الاطباق المغربية......انا في الخدمة

[التازية]

السلام عليكم
اذا اردتم معرفة الاطباق المغربية انا في الخدمة فقط .اعطيني اسم الطبق وانا ساكتب لك المقادير والطريقة.و هذه اول مشاركة لي في هدا الركن.

[غدير البنات]

نفسي اتعلم طريقة طاجن الدجاج بالزيتون بس ياليت بالعربي الفصيح لأني لا أعرف اللهجة المغربية سامحوني أنا أسفة

[التازية]

اهلا اختي واسفة جدا جدا على التاخير .
فيما يخص طاجين الدجاج بالزيتون هناك طبقان على حد علمي ساكتبهم لكي واتمنى ان تجدي مرادك.
الطبق الاول .
الدجاج بالزيتون
في طنجرة ضعي الدجاج اما مقطع او كامل على حسب الرغبة ضعي معه القليل من الماء ثم التوابل الابزار-قليل من الزنجبيل-الزعفران- الملح-الزيت-حركي المقادير لكي يتشربها الدجاج ثم اضيفي بصلة مفرومة والثوم مفروم كذلك مع التحريك و القصبرة الطرية يعني اوراق وليست اليابسة اضيفيها كذلك مع التحريك ثم اضيفي الماء لاتكتري من الماء لان الدجاج لا ياخد الكثير من الوقت في الطهي اتركيه لمدة 30 دقيقة .في هذه الاثناء احضري علبة الزيتون المعلب الاخضر بدون عضم افتحي على الدجاج قبل نضجه بالكامل لكي نضيف الزيتون واتركيه يغلي في المرق لمدة 10 دقائق حتى يتشرب المرق.وقدميه بالصحة والعافية.
الطبق الثاني
الدجاج المزين بالزيتون
في اناء ضعي الاتي الابزار- الزنجبيل-الزعفران-الملح-ثوم مدقوق حسب كمية الدجاج وبصف كاس ماء خلطي المقادير وادهني بها الدجاج من الخارج والداخل واتركيه يتشرب التوابل لمدة 30 دقيقة.بعد مضي المدة احضري الطنجرة ضعي الدجاج مع التتبيلة واضيفي القليل من الماء لكي يتشحر اضيفي البصل المفروم ناعم و الزيت حسب الرغبة وحركي جيدا ثم اضيفي الماء وتركيه يطهى .بعد يصبح جاهز ويجب ان يبقى الدجاج متماسكا لا يجب ان ينفصل اللحم عن العضم خدي الدجاج وحده ويقلى في الزيت حتى يتحمر والرق قومي بتحريكه حتى يجف الماء ويصبح البصل والزيت ضعي الدجاج في طبق التقديم واضيفي المرق الخاثر وزينيه بحبات الزيتون الحامض وشرائح الليمون المخلل .و بالصحة والعافية.
واذا ارت اي استفسار انا في الخدمة

[غدير البنات]

الف الف شكر حبيبتي اي وصفة اكله مغربيه عندك تانيه اعطيني هي لان زوجي بيحب الاكل المغربي

[rachidah]

شكرا لك اختي
هذه مبادرة طيبة منك
لن اطلب وصفة محددة ولكن اختي اذا كان لديك طبق تحبينه ومذاقه جيد
ولا يتطلب وقتا كثيرا فارجوكي لا تبخلي علي به
وشكرا لك على المجهود الكبير

[التازية]

السلام عليكم
انا سعيدة لمساعدتكم ووافضل ان تعطيني اسم الطبق وانا اعطيك المقادير والطريقة كاملة

[rachidah]

غير شي حاجة من عندك تشوفيها زوينة
نجرب ذوقك وعلاش لا

[التازية]

غير شي حاجة من عندك تشوفيها زوينة
نجرب ذوقك وعلاش لا

وشنو هي الماكولات الي كتعجبك

[fairouz2]

السلام عليكم ورحمة الله وبركاته
جزاك الله خيرا على هذه المبادرة الطيبة
انا بغيت نسولك كيفاش نعمل للملوخية باش نديرها فالطاجين واش كتسلق اولا ولا كيفاش وشكرا

[التازية]

اهلا اختي
بالنسبة للملوخية جيبيها ونقيها مزيان حيدي الطراف بزوج ثم بخريها شوية عاد ديريها فكاصرولة و زيدي عليها المرقة من الطنجرة وخليها تشرب المرق عاد زوقي بها الطاجين ويلبغيتي طريقة الطاجين نكتبهاليك .و اسفة على التاخر

[rachidah]

صراحة انا كيعجبني الحوت وما كنعرف ندير بيه غير
الطجين ومقلي وطايب فالفران
الطجين ما كنعرف غير 1 نوع
هو هذا
1 اختي كتحتاجي .الطماطم*مطيشة* .البطاطا . خيزو. الربيع.الحامض مصير يعني مرقد
والزيتون الاحمر المرقد.والحوت
2 كتقادي للحوت وتطحنيه فالطحانة ولا كتطحنيه غير بايدك ولا بالشوكة *الفرشيطة*
3 كتقادي الربيع والعطرية* الابزار والكمون والزعفران والتحميرة والملح وشوي عصير الحامض وشوي دالزيت وتخلطيهم
4 كتخلطي نصف التشرمولة مع الحوت المطحون والنصف الاخر كتخليه من بعد
5 كتديري الزيت فالطجين وتحطي خيزو ومن بعد البطاطا وكتديري الحوت كويرات وتحطيه الفوق وتديري الطماطم*المطيشة* اما محكوكة ولا تقطعيها دوائر
6 كتجيبي الباقي د التشرمولة*الربيع والعطرية* وتديريها الفوق وتحطي الحامض مقطع بحال صباع يعني يكون طويل وما تنسايش الماء
وتديري الزيتون وحطيه يطيب

[nadader]

السلام عليكم
بغيت الله يخليك شي وصفات لندير للعشاء بحال الشعرية, السميدة, الروز..........
شكرا

[التازية]

السلام عليكم
اختي شكرا على الوصفة اما انا فكندير الطبق الاتي
كنجيب ميرنة او السردين و البطاطس دواور مصلوقة و الطماطم دواور و الفلفة كذلك دواور و كنوجد الشرمولة والي هي القصبور والمعدنوس والثومة مدقوقين والحامض معصر والفلفة حمرة والبصلة دواور والكامون وشوية ديال اليبزار كنخلط الجميع ثم كنشرمل منها الحوت والباقي كنزيد عليه مطيشة ديال الحك والزيت البلدية وكنجريها بشوية ديال الماء ثم كنجيب الطاجين كندير الفلفلة والبصلة في القعر ثم شوية ديال الشرمولة ثم طبقة ديال البطاطس والشرمولة ثم الحوت ثم نكمل بنفس الطريقة حتى تكمل العناصر ثم كنضيف الماء الكافي وندخلو للفران باش يطيب الحوت قبل ما نخرجو نحمرلو الوجه وبالصحة والعافية.
ومني كيكون عندي الميرنة والصول منقيين كنجيب اناء وكندير البيض حسب الحوت وكنزيد عليه الخل والملحة والابزار ونطربهوم و كنرقد فيهوم الحوت باش مني كيتقلى كيتنفخ وكيتحمر مزيان وكيجي رطب. والصحة والعافية.
كنتمنى نكون فيتك وشكرا على المشاركة

[التازية]

الى الاخت nadader
بالنسبة للشعرية والروز والمحمصة انا كنطيبهوم طياب واحد بالرقة خفيفة والي هم التالي
فكوكوط كندير الماء الكافي وبصلة مشلظة طويلة ومطيشة مشلظة غليظة و الابزار وشويية سكينجبير و الزعفران والملح والمعدنوس مقطع والتقاطع اما لحم او قشاوش ديال الدجاج وشوية ديال الزيت ونسد الكوكوط حتى يطيب الدجاج مني نحل نجيب المغرفة المشبكة وكنخد التقاطع والبصلة حتى تبقى غير المرقة ثم نضيف الروز او الشعرية او المحمصة حتى طيب في طبق التقديم نضع الطياب ونزوقوه بالتقاطع .و بالصحة والعافية
بالنسبة للسميدة الرقيقة في طنجرة نضع الماء و الملح والزعفران والابزار ومعدنوس وكرافص مقطعين والزيت حتى يغلي ثم نضيف السميدة وممكن تضيفي معاها فول منقي حتى من الجلدة الداخانية وتخليهوم يطيبو ثم تقدم بالصحة والعافية .
بالنسبة للحليب في طنجرة عادية نضع الماء والملح والزبدة ونخليوه يغلي ثم نضيف الروز او الشعرية او المحمصة ونخليوها طيب مني طيب وتنشف من الماء نضيف الحليب والسكر ونتركه يغلي وقبل التقديم نضيف القليل من ماء الزهر ثم نصبوها في طبق التقديم ونزينوها بشوية ديال اللوز محملر ومهرمش .و بالصحة والعافية
وكنتمنى نكون افتك

[التازية]

اسفة اذا كانت ردودي غير مقنعة .حقا انا اسفة