و اخيرا فراخ مشويه و ارز بالخلطه من مطبخى

[مروة ابراهيم]

امبارح بعد مما استجمعت شجاعتى قررت اجرب اعمل الفرخه المشويه فى الفرن بعد تردد لانى كنت خايفه احسن ماتستويش فدوخت ام نور معايا و جربت طريقتها اللى على الرابط دهhttp://www.lakii.com/vb/showthread.php?t=444088
و عملت معاها ارز بالكبد و القوانص
و بطاطس محمره و سلطه و كركديه بالتمر الهندى و كان الاكل روعه
و دى الصور

لو عايزين طريقه الرز اقولهالكم بس اصلكم ما شاء الله كلكم شاطرين
و بالهنا

رأيكم يهمنى

[مصطفى قرة عينى]

سلمت يداك شكلها بيشهى

[* اميرة *]

ياريت تقولى طريقة الرز

[مروة ابراهيم]

شكرا يا ام مصطفى

[مروة ابراهيم]

بصى يا ميرو الرز بتجيبى بصله و تبشريها و تشوحيها بشويه سمن و تكون مقطعه الكبد و القوانص و نقعاهم فى شويه فلفل اسود و خل عشان الزفاره 10 دقايق و بعد كده تشطفيهم بميه و تحطيهم على البصله و تحطى توابل لحمه و جوزه الطيب وسنه قرفه لحد ما يدخلوا فى السوا 10 دقايق تقريبا و بعد كده تكونى غسله كوب ارز بسمتى او حسب حاجتك و تكونى نقعاه فى شويه ميه دافيه و ملح و تصفيه و تضيفيه للكبد و القوانص و كل كوب حطيله 1 و نص كوب ماء انا اضفت نص مكعب مرقه كمان و قلبى و سويه عادى و بالهنا

[* اميرة *]

تسلم ايدك

[مروة ابراهيم]

تحت امرك يا مرمر

[alaa...]

ماشاء الله روعه تسلم ايدك

[noorelhoda]

ياعينى عالجمال يا مروتى ايه الحلاوه دى ماشاء الله
شكل الاكل يجنن
وانتى ولا غلبتينى ولا حاجه
انا تحت امرك ياقمر
ورمضان كريم

[wbaby]

تسلم ايديك ياقمر
الف هنا وشفا

[مروة ابراهيم]

ميرسى يا مرموره يا عسل ربنا يباركلك فى نور و تخاويها عن قريب يارب

[مروة ابراهيم]

ميرسى يا وبابى