تويت
شعار₪وصفه متميزه₪ محاشي طيبة بس بلا كولسترول...كيف؟
السلام عليكم حبيباتي:
أكلة المحاشي الكل صار يعرف طريقتها،هي من أطيب الأكلات و أفخرها لكنها دسمة و متعبة للبعض،لذلك حبيت قدمها بطريقة صحية و كمان طيبة و مجربة، أنتو جربوا و احكموا.
رح نستخدم الرز الحبة الكاملة(مع القشرة)بيكون لونه بني،و اللحمة (low fat)لحم بقر هبرة بدون دهن و لحتى يطلع الرز مفرفد رح نضيف بعض الخضار للحشوة.
المقادير:
ممكن أي شي كوسا ، باذنجان، ورق عنب ، فليفلة، بطاطا...
*مثلا 2كيلو كوسا، نص كيلو ورق عنب.
*كاستين رز بني ننقعه بماء دافئ مدة ساعة.
*بصلة صغيرة، حبة بندورة، حبة فليفلة، شوي من لب الكوسا، طبعا الخضار رح تدوب بالطبخ و ما تبين كتيير و يبقى الرز مفرفد.
*ملح، بهارات مشكلة، كمون.
*ليمون للمرقة.
*لحمة هبرة نص كيلو تقريبا.
نحفر الكوسا بالطريقة المعتادة ، نحضر ورق العنب، أنا بستخدم (ورق المرطبانات تبع كاليفورنيا كبير و ظريف)
نخلط الرز و اللحمة و الخضار مع بعض و البهارات و الملح و ملعقة زيت زيتون، و نحشي الكوسا و ورق العنب .
في وعاء الطبخ منحط بالأسفل ثوم مقطع و فوقه قطع لحمة مع العظم لحتى يعطي طعمة أطيب للأكلة.
و بعدين منحط الكوسا و نصف ورق العنب أو اليبرق فوقها.
نضع فوقهن قطعة الفخار الخاصة للمحاشي أو صحن كبير .
نضع ماء و ملح، ونشعل النار على القوي بس تبدأ المرقة بالغليان نخفض النار و نتركها تستوي بتاخد حوالي ساعة و شوي لأنو الرز البني بدو وقت أطول بسبب القشرة تبعو.
بس يستوي نضيف عصير الليمونو نتركه 10 دقايق كمان و بعدين منطفي النار، و نصفي المرق و نقدمه مع ألف هنا و شفا لكل الحبايب.
رح تلاحظوا انو الرز فتح و صار شكلو متل البرغل***
ردوا عليي و قولوا شو رأيكن***
طبعا لب الكوسا ما منرميه، منقليه مع شوية توم و نعنع يابس على وجهه بيطلع طيبن و ألف صحة&&&
الملفات المرفقة
تعليق