بسرعه ياحلوات الرياض((اختي حزينه))

[amooly]

السلام عليكم
اخواتي اختي طالبتكم رجاء لاتفشلوني معها
الصراحه هي تبي دكتورة جلديه شاطره مره وتكون بالرياض لانها تعبت من مشاكل بشرتها
اللي مابين فيها ولاخلطه
رجاء يابنات الرياض هي مره مستعجله لان فيه مناسبه قريبه وتبغى تكون كشخه


الرجا لاحد يدخل الا يرد
لان اختي حزينه وبفرحها

[لمحه حزن]

والله ودي اساعدك
بس مو من الرياض

[amooly]

شكرا لك اختي يكفيني ردك
وينكم ياباقي البنات ولا مافيه احد من الرياض

[**لمى**]

اهلين يالحلوه

انا اعرف وحده بالرياض وانا شخصياً معالجة بشرتي عندها وصراحه النتايج ولله الحمد حلوه
لكن طبعا يبيلها استمرار ومتابعه وتنظيم في استخدام الكريمات

بس انا مادري كيف اعلمك عنها هل يصلح اني اقوله هنا او عن طريق الخاص على العموم انتي شوفي كيف وانا تحت الخدمه
وان شاء الله نشوف اختك قمر ياقمر

تحياتي غاليتي

[anen_alroh]

انا اعرف وحده في الروضه اعالج عنده انا واختي
مره حلوه بس تراها زحمة ماعرف ممكن اكتب الاسم والا لا

[أسيرة الغربة]

اخواتي الفاضلات يمكنكم كتابة اسم الدكتورة والمركز الذي تعمل به حتى تعم الفائدة .

[amooly]

السلام عليكم ورحمة الله وبركاته
اهلين والله اختي لمى واختي anen_alroh
وشكرا لكم على ردكم اسعدتوني مره لكن ليتكم كاتبين تجاربكم عشان استفيد واخبر اختي عنها تكفون ؟؟؟؟؟؟؟؟
وهذا مشرفتنا الغاليه اسيرة الغربه الله يجزاها خير ويوفقها سامحه لنا
شكرا لك يامشرفتنا على مرورك


تكفون ياحلوات لك اسرعوا

[**لمى**]

والله ياحلوة انا في البداية كنت اشكي من حبوب كبيره الحجم وتفرز بكثره مثل الدهن وتؤلم وكذلك في كتفي ورحت لها وشكيت لها الحاله في البداية عطتني حبوب استخدمها وبعدين كريمات مختلفه وفيتامينات والحمد لله اللى الآن وانا استخدم هذي الكريمات يعني في الأخير عطتني كريمات استخدمها باستمرار
والحمد لله كل شيء تمام الحين
يالله ياحلوه هذا تجربتي وان شاء الله تستفيد اختك منها

وتحياتي لك وللأختك يالغالية

[amooly]

جزاك الله خيرا اختي لمى
لكن انا زعلانه من شان اختي تصدقين كل شوي تسال هاه البنات قالو اسم الدكتوره ؟؟؟؟؟
وبدوري اقولها لسا ماقالوا
قصيت قصة حياتي؟؟ ليش يالمى تعيشيني على نار قولي اسم الكتوره وين المركز اللي اهي فيه قولي كل شي ترى مشرفتنا الغاليه سمحت بذكر الاسم واللذي منه من شان الكل يستفيد
عاد تصدقين اكتب وانا دايخه فيني نوم يعني لاتواخذيني

وشكر لك انا بانتظارك اوكيه

[شروق الامل...]

بنت خالتي تعالج بشرتها في مركز في الرياض

وبشرتها تحسنت ماشاء الله

اذا ما احد افادك من البنات عن اسم الدكتوره واسم المركز راح اسال بنت خالتي عن اسم المركز

واعطيك الاسم ان شاء الله

[amooly]

السلام عليكم ورحمة الله وبركاته
اهلين اختي قيثارة الصمت اي والله اختي اذا كانت الدكتوره ممتازه دليني عليها لان اختي اذبحتني بالهذره
والف شكر لردك

وينكم ياباقي البنات على بالي انا باحتار من كثر الردود

[amooly]

خلاص انا زعلت منكم يابنات الرياض sid sid sid sid sid sid sid sid sid sid sid sid sid sid sid sid sid sid sid sid sid sid sid

[عواصف شوق]

لا تزعلين ياالغاليه تلقين البنات مشغولالات شوي...

[amooly]

اهلين اختي عواصف شوق
جزاك الله خير
ننتظر البنات

[الجوهرة السمراء]

انا شفت الموضوع متاخرة لكن بساعدك

الدكتوره آمنة الشريف في مركز الدكتور سليمان الحبيب

بصراحه تعالجت انا واختي عندها بشرتنا حساسه ولاتقبل اي شئ


لكن هي حلت مشكلتنا


ادعي لي