تويت
مجدره من مطبخي بس بطريقه جديده تفضلواااااا
اليوم ان شاء الله حابه اقدملكم المجدره بطريقه جديده بتختلف عن الطريقه الي بنعرفها في سلق العدس اليوم طريقتنا انه ننقع العدس وما نسلقها وهي طريقه كثير سهله وطيبه كثير ازكى من لما نسلق العدس وان شاء الله بتعجبكم
المقادير :
كاس عدس
كاسين رز
ميه
شعيريه
ملح وعصفر (كركم )
بصل مفروم ناعم او جوانح حسب الرغبه
الطريقه كثير سهله وبسيطه
بننقع العدس بميه سخنه لمده ساعه وبنقع الرز كمان بنفس الوقت
بالطنجره الي بدنا نطبخ فيها بنحمص شويه شعيريه انا بفضل المجدره بالشعيريه وبتقدري تستغني عنها وما تحطي حسب رغبتك وبس تتحمص الشعيريه بنصفي الميه عن الرز والعدس وبنغسلهم منيح وبنضيفهم للشعيريه وبنضيف ملح وعصفر وبنقلبهم شوي مع الشعيريه وبعدها بنضيف ميه حسب الكميه الي بوخذها نوعيه الرز الي عندك وبنغليها تتغلي وبعدها ببنوطي الغاز عليها نفس طريقه طبخ الرز
في وقت طبيخ المجدره بنفرم بصل انا فرمته ناعم وكمان ضفتله شويه سماق وزييت زيتون وقليته حتى ذبل بنشيله بصحن والزيت الي زاد من ورا قلي البصل بنحطه على المجدره لما تكون خلص استوت
وبنقدم المجدره وفوقها البصل ومعها سلطه او لبن
طريقه سهله وسريعه و وما بتوخذ وقت والكل راح يحب هاي الطريقه لانه طعمها بختلف
وهسه صور الطريقه
تعليق