تويت
*وصفة مبتكره *اللحمة بالخضار السوتيه والارز بالشعرية ....اتفضلوا معانا
النهاردة عزماكم على ارز بالشعرية وخضار سوتيه باللحمة
تعالو نشوف الطريقة
طريقة الرز طبعا كلكو عارفينها حمرى الشعرية فى الزبدة ثم ضيفى لها الرز المغسول وقلبى لما ينشف الرز ضيفى الماء ( او المرق) والملح ولما يتشرب الماء وطى النار عليه الى ان يستوى
اللحمة.. والخضار
هاتى اللحمة قطعيها مكعبات
وتبليها بالثوم والملح والفلفل ثم شوحيها فى طاسة تيفال بها قليل من الزبد ( تاخد لون فقط)
ثم
هاتى كل الخضار اللى عندك
حبة بطاطس و3 حبات كوسة وحبتين جزر وبصلة كبيرة وشرائح ثوم وحبتين طماطم ومشروم فريش او معلب
حبة بطاطس و3 حبات كوسة وحبتين جزر وبصلة كبيرة وشرائح ثوم وحبتين طماطم ومشروم فريش او معلب
(ممكن تضيفى خضراوات اخرى مثل البسلة او الفاصوليا حسب الرغبة)
المهم قطعى كل ده شرائح مش رفيعة اوى
وحطى توابلك (ملح فلفل كمون زنجبيل كركم بهارات) ومعلقتين زيت زيتون ثم ضعى اللحمة المحمرة وقلبى كل ده كويس وضعى حوالى كوب ونص ماء ودخليها الفرن فى الجزء السفلى على 200 لغاية لما تستوى
وقدميها مع الارز والسلطة الخضرا
والف هنا
تعليق