₪طبق متميز₪الكبيبة المصرى وبالصور

[عبير صباح الدين]

حبيباتى انا كتبت موضوع عن الكبيبة المصرى من زمان لكن مش كان عندى كاميرا اصورها

واليوم عملتها وقولت لازم اعرفها لحبيباتى ياريت تجربوا باذن الله تعجبكم جدا

المقادير

3 كوب ارز مصرى مغسول ومنقوع ومتصفى ونضعه فى قطعة قماش كى نجففه جيدا

كيلو لحم احمر مقطع ونضع عليه ملح وملعقة بيكربونات الصوديوم - 3 بصلة متوسطة - ملح فلفل اسود بهار
للحشو قطعة لية ( شحم اغنام ) وبصلة صغيرة

نفرم اللحم فى الكبة فرم جيد فى الكبة مش فى المفرمة علشان تعلبك ومعنى كلمة تعلبك تبقى متماسكة مع بعضها وبتلزق فى اليد
ونفرم البصل ونضعه على اللحم والرز نطحنه جيد وكمان نضعه على اللحم ونضع الفلفل والملح والبهار ونعجن كويس جدا

نجهز الحشو بفرم البصلة مع اللية ونضعهم على النار ونقلبهم مع ملح وفلفل الى ان يصفروا بيسط
ونبتدى نحشى الكبيبة

بعد حشو كل الكمية نضع ماء فيه ملح وبصلة وحبهان على النار ونتركه يغلى ونضع فيه الكبيبة ونتركها الى ان تستوى ولما ترتفع على وجه الاناء تبقى بدت تستوى

وبعد ماتستوى نخرجها من الوعاء ونضعها فى صلصة طماطم وننشلها ونتركها ربع ساعة تجف قبل التحمير

ونحمرها فى السمن وتقدم بالهنا

[00شهد الملكة00]

ماشاء الله عليكى يا عبير
جميلو ووصفة جديدة عليا الحقيقة - يسلم ايديكى الحلوين حبيبتى
بس لى سؤال - ما فائدة بيكربونات الصوديوم على الحمة؟؟

[carmen]

الله ... الله .... الله .....اول مره اشوف الكبيبه المصرى او اسمع عنها لكن الوصفه تهبل .... تسلم ايدك اوىىىىى.

[binte2007]

وعليكم السلام ورحمة الله تعالى وبركاته
مشكورة أختي على الوصفة الرائعة
تسلم الأيادي

[om taima]

وصفة رائعة دائما اسمع عنها بس مكنتش اعرف الطريقة المظبوطة ليها تسلمى ياقمر بأذن الله حاجربها بس طلعة من تحت إيديكى تحفة بسم الله ماشاء الله

كل سنة وانتى طيبة ياقمر

[لبنان وحبايبه]

ما شاء الله عزيزتي روعة ولذيذة تسلم يداك وكل عام وانت بالف خير

[mamaaa]

تسلم ايديكى يا عبير انتى اكيد من المنصورة

[سروة]

ممممممممممممم
يسلموووووووووووووو يا عبير من يد ما ننحرم منها يا رب

[shahed60]

يم يم يم فعلا شي ناهي
ربي يسلم دياتك حبيبتي

[قلوب خضراء]

تسلم ايديكى

[عبير صباح الدين]

ماشاء الله عليكى يا عبير
جميلو ووصفة جديدة عليا الحقيقة - يسلم ايديكى الحلوين حبيبتى
بس لى سؤال - ما فائدة بيكربونات الصوديوم على الحمة؟؟

تسلمى حبيبة قلبى يارب

حبيبتى الكربونات علشان اللحم يعلبك ويبقى طرى ويتقبل الرز ومش يفك فى ماء السلق

لو لاحظتى انا وضعت ملح وكربونات لازم قبل فرم اللحم بـــ 5 دقائق على الاقل

جربيها حبيبتى وانا تحت امرك فى اى سؤال

[أم أحمد_**]

طبق رائع تسلمين يا قمر

[عبير صباح الدين]

الله ... الله .... الله .....اول مره اشوف الكبيبه المصرى او اسمع عنها لكن الوصفه تهبل .... تسلم ايدك اوىىىىى.

طيب ياقمر جربيها وعلى ضمانتى باذن الله

[أم مــــالــــك]

تسلم ايدك
وصحتين وعافيه على قلبكم يارب

[أم شادى]

تسلم ايدك حبيبتى
وصفك جميل و شغلك مرتب
جزاكى الله الجنه