تويت
نداء...نداء..لكل العضوات، بنات و ستات*****
مرحبا يا حلوين ..شو الأخبار
ان شاءالله كل شي تمام
شو اجيتوا كلكن ولا في حدا غايب
لاااااا تخافوا ما في شي خطير لا حدا يرتعب من النداء
بصراحة أنا عم عاني من مشكلة
و يمكن في غيري كمان...و أرجو من الكل يهتم بالموضوع..
بما أنو المنتدى الغالي مليان ( بسم الله ما شاءالله) بعضوات غاليات من مختلف الجنسيات( شوي تانية منفتح فرع للجامعة العربية...بلا تشبيه)
و لكل جنسية لهجتها الخاصة و في بعض الكلمات بتكون خصوصية كتيير بهالبلد أو ذاك..
فعندما أي عضوة بتحط الوصفة تبعها بالمقادير العامية و بتكون الوصفة حلوة بس بسبب الكلمات المفرطة بالعاااااااامية ما عم أفهم شو مكونات الوصفة
لذلك ياااااااااا أخواتي يا حبيباتي الرجاء من كل وحدة بتكتب مكونات وصفتها تكتبها بكلمات عربية فصيحة أو على الأقل تكون مصطلحات معروفة و متداولةو مفهوووووووووووووووومة للجميع
ماااااااااااشي
مشان افهم وصفاتكن و اطبقهاو إلا بطبخ على كيفي
عموما" آآآآآآآآآسفة لأني رعبتكن و تغالظت عليكن و اذا حدا ارتعب فهاي طاسة الرعبة
اشربوا منها**رح تقولوا..يا فصيحة يلي إلك ساعة عم تنظري علينا شو هاي طاسة الرعبة...
يا حبيباتي::طاسة الرعبة وعاء نحاسي بحجم زبدية اللبن و ما بعرف شو يعني زبدية بالفصحى، و محفور عليها آيات قرآنية و تحديدا" آية الكرسي. كانوا زمان اذا واحد مرعوب يسقوا فيها ماء كي تزول الرعبة عنه..و الآن أصبحت من التراث..
و أخيرا" تقبلوا محبتي
و كذلك اعتذاري عى الازعاج
** وحدة رايقة عند الصبح **
[
اعذروني لغيابي 
تعليق