][×][ملوخية مع الدجاج مع ارز بالشعيرية*اكيد مع الصورة ][×][

[ام مودي]

تسلمي والله يا سنو وايت

انا من لبنان الاصل..

شايفة لنلون و حركاتها..ما بتبطل...قلتلها الف مرة تجيب غير هالسياارة اللي عندها من سنة النكسة..اكيد قطعتها بالطريق كالعادة..يا نسيت تعبيها بنزين ههههههههههههههههههههههههههه قلتلك مرضى نفسيا خيال واسع ماشاءالله

و تسلمي عالكيكة..بالله كيف طلعت انا بحب كيك البرتقال ..بتنصحيني جربها بيني و بينك الكلام ما حدش شايف
والا اذا عملتها في امل نسمع كم كلمة من زوجي
و يمسك علينا ممسك..انا بحبها تكون هيك خفيفة و ما تكون ناشفة و تتفتت
والله شهيتيني على كيكة برتقال و الاطيب لو كانت باوند كيك يممممممممممممممممم
اشربي القهوة شكلنا مو جايين اليوم:

[lanloon]

ي عمي ما تاخذونا بنشر عجل الطياره ووقفنا نصلحه على مثلث برمودا معلش شو بدنا نعمل

على فكره اليوم شفت باميا خضراء بس شكلها بخوف على قد ما هي كبيره و أول مره كمان بشوف الباميا الخضراء هون بس سألت البنت اللي بتبيع قالت هذه الباميا من جنوب امريكا قلتلها طيب خلى جنوب امريكا تاكلها بس المره الجاي وصيهم يجيبوا باميا صغيره قامت انعجقت و ما عرفت ترد فجوزي قالي همه شغالين عندك نازله تتشرطي على البنت
على فكره ما كنت اعرف ان اهل الشام هيك بحبوا القهوه هالقد,, جارتي كل شوي بتتصل شو بتعملي بلها قاعده بتقول طيب قومي تعي اشربي قهوه ...... او شو بتعملي بقلها بشتغل بتقول اتركي من ايديك لاحقين على الشغل يللا تعي اشربي قهوه... اخر شئ قلتلها ما بتزهقي مني؟؟قالت لا ما بزهق قلتلها طيب انا زوجي زهق مني و منك

يللا خليني اروح و بس اتذكر شئ تاني باجي اكمل حكي

[سنووايت]

يا هلا فيك ام مودي وباهل اللبنان
نحنا جيران انا عنتدي كتير قريبين بطرابلس
دائما كنت انزل لهونيك

واكيد بنصحك بعمل التورتة
طلعت معي بتجن وكان نفسي انو دوقها بس لنلون حسب ما فهمت عطلت الطيارة وقفوا بمثلث برمودا حرام هلق بتوصل لعندك تعبانة وهيك يلا بستني لبوكرة وانت راح تتعبي معاها يلا بتوصلوا لعندي بنشرب متة اطيب بتسلي اكتر وبضيع وقت
صحصي ما سالتكم بتحبوا المته احسن من القهوة على القليل المته بضعف والقهوة بتعمل استرس عصبي

لنلون مطولين لحتى يتصلح عجل الطيارة طمينا عنك فانا اتكلم معك من وراء السبع بحور(الوالوالو حول )
عم تسمعيني لنلون(حول حول)
(موبس مرضى نفسيا غير صرنا بلا عقل)


لنلون نحنا بنشرب كتير قهوة هيك انا وجارتي كل يوم بناديلها انزلي اشربي قهوة كمان نفس الشي بتقلي عم اشتغل وبقلها شو راح يطير من عندك وصلين نخلص شرب قهوة ونشتغل
في مثل دائما بقولوا (العمر بخلص والشغل ما بخلص)
فا كل يوم الصبح بتنزل لعندي بنشرب يوم قهوة ويوم متة منشان ما نمل من نفس الشغلة

وعل الفكرة نحنا كمان عنا البميا كتير كبيرة بس لا انا ولا زوجي بنحبها
لهيك ما بعملها ابدا ولا بفكر فيها

وهيك

[lanloon]

الوووووووووو حول هل تسمعني؟؟


لسه ما اتصلح العجل ما لقيوا عجل سبير

قبل شوي اتصلت جارتي بتقول لي تعالي اشربي اخر فنجان قهوه قلتها ليش خير؟

قال هي كمان زوجها بده يفوت المشتسفى و يعمل عمليه ..زقلت لها شو مالنا بنغار من بعض؟؟
شو انا جوزي عمل عمليه جوزك غار منه و بده يعمل كمان ؟

المهم اللي فهمته انه جوزها راح يقعدلها في البيت مثل ما زوجي قاعدلي هلأ صار لازم نشوف مقر ثاني علشان نجتمع قبل رمضان كل عام و انتم بخير

المته عمري ما ذقتها بس مافي مانع اجربها بجمعتكم اللي زي العسل

[سنووايت]

حول حول
لنلونتي عم سمعيني ههههههههههههههههههههه


انشاء الله ما على قلبكم شر يارب
انشاء الله بعمل العملية وبقوم منها بسلامة
وكل عام وانتي باف خير

[lanloon]

الله يسعدك حبيبتي و ما يحرمني منك يا رب

[احاسيس مرهفة]

افشتكم

بعدكم قاعدين تلتو وتعجنوا في المرة اللي اسمها الملوكية

هي بعدها في السوق ؟؟ ماراحت هنا والا هنا المسكينة وانتوا جايبين في سيرتها .

[عواصف شوق]

مشكوورة عزيزتي...
يعطيك العافية...

[أم3بنات]

سنسون
الله على الملوخية
تصدقي انا وزوجي مانحب الملوخية المفرومة نحب هذه اكثر
بس طريقتك غريبة
انا لمن اسويها اسلق الدجاجة وبعدين انتفها واسوي كشنة ثوم واقلي فبها الموخية واصب عليها المسلوقة حقت الدجاج الين تستوي واعصر عليها ليمون بعدها
احس طريقتك ازبط
بس عندي كم سؤال كيف افرك الليمون في الملوخية؟
واذا نقعتها في الموية الحارة ماتروح قايدتها وتسود؟انا انقعها في موية باردة من الحنفية
لاتنسي تجاوبيني على كل سؤال
استناك

[مـiـى]

يا سلااااام على الملوخية شو بحبها ..

و أنا مشتهية جربها ورق ..

تسلم إيدك سنسن خشت مخي تمام

[وعود الخير]

كل هذا حكي... فرصة وعود مش موجودة خذوا راحتكم....

منى يسلموا ... اشتهيت فتة ملوخية بس شميت ريحة طبختك..

راح انزل السق واشتري ملوخية او ملوكية زي ما بدكم .. والعمل فتة.. يممممميي شامة ريحتها قبل ما اطبخها..
احكي لكم نكتة...
في واحد درويش بيحكي مع مرته... قال لها.. تخيلي لو واحد يهدينا كيلو لحمة.. شو بنعمل ...
قالت له يللا شو بنعمل ...
فقال: بنعمل كباب .. وشقف... ومندي... وملوخية مع موزات..و
وفجأة دق الباب... قام فتح لقي جاره بيقول له : شمينا ريحة اكلكم .. ياليت تهدونا صحن..
فقال الدرويش لمرته: قومي ضبي اغراضك يمين بالله ما بنام في بيت الجيران بيشموا ريحة الأماني فيه.
بايخة صح.. لكان اضحكوا.. ليش ساكتين.

[سنووايت]

ولا يحرمنا منك عزيزتي لنلون

[سنووايت]

هههههههههههه
يا احاسيس شافية شو نعمل بس نحنا عم نضحك على كلمة ملوكية
مو على احد تاني


عواصف شوق
الله يعافيكي يارب ويخليكي

[سنووايت]

يا هلا فيك اختي ام 3 بنات
شوفي منشان نقعها بالماء الساخن صحيح في فؤائد بتروح منها بس مو كتير
لانو بتشوفهيها فيها مادة بتكون لزجية وهاي انا بقرف منها فبنقعها بالماء الساخن
وبصفيها وبفركها بالليمونا لحامض منشانتروح هل المادة اللزجية
ومنشان السودا كمان ان ابغسلها لانو بحب انو يكون لونها كعصير الحامض
واي سؤال تاني انا بالخدمة

[سنووايت]

الله يسلمك يارب عزيزتي منى
جربيها ةخبريني
وصحتين على قلبك يارب
تحياتي سنسن