخدمته نوع اسمه سيليكون هير تريتمنت .. موجود في محلات التجميل ...


نبدأ على بركة الله ..
إذا نويتين تسبحي أول شي حطي زيت جوز الهند اللي هو نفسه باراشوت ونفسه النارجيل ,,,
حطيه فترة مدة ساعة أو ساعتين على حسب ..
وبعدين غسلي شعرك بالشامبو اللي يريحك ,..
وبعدين حطي ماسك من البودي شوب ماسك على الجوز البرازيلي روحي البودي شوب واسألي عنه
راح يعطيكِ ... خليه فترة طوووووويلة استغلي هذا الوقت في تفريك جسمك بمقشر أو شي .. يعني فوق الثلث ساعة ..
وبعدين غسليه ثم ضعي كريم كاب فاشكول اللي على الثووم كثير رووعة وخليه كمان شوي لا تقل عن 10 دقايق ..
وبعدين اغسليه وحطي عليه المنشفة وخليها ربع أو عشر دقايق ثم ضعي كريم باراشوت ..
ورجعي المنشفة شوي .. يعني لحد مايجف شعرك بنسبة 40% يكون شعرك جاف ..
ثم سشوريه أو اعمليه اللي يسمونها قبعة واستغني عن السشوار ..



_____________
أنا حالياً استخدم خلطة قايلتها الأخت طيف المشاعر من منتدى ثاني ..
إذا تبينها قولي لي .,,, صرااحة توني مسويتها استخدمتها مرة وحدة بس .. لإني ماصار لي يوم من سويته ..
وناوية استمر عليها . وهي خلطة تطول الشعر وفي نفس الوقت تنعمه ..

إذا بغيتيها عطيني خبر ..