تكفون ابي طرق وصفات لاطباق النفاس (مربي9

[أم الزهور]

__________________________________________________ __________________________________________________ ___________
س:اختي .ممكن اذكرلش اشكال الاعشاب اللي عندي عشان اتأكد منهم
شيح :اوراق صغيرة جدالونها باهت وفيها اعواد صغيرة وزنه خفيف نونخة : حبوب تشبه الينسون على اصغر شوي
ارطا :اعواد ناشفة بدون اوراق لونها يميل للبني المحمر قيصوم : اوراق صغيرة وحبوب متوسطة واعواد واللون بني فاتح ولما تنطحن تسير مثل لون الرمل
حزاة: اعواد فاتحة اللون (ابيض مخضر قليلا )وفي شوية اوراق صغيرة حب الرشاد : حبوب صغيرةاكبر من السمسم شوي ولكن حمراء واثقل من السمسم
وابي اعرف كيف شكل الحلتيته هل هي كتله متماسكه لونها بني غامق محمر والصبره ايضا هل هي قطع صغيرة لونها بين الاصفر والبرتقالي
والحبه الحلوة كيف شكلها هل هي نفسها الينسون والمره سألت عنه وقال لي العطار ان هناك انواعواسمها مر سوقطري (من اليمن ) ومر عادي ولكن السوقطري اغلى بكثير عن الثاني وهو شكله كقطع الحجارة المتكسرة الصغيرة كاللتي تستخدم في البناء والنوعين متشابهين جدا ؟
ج: كل اللي ذكرتي وصفهم صحيح ماعدا القيصوم اما الحلتيته هي الكتلة البني لونها والصبره هي اللي تجي قطع كبيرة وبعضها مسحوق لونها بني
وطعمها مر لها ريحة غريبه. اما المرة تكون زي الحجر الضغير ولونها بني فيه لمعه شفافه.

انا اذا جنيت النباتات اغسلهم وايبسهم في الهواء على صحن بس اغطيه بقماش (شيلة العجايز) لانها اقرب شي للشاش وتسمح بدخول الهواء وبعدين عند الاستخدام اغسلهم .

[أم الزهور]

عليها أن تتبع النظام الغذائي السابق في فترة الحيض أو النفاس أو العوار


أما إذا كانت الحالة شديدة يعني تعاني من خروج هواء من المهبل أو خروج سوائل فعليها اتباع النظام السابق لمدة أربعين يوم وكأنها
نفاس حتى وإن لم تكن
باستثناء أنها تستطيع الاستحمام والوضوء عادي (والجماع عادي لكن تخفف ) , وقد يكون علاجها يحتاج مدة طويلة وتستمر على العلاج كل حيضة,


وتري العلاج والنظام يبي صبر لاتفترين او تتهاونين واهم شيءيكون الرحم قوي ويتحمل الحمل لان صحة المرأة من صحة ارحامها
وانا شخصيا اعرف واحدة مهتمه بنفسها وبرحمها وما شاء الله عليها الحين عمرها 50 سنه وماشاء الله عليها تعطينها 35سنه ونشيطه وحيويه. وعندها من الاطفال 15 ابناء وبنات واصغرهم عمره 3سنوات.

ولن تصدقن إذا أخبرتكن أن سيدة اعرفها شخصياَ لم تعتني في نفسها فترة النفاس فأصيبت بالهواء والسوائل معاََ وهو شيء خطير جدا لذلك اتبعت النظام السابق بصرامة + استخدمت عشبة تسمى ( جنبة) وشربت مغليها يوميا, وهذه العشبة نوعان النوع الأول تسمي ( جنبة النفود) ولا انصح بها لانها حارة على الأرحام اما النوع الثاني تسمى( جنبة البر) وهي ممتازة وانصح بهاوانا استخدمها في بعض الاحيان , ولكن اتمنى لو اريكن شكلها حتى تعرفنها,......



واهم شيء للخربانة ان تأكل التمرة مع الرشاد التي سبق واعطيتكن وصفتها ,



والعلاج يحتاج الى صبر لأنه قد يستغرق مدة 4 اشهر وإن كانت متزوجة لاتقول شيء لزوجها وتشاهد فقط انطباعته لأنه ماأن يتعدل وضعها الصحي فإنه سوف يصارحها بأنها مختلفة , وأنها افضل ويزول السبب الذي كان يجعله كتوما معها خاصة بالامور الجنـ...... وبالنسبه للنظام اذا انتي سويته ماكان فيه داعي تمتنعين عن زوجك اذا لم تكوني نفاس او حائض


(الخراب اللي اتكلم عنه هو خراب الارحام وانا اقول فيه بنات ماتزوجو وخربانات لان الداء في الارحام فممكن تكون الوحده ضيقه ولكن الله يخلف من الداخل عدم يعني لزوجات واهترائات وهذا اللي يخوف اما انتي من كلامك السابق طبيعيه لان الواحدة بعد الولاده الطبيعيه تتغير شوي ولكن الشاطرة اللي تهتم بسلامة ارحامها وبكذا تظمن انها بتكون احسن من بنت البيت والله صعب اشرح لان الناس الفكرة اللي عندهم هي فكرة المنطقه الخارجيه بس وهذا خطأ ولا كيف تفسرين انه بعض الرجال مستحيل يفكر يتزوج على زوجته وعندها 7 او10 اطفال وزوج اخر يفكر يتزوج على زوجته وهي ماعندها الا طفلين او طفل وحتي لو كانت قيصري).




بالنسبة للالتهابات والحكه افضل شيء انك تروحين لطبيبة نساء وولادة لان الالتهابات لازم تعالج .



العملية القيصرية:انا جبت بعملية ومشيت على النظام لان الارحام هي الاساس والخراب يكون بالارحام مو بالمهبل.



اللولب بالعادة اللي تركب لولب يصير معاها لخبطه يعني نزيف اصبري عليه واذا تبين توقفين النزيف ( شبه سوداء ويكون حجمه كبر حبة الحمص+ فنجان حلب) اطحنيهم وخذي ملعقه مع كوب حليب على الريق وان شاء الله يوقف النزيف المهم انك حاولتي تهتمين بدورتك وخاصه البرد





انقلاب الارحام والميلان : فلا يعالج بالادوية لانه لابد من الذهاب الى امرأة متخصصة ويكون على جلسات ( مخبنة وتمريخ) ولابد
أن تسارع المرأة المريضة بالذهاب الى مرأة متخصصة حتى لايكون عقم لاسمح الله .( خروج الهواء هذا خراب وما يسبب الم ابد ابد لكن الميلان
والالتهابت هي اللي تسبب الالم وانتي تقولين انك كشفتي ويقولون لك مافيه شيء وانا اسألك لو كان كل شيء تمام ماكنتي حسيتي بالألم
ولاطلع من هواء صح؟ عشان كذا اقولك شكلك معك ميلان ويمكن للخلف واذا تقدرين تجين هند اهلك بالاجازة لاتخلين نفسك روحي
لمرأة متخصصه بعلاج طب العرب وياليت تكون هذه المرأه من نجد لانهم جدا شاطرات. اما علاج الميلان فلايعالجه اعشاب الذي يعالجه (المخبنة والتدليك)وهذا يسونه الحريم وياسبحان اللي عطاهم المعرفه . تخيلي بنت عمتي عندها ميلان ومحد اكتشف هذا الميلان وكانت دايم تشكي من الالم وقلنا لها اكيد ميلان وراحت لمرأة وعالجتها والحمدلله الحين تعدل الرحم والحين هي حامل ويكون بعلمك أي واحده عندها ميلان يأما متحمل ااو اذا حملت مايثبت لازم تأخذ مثبت والعلاج مرة في الشهر حتى يتعدل بعض الحريم من اول شهر وتطيب وبعضهن يبيلها 3 شهور.)


نزول الأرحام : الاجهاد والعمل الصعب من مسببات نزول الارحام




نزيف الأرحام: وهو يصيب في حالات الحيض فقط نتيجة لحمل شيء ثقيل فيحدث تمزق للارحام ,عليك بالتالي: مقدار( فنجان قهوه حلب+ شبة سوداء في حجم حبة الحمص )تطحن مع بعض ثم تأخذين مقدار ملعقة صغيرة مع كوب حليب على الريق كل صباح وسوف تلاحظين وقوف النزف.



بالنسبة للتي تعاني من ضعف في المبايض: خذي مطحون الحلب كل صباح قبل الافطار بقليل مع كوب حليب واستمري عليه وان شاء الله يكون الحمل مع شاي الحلب لابأس ان يشاركك الزوج في شرب الشاى اذا كان يعاني من ضعف. الحلب تطحنه وتسفه على الريق وبعد المغرب وعند النوم غير انها تشرب مغلي الحلب كل مابغت(ماتصدقين مفعوله على المبايض يقويها اذا كانت ضعيفه وتستمر عليه وفيه وحدة قريبه لي كان عندها ضعف في المبايض واستخدمت علاج الطبيب ومانفع لوحدة وبعدين رجعت استخدمت علاج الطبيب مع الحلب وحملت ولله الحمد والحين عندها طفلين).او خذي( بار النخيل(كافر واحد)+ عسل طبيعي) اخلطيهم مع بعض مقدار .م.ك كل يوم على الريق ولابأس ان يشاركك الزوج, وبالغالب اللي معاها ضعف بالمبايض قليل مايثبت الطفل لكن انا انصحها تعالج عند مرأةطب عرب.




الفقرة: اذا كانت دورتك ماتنزل جيدا وبعدين يابسة يزي التراب وسوداء فانتي عندك سدد( فقرة)< اعراض الفقرة جفاف في الدورة ويكون الدم في الايام الاولى زي التراب وبعدين خفيفه ومؤلمه لازم تشربين- مغلي الحلب في اليومين الاولات+ (كوب حبة سمراءمطحونة+مرة فنجال)وقالت في موضع آخر(فنجال مرة+فنجال حبة سوداء) ( الحبة السوداء+المرة) خذي منها ملعقة كبيرة مع عسل طبيعي على الريق يومين



السقط(العوار) : اذا تعرضت السيدة الي السقط او مات الجنين داخل الرحم فعشان ينزل عليها بالتالي :-سبحان الله اذا كان الجنين حي لا يصيبه اي شي مع هذه الادوية- مغلي شجرة العوار وتلقيها عند العطار والافضل (سفةكمون مطحون+ مغلي الكمون محلى بعسل) لحد ماتنظفين ,او (فقع مسلوق +مويته السلق+ سمن بري). المسقطه اذا كان مدة العوار 15 يوم تقسم الايام 7ايام على الايام الاولىو8 ايام على الاخيرة وبالعادة العوار مايتعدي 15 الى 20 يوم وتستخدم نفس الادويه بس انها تكثر من الكمون في الايام الاخيرة , اذا فيه انذار اجهاظ فأفضل شيء لها المستشفى يعطونها مثبتات وتحاول تبعد عن الاجهاد العضلي والنفسي ,( أبي أسألك حبيبتي = الحامل في الشهور الأولى من حمله يعني بالثاني أو الثالث ينزل معه الله يكرمك شوي دم مو كثير وهذا يعني إنذار للإجهاض
وش تنصحينه تسوي وإذا فيه شي تستخدمه قوليلنا ..فيه ناس إنصحونا بالحلب لانه يرفع الجنين وناس قالوا تشرب منقوع المره إذا نزل معه الله يكرمكم دم؟
بالنسبه للعوار ما انصح بالحلب لانه يرخي الارحام ولكن عليها بالكمون اذا الجنين حي بيرتفع واذا هو ميت او ضعيف او مشوه بيطيح اما المرة لا ولا ولا لانها تساعد على تسقيط الجنين حتى لو كان سليم,الكمون تستخدمه مرتين في اليوم لمدة يومين وبعدين توقف وتشوف لعله ينفعهاولكن المره اكيد مو زينه) < سبحان الله اذا كان الجنين حي لا يصيبه اي شي مع هذه الادوية مغلي شجرة العوار وتلقيها عند العطار والافضل سفةكمون مطحون+ مغلي الكمون محلى بعسل لحد ماتنظفين او فقع مسلوق +مويته السلق+ سمن بري

اذا الوحدة ما طهرت بعد الاربعين يكون بالغالب انها ما اعتنت بنفسها انصحيها ولا تكون نفسيتها عدم ولا شيء مجرد نظام وتمشي عليه والحمدلله هذي امراض نقدر نعالجها بس تبي منا العزم, واذا كانت والده بعمليه فطبيعي ماتطهر بسرعه.

[أم الزهور]

العطور لمن ستلد الحريم بالعادة اذا يروحون يولدون يتعطرون عشان يأخذون حمايه من الشمم ولكن انا انصح انك اذا بغيتي تولدين ماتكثرين العطور يعني
بس ريحه بسيطه عند انفك لانك ممكن يكشف عليك اطباء لاسمح الله (كعمليه او غيرة) ايضا ممكن تضرين غيرك من الحريم اللي ماتعطرو. نصح النساء الكبيرات لنا فلخوفهن من الشمم وهو يقتل المرأة الله يكفينا شره وسببه ان المرأه ماتكون طهرت وتذهب مع زوجها وتتعطر ببعض الاطياب التي تسبب الشمم لذلك يجب تجنب المسك والريحان




بالنسبه للامساك عشان كذا قلت منقوعة العنزروت كل يوم

------------------



اشتكت واحدة وأختها من صداع أثناء تطبيق النظام ,فكان الجواب:والله غريبه اول وحدة تشكي بعد استخدام الدواء من صداع ولكن هل انتي واختك ممن يستخدمون الريحان او المسك هل وجع الرأس بالمقدمه(الناصيه)او بالخلف (الهامه)اذا كان بالمقدمه فهذا شمم في الجيوب الانفيه (لذلك شمي شوي صبرة (المباركه)) اما اذا كانت في هامة الراس فهي هواء داخل الرأس نتيجة انك متروشه وطالعه لتيارات هواء وشعرك وراسك رطب ويكون معاها دوخه ويمكن العلاجات اللي اخذتيها في الدورة اثرت عليها وتبي تطلع . ياليت توصفين لي وجع الرأس استخدمي كبو الشمم انتي واختك (خوا جوا,قشر بصل, حلتيته رطبه,
مرة, صبرة (مباركه), ورق شاي, محلب ) وعادي استخدمي الارطا ولاتخافين بالنسبه للادويه لاتخافون استخدموها لاني والله كتبت لكم ادويه ان تركتوها ماتضر ونفعها اكثر وانا وخواتي وخالاتي نستخدمها من عقود ولاضرتنا ولله الحمد (ثم بعد رد آخر): الناصيه:مقدمة الرأس اللي هي نهاية الجبهه ومنابت الشعر والهامه هي اعلى منطقه في الرأس وشكلك بالهامه لانك لو قلتي بالجبهه كان قلنا التهاب بالجيوب الانفيه اللي هو شمم ولكن يبدو انك تتروشين بدون ماتنشفين راسك زين وتجلسين عند المكيف وهذا خطأ غير انه معك ضغط ويمكن بعظ الادويه العربيه ماتناسبك والله اعلم لكن اذا لاحظتي انك كل دورة من استخدامك للادويه يوجعك توقفي عن هذه الادويه اما معبوطه التمر مع الرشاد استمري عليهاالى اخر يوم والرشاد اضيفي كاسة شاي منه مع المقادير السابقه كبو الشمم زينته مافيه مقادير خلطي الادويه وخذي مقدار قبظة اليد اليد وحطيه على الجمر وتكبي فيه وكذلك كبو الهواء وانا ذكرت مكونات كبو الهواء في الردود السابقه





تكيس المبايض اختي ليس عندي علاج لتكيس المبايض واكيد النساء المتخصصات وكبيرات السن عندهن علم بذلك فللاسف علمي محدود
بهذا ولكن حتي يقل عندك التكيس تجنبي المعلبات والمخللات وبحثي عن مرأة ثقه تعرف تعالج طب عرب في منطقتك وبصراحة انا لااثق الا بنساء نجد لاني عاصرتهن



(واللي يسونه السودانيات بصراحه معمري جربته لكن فيه نساءجربنه ويمدحنه وانا ماأدري عنه شيء)




لفقر الدم اشربي منقوع الزبيب اليمني بعد طحنه وسوف تنبهرين بارتفاع نسبة الهموجلوبين خلال اسبوع من الاستخدام , تلقينه عند العطار, اشربيه كله المنقوع والزبيب واذا تبين تاكلينه كانه مكسرات عادي وعدد المرات على قدرتك مرتين او ثلاث او اربع وبالنسبه لتوقيفه لحد مايرتفع نسبة الدم




البطن لم يكن مشكلة كبيرة قبل 30 عام فجداتنا وامهاتنا كن ينجبن15 من الابناء او 12 ولانرى لهن بطون وكان الدواء هو نفسه الذي نستخدمه الان وانا لاانكر ان العمليات تؤثر ولكن العمل الشاق له دور فمثلا عندك المشي على الرمال (الثمامه,الدهناء,النفود)كله تمسح البطن مسح فقد كانت جدتي حامل في شهرها التاسع ولانرى لها بطن كله من المشي لذلك اللي يكبر البطن شرب الماء اثناء الحيض والنفاس عدم الحركه فمهما اكلتي من الادويه حتي تذهبي البطن لن يروح مادمتي لن تبذلي مجهود عضلي وانا اعرف افضل رياضه وهي المشي على الرمال وصعودها فهذه تشد عضلات البطن شد خيالي, ايضا تمارين البطن اما ادويه شعبيه تنزل البطن ما اعرفها .(سؤال: هذه الطريقة قريتها من احد المنتديات وياريت اخي فيافي تعطينا رايك فيهاوهل تنفع نسويها مع النظام اللي قاعده اسويه وهذه هي الطريقه...للي تعاني من بروز الكرش:خذى كميه من قشرالرمان اليابس اطحنيه ثم انخليه ثم ضعي عليه كميه من العسل الطبيعي كوني منهاعجينه متماسكه شكلي منها على هيئه اقراص بحجم نصف حبه الباندول ضعيها في علبه ثم ضعيها في الفريزر استعمليها في العشرين الاخيره من النفاس (او) في الثلاثه الايام الاخيرة من الحيض خمس حبات في الصباح على الريق وهى مفيده ايضا للمعده وتقوم بتنضيف الرحم . الجواب: الوصفه اللي ذكرتي ممتازه للمعده ).

[أم الزهور]

----------

[أم الزهور]

-------

[منوله33]

وصفات رائعه للنفاس

تسلم يدينكن اخواتي