المكرونه بالبشاميل بدهون اقل سعرات حراريه اقل
السلام عليكم ياجماعه انا عندى طريقه للمكرونه بالبشاميل وخفيفه ومش تقيله على المعده جربوها وادعولى .
فى الاول خالص حنجيب المكرونه ونسلقها نص سليق عشان لما تدخل الفرن تكمل سواها فيه ومش تتهرى منا .
انا عن نفسى بحب اعمل المكرونه بالخضار مش باللحمه لان فى الغالب بيكون جنبها يا كفته يا فراخ بنيه فلو حطينا كمان لحمه مفرومه فى المكرونه حيكون لحوم كتير اوى فى الوجبه وكل واحده وراحتها برضو.
المهم انا بجيب كيس خضار مشكل واسلقه نص سليق برضو واصفيه من الميه بس ناخد بالنا مش نرمى مية السليق بتاعته عشان فيها فايده الخضار كله وهقولك هنعمل بيها ايه دلوقتى .
ركزو معايا احنا هنعمل البشاميل بطريقه خفيفه وسهله من غير زيت ولا سمنه ولاحتى نحمر الدقيق.
مقدار البشاميل لكل كيس مكرونه واحد:_
فى الاول خالص حنجيب المكرونه ونسلقها نص سليق عشان لما تدخل الفرن تكمل سواها فيه ومش تتهرى منا .
انا عن نفسى بحب اعمل المكرونه بالخضار مش باللحمه لان فى الغالب بيكون جنبها يا كفته يا فراخ بنيه فلو حطينا كمان لحمه مفرومه فى المكرونه حيكون لحوم كتير اوى فى الوجبه وكل واحده وراحتها برضو.
المهم انا بجيب كيس خضار مشكل واسلقه نص سليق برضو واصفيه من الميه بس ناخد بالنا مش نرمى مية السليق بتاعته عشان فيها فايده الخضار كله وهقولك هنعمل بيها ايه دلوقتى .
ركزو معايا احنا هنعمل البشاميل بطريقه خفيفه وسهله من غير زيت ولا سمنه ولاحتى نحمر الدقيق.
مقدار البشاميل لكل كيس مكرونه واحد:_
- نجيب حله ونحطها على النار ونحط 3 كوبيات لبن +2 كوب مياه اللى سلقنا فيها الخضار .( ملحوظه هما بيكون 5 كوبيات سوائل شكليهم برحتك شوربه اكتر ولبن اقل او العكس انتى ومزاجك والمتاح عندك).
- نحط التوابل اللى بنحبها وانا افضل مكعب مرقه دجاج وهو بيظبط كل حاجه.
- اول ما الخليط يقرب يغلى اهدئ النار واحط 4 معالق دقيق واقلب بسرعه بالمضرب اليدوى عشان مش يكلكع منى الدقيق واول ما يبتدئ يتخن اقفل النار .( ملحوظه يمكن استبادل الدقيق بكيس خلطة البشاميل الجاهزه )
- على بال مالبشاميل ما يهدئ اجيب بيضه افصل البياض عن الصفار واجيب البياض اضربه بالمضرب لحد مايبقى عامل زى الكريم شانتيه ونروح حاطينو على البشاميل ونقلب كويس لحد ميتمزجوا مع بعض.
- اجيب الصنيه و ادهنها زيت خفيف واحط نص المكرون واضيف عليهم معلقتين بشميل واقلبهم مع بعض وافردهم فى الصنيه وبعدين احط الخضار وبعدين باقى المكرونه واروح ضايفه البشاميل كله .
- اخر حاجه اجيب صفار البيضه واحط عليها فلفل اسود عشان بيمنع ريحة الظفاره واضربهم بالشوكه واحطهم على وش البشاميل وادخلها فى الفرن .(ملحوظه عشان تعرفى توزعى الصفار على وش البشاميل كويس من غير ميلزق فى ايدك خلى ايدك مبلوله بالميه )
- معلش طولت عليكم بس بجد هتعجبكم جدا جدا وابقوا ادعولى بصلاح الحال فى الدنيا والاخره ومع جوزى وربنا يكرمنى بالذريه الصالحه .
- وبألف هنا على صحتكوا ولو فى سؤال انا تحت امركم .
.gif)
تعليق