عرق فلتو ولا اطعم

[سونال]

عرق فلتو ولا اطعم
انا قلت اعمل عرق فلتو واجيبه اقولكم عليه
المقادير
اولا جبت عرق فلتو فى حدود اتنين كيلو ونصف
وتوم
بصل
توابل (ملح وفلفل وورق لورا وحبهان وبودرة توم وبودرة بصل )


الطريقة
وبعد كدة نشيل منه الدهن الزيادة ونشطفه بمياه من مطرح ايد الجزار

ونبدا نعمل فتحات بالسكينة ونحط فصوص التوم
وبعدين نلفه بالخيط بالشكل ده..

ونحطه فى صينية وبمعلقتين زيت او **دة الى تحبيه وتحمريه من الناحيتين بالشكل ده

وبعدين نحط المكونات دى


ونضيف عليها مياه مغليه مقدار براد مية مثلا

وندخله الفرن ونسيبها مثلا ساعة وبعدبن نبص عليها بالشوكة لو لسة مااستوتش نسيبها شوية كمان لحد ماتستوى


ممكن كمان تعمليها فى حلة من فوق بنفس الطريقة بس الفرن بيحلى الاكل بعد كدة هنطلع الصينية من الفرن ونضعها فى سرفيس


طبعا العرق بيلف على بعضه وبيكيش شوية ذى اى لحمة
ودى المرقة او الصوص الى طلعته اللحمة مع المكونات الى الى حطناها معاها هنسيبها على النار تتسبك عشان تبقى صوص تقيل نرشه على العرق ساعة الاكل


وبعد كدة نحطه فى الطبق ونقطعه بس لما يبرد شوية عشان تملكى تمسكيه وتفكى الخيط وتقطعيه





ويقدم مع الصوص وطبق ارز بالشعرية
والف هنا وشفا


مع تحياتى
ام حمادة

[_-* أم زياد *-_]

تسلم ايدك ياسونال
ونرحب بك وبمشاركاتك التي نتمنى ان تكون من عمل يديك لتنال حقها في التقييم
نرجو التوضيح حيث ان هذه الوصفة موجودة في عدة منتديات

[ملاك90]

[أم فئ]

مشكووووووووووره

يعطيك الف عااااااافيه

تقبلي طلتي

[cliopatra]

تسلم الايادي