لو سمحتــــــــــم؟؟

[Marea Mohammed]

اخواتي من لديها وصفةالمعكرونة بالصلصة الحمراء وبيكون معها لحمة مفرومةاوكفتة وايضا المخشي بالصلصة وليس اللبن ارجو المساعدة....
سلامـــــي لكم

[هنلي]

المعكرونه بالصلصة
المقادير زي ما بعملها انا
1 باكيت مكرونه
نص كيلو لحم مقطع لسان العصفور بدون بقدونس او بصل
صلصه بندورة - وحبتين بندورة طازة
بصل بهارات وملح وماجي
الطريقة
نضع المكرونه في ماء يغلي مع زيت وملح كالعاده وبعدها نصفيه
ثم نضع في قدر اخر بندورة مقطعه جوانح مع بصل جوانح ايضا وصلصة وملح وبهار وزيت ونقوم بتحريكها على النار حتى تذبل ثم نصفي الصلصه ونضيف اللحم اللي بنكون قليناه نص قليه ونضع الخليطين - اللحم والبندورة والبصل اللي صفيناه- على النار ونضيف عليها المكرونه
والماجي ونغطي عليها حتى تنضج ويمكن ان نضعها في الفرن ونحمر وجهها قليلا
وممكن عمل اللحمة مطحونه كفته يعني بس بنعملهن دوائر وبنشويهن في الفرن نص سوا
ونضيفهن على البندورة والبصل والصلصة والماجي والمكرونة ونغطي عليها حتى تنضج


اما بعرفش انتي بدك مخشي الكوسا والا البطاطا والا غيرة بس كلهن نفس الطريقة
نحفر الكوسا ونقوم بتجهيز الحشوة المكونه من اللحم المفروم والبصل والصنوبر والبهار والملح
ونحشي الكوسا او ما شابه ونغطي الفتحه بقطع من الكوسا بعد تقطيعة حتى لا تخرج الحشوة اثناء الطهي
ثم نقليه وفي بعض الناس بسلقوه في ماء وملح علشان في القلي بتشرب زيت بس انا بقليه ازكى
ثم نكون قد حضرنا بصل جوانح مع بندورة جوانح وصلصة ونحركها على النار حتى تذبل
ثم نضيف مرق لحم - اذا ما في ماء+ ماجي - ونضع الكوسا معاهن ونغطي عليها حتى تنضج
ونقوم بعمل رز مع شعيرية بجانب الطبق الرئيسي

وصحتين وعافية الك والى كل الاخوات

[zainab2000]

يسلمو يا هنلي .. وصفات اكثر من روعة ..

[Marea Mohammed]

مشكورة اختي هنلي على اهتمامك وبارك الله فيكي وياريت لو بتعرفي تدليني على طريقة لفشة الخروف كيف ممكن نطبخها او نشويها ،،،،،

[هنلي]

انا بصراحه ماعمري جربتها بس بشوف ماما وهي بتعمل كبده الخروف ولانها شوي الها
زنخه بتحط فيها ثوم اهم اشي الثوم وكمون وملح واي نوع من البهار
وممكن تستخدمي هذه الطريقة في الفشه قطعيها وانقعيها شوي في الثوم والكمون والملح والبهار
وبعديها حطيها في الفرن وممكن تغطي الصينية بالقصدير وتحطي عصير ليمون كمان
ولما تقرب تستوي بتقيمي الققدير وبتحمريها وبتنشفي الماء عنها وبترشي في الاخر قبل التقديم
بقدونس مفروم وبجانب ذلك صحن لبن بخيار وثوم واكيد بتعرفي سلطة اللبن بالخيار وهي
لبن وبتقطعي فيه خيار وبتحطي معاه ثوم مدقوق وملح وشوفي الطعم

وادعيلي كمان

وصحتيين وعافية


هنلي

[Marea Mohammed]

بارك الله فيكي هنلي وجزاكي كل خير...