تويت
* وصفة مبتكره *كوارع ,,فته,, ممبار ,, لحمة راس >>> كله من مطبخي وبالصور
السلام عليكم ورحمة الله وبركاته
حبايبي ده اول موضوع لي حبيت اشارك بيه في منتداكم
كل سنه وانتم طيبين رمضان علي الابوب
قلت انزل لكم بعض وصفاتي يمكن حد يستفاد بمعلومه ويدعيلي
ألي يتحب الكوارع والممبار ولحمة الراس والاكل الفظييييييييع ده
يتفضل بالف عافيه
وألي مش بتحبه تتفضل برضو تتفرج
الاول دي الصوره بالكامل
الاول نبتدي بالكوارع
انا حبيت اصور لكم الكوارع والكرشه ولحمة الراس واللمبار
قبل السوا علشان تشوفوا المفروض يكونوا نضاف ازاي
طبعا بعد ما نشتريهم بنغسلهم الاول بالدقيق والملح
وبعدين بالمايه وننقعهم شويه بالمايه والخل طبعا مع تنضيف اي بقايا او شعر وخلافه
ودي صورة الكرشه
انا قطعتها مربعات صغيره عشان هربطها بعد كده بالممبار
علي شكل فيونكات
انا قطعتها مربعات صغيره عشان هربطها بعد كده بالممبار
علي شكل فيونكات
ودي صورة الممبار
طريقة غسل الممبار
نقطعه حتت صغيره بالمقص حسب ما تحبي
وتحت الحنفيه ننضفه من بره وبعدين نقلبه ونشيل بالسكينه الطبقه الي جوه وبعدين نغسله كويس بالملح الخشن والدقيق وننقعه شويه بالخل
الاول نجيب كل قطعه من الكرشه ألي علي شكل مربع ونتنيها ونربطها بقطعه من الممبار شبه الفيونكه
اسفه نسيت اصور الخطوه دي بس هتشوفو صوة الشكل النهائي
ونشيل الباقي من الممبار علشان نحشيه بعد كده
نغلي ماية علي النار ونحط فيها الكرشه والكوارع ونغليها غلوتين ونشل الريم كل ما يظهر وبعدين نصفيها ونكب الماية
في حله تانيه نكون غلينا ماية ونحط فيها لحمة الراس ودي صورتها وهي نية ومعاها قطع من الطحال
طريقة غسل الممبار
نقطعه حتت صغيره بالمقص حسب ما تحبي
وتحت الحنفيه ننضفه من بره وبعدين نقلبه ونشيل بالسكينه الطبقه الي جوه وبعدين نغسله كويس بالملح الخشن والدقيق وننقعه شويه بالخل
الاول نجيب كل قطعه من الكرشه ألي علي شكل مربع ونتنيها ونربطها بقطعه من الممبار شبه الفيونكه
اسفه نسيت اصور الخطوه دي بس هتشوفو صوة الشكل النهائي
ونشيل الباقي من الممبار علشان نحشيه بعد كده
نغلي ماية علي النار ونحط فيها الكرشه والكوارع ونغليها غلوتين ونشل الريم كل ما يظهر وبعدين نصفيها ونكب الماية
في حله تانيه نكون غلينا ماية ونحط فيها لحمة الراس ودي صورتها وهي نية ومعاها قطع من الطحال
وتغلي غلوتين مع ازالة الريم كل مايظهر وبعدين نصفيها ونرمي الماية
نجيب حلة الضغط ونضع فيها ماية نظيفه ولما تغلي نضع الكوارع والممبار واللحمه وكل الي غليناه الاول
ومعاهم بصله صحيحه متقشره
ولما تغلي نشيل الريم ونضيف توم كتير مهروس وملح وفلفل ابيض وهيل ومستكه
ومعاهم بصله صحيحه متقشره
ولما تغلي نشيل الريم ونضيف توم كتير مهروس وملح وفلفل ابيض وهيل ومستكه
ونغطي الحله ونسيبها علي النار حوالي ساعه وبعدين نفتحها بعد ما نطفي وكل البخار يتبخر ونشيل منها الكرشه والطحال والكوارع لأنهم هيكونوا استووا
وبعدين نقفلها تاني عشان لحمة الراس تكمل سوا لمدة ساعه الا ربع
وبعدين نطلعهم في صينيه بالشكل ده
نرجع لباقي الممبار
نعمل الحشو
نقطع خضره (كزبره +شبت +بقدونس) ونغسل رز
ونقطع بصل وكله مع بعض
نعصر طماطم ونضيفها عليهم ونضيف نعناع ناشف وملح وبهارات وفلفل
نقلب الحشو كويس ونحشي الممبار وبعد ما نخلص نغرزه بالشوكه علشان مايتفكش في السلق ونخلي بالنا مانزودش الحشو
يتبع
تعليق