تويت
صينية السباجيتي مع الجبنة و البقدونس , طيبة و شهية ( إليكم الخطوات مع الصور )
بسم الله الرحمن الرحيم و به نستعين
حبيباتي وردات منتدانا الرائع
اليوم . جاييبتلكن أكلة كتيير سهلة و بسيطة و غير مكلفة, و بنفس الوقت طعمتها كتتتتتتتير روعة و شهية , و بصراحة ما بيينشبع منها , و فيكي حتى تقدميها لضيوفك
أكلتنا هيي : صينية السباجيتي مع الجبنة و البقدونس بالفرن
أول شي بحب قول : لا تستهينوا بالصينية لإنها بسيطة و ما فيها لحوم أو خضراوات , و الله كتتتتتتتتتتتير طعمتها طيبة و لذيذة , على مسؤؤليتي
و هلأ يا صبايا يا حلوين راح نجي عالطريقة
أنا استعملت ربطة معكرونة سباجيتي كاملة
طبعآ متل العادة اسلقيها عالنار مع مي و ملح و شوية زيت لتستوي وبعدين حطيها بمصفاية و افتحي عليها المي الباردة شوي
بعدين :
حطي المعكرونة بصينية حجمها مناسب
و حطي معها : ملح و كمون و رشه بهار ( من يلي عندك ) و عصفر و 3 بيضات ( طبعآ كمية البيض , متناسبة مع كمية المعكرونة المستخدمة ) , البيضة التالتة بالصورة موجودة أسفل الملعقة عاليسار و لكن الصفار مفقوس , فمو مبين منيح
و هلأ في ملاحظة مهمة لازم نحكيها : إنه نحن لازم نطري المعكرونة لحتى ما تطلع ناشفة , و هون في عندك عدة خيارات راح نحكي عليها
1) زيت مازولا مع شوية سمنة عربية ( بلدية ) , السمنة البلدية بتعطي نكهة كتييير حلوة للصينية . ( متل الصورة )
(الزيت بالكاسة الصغيرة و السمنة البلدية يلي بالملعقة الكبيرة )
2) ممكن فقط زيت مازولا , و بهالحالة زيدي شوي عن الكمية يلي بالصورة لتعوض عن السمنة
3) إذا عندك قشطة بلدية يلي منشيلها عن وجه الحليب اللي عم يغلي , حطيها مع شوية سمنة بلدية صغار أو بدون السمنة , و على فكرة هالقشطة , بتعطي نكهة , بتجنن للصينية
4) ممكن تحطي علبة قشطة جاهزة , و تطري الصينية بشوية حليب .
هلأ : راح نخلط المعكرونة مع هالمقادير كتير منيح
و بعدين راح نحضر الجبنة مع البقدونس بكمية مناسبة للصينية , بدنا بقدونس مغسول و مفروم خشن , و جبنة ممكن قشقوان أو موزاريلا , أو أي نوع طيب عندك و إنت بالعادة بتحطيه بالبيتزا أو صواني الفرن
أنا هون استعملت الجبنة ( المشللة ) و هالنوع من الجبنة بيصنعوه عنا بسورية , و بصراحة أطيب منه جبنة ما في , بس بحب نوه , إنه مو كل الجبنة المشللة طيبة , بس الأصلية و المصنوعة على أصولها , ( في منها بالخليج بالأسواق , بس ما بعرف إذا نوعيتها من الأصلية الطيبة أو لأ , و ما بعرف إذا في منها بمصر أو لأ ) ,
هالجبنة بتجي من المحل مالحة جدآ ( لتعيش مدة طويلة بالبراد ) و بتكون قاسية , منفكها متل مو شاييفين بالصورة ( استخدمت خمس كباكيب جبنة )
و بعدين راح ننقعها بمية الحنفية شي ( 7 – 8 ) دقايق لتطرى , بس لتطرى , إذا نقعناها زيادة بتسيخ على بعضها , و بعد النقع , منغير ميتها شي ( 3 – 4 ) مرات ليخف ملحها و يصير مناسب
( فاصل و بالرد التاني سنواصل )
حبيباتي وردات منتدانا الرائع
اليوم . جاييبتلكن أكلة كتيير سهلة و بسيطة و غير مكلفة, و بنفس الوقت طعمتها كتتتتتتتير روعة و شهية , و بصراحة ما بيينشبع منها , و فيكي حتى تقدميها لضيوفك
أكلتنا هيي : صينية السباجيتي مع الجبنة و البقدونس بالفرن
أول شي بحب قول : لا تستهينوا بالصينية لإنها بسيطة و ما فيها لحوم أو خضراوات , و الله كتتتتتتتتتتتير طعمتها طيبة و لذيذة , على مسؤؤليتي
و هلأ يا صبايا يا حلوين راح نجي عالطريقة
أنا استعملت ربطة معكرونة سباجيتي كاملة
طبعآ متل العادة اسلقيها عالنار مع مي و ملح و شوية زيت لتستوي وبعدين حطيها بمصفاية و افتحي عليها المي الباردة شوي
بعدين :
حطي المعكرونة بصينية حجمها مناسب
و حطي معها : ملح و كمون و رشه بهار ( من يلي عندك ) و عصفر و 3 بيضات ( طبعآ كمية البيض , متناسبة مع كمية المعكرونة المستخدمة ) , البيضة التالتة بالصورة موجودة أسفل الملعقة عاليسار و لكن الصفار مفقوس , فمو مبين منيح
و هلأ في ملاحظة مهمة لازم نحكيها : إنه نحن لازم نطري المعكرونة لحتى ما تطلع ناشفة , و هون في عندك عدة خيارات راح نحكي عليها
1) زيت مازولا مع شوية سمنة عربية ( بلدية ) , السمنة البلدية بتعطي نكهة كتييير حلوة للصينية . ( متل الصورة )
(الزيت بالكاسة الصغيرة و السمنة البلدية يلي بالملعقة الكبيرة )
2) ممكن فقط زيت مازولا , و بهالحالة زيدي شوي عن الكمية يلي بالصورة لتعوض عن السمنة
3) إذا عندك قشطة بلدية يلي منشيلها عن وجه الحليب اللي عم يغلي , حطيها مع شوية سمنة بلدية صغار أو بدون السمنة , و على فكرة هالقشطة , بتعطي نكهة , بتجنن للصينية
4) ممكن تحطي علبة قشطة جاهزة , و تطري الصينية بشوية حليب .
هلأ : راح نخلط المعكرونة مع هالمقادير كتير منيح
و بعدين راح نحضر الجبنة مع البقدونس بكمية مناسبة للصينية , بدنا بقدونس مغسول و مفروم خشن , و جبنة ممكن قشقوان أو موزاريلا , أو أي نوع طيب عندك و إنت بالعادة بتحطيه بالبيتزا أو صواني الفرن
أنا هون استعملت الجبنة ( المشللة ) و هالنوع من الجبنة بيصنعوه عنا بسورية , و بصراحة أطيب منه جبنة ما في , بس بحب نوه , إنه مو كل الجبنة المشللة طيبة , بس الأصلية و المصنوعة على أصولها , ( في منها بالخليج بالأسواق , بس ما بعرف إذا نوعيتها من الأصلية الطيبة أو لأ , و ما بعرف إذا في منها بمصر أو لأ ) ,
هالجبنة بتجي من المحل مالحة جدآ ( لتعيش مدة طويلة بالبراد ) و بتكون قاسية , منفكها متل مو شاييفين بالصورة ( استخدمت خمس كباكيب جبنة )
و بعدين راح ننقعها بمية الحنفية شي ( 7 – 8 ) دقايق لتطرى , بس لتطرى , إذا نقعناها زيادة بتسيخ على بعضها , و بعد النقع , منغير ميتها شي ( 3 – 4 ) مرات ليخف ملحها و يصير مناسب
( فاصل و بالرد التاني سنواصل )
تعليق