تويت
طبعاً شهر رمضان المبارك قرب " الله يعينا ويقوينا على عبادته ويتقبل منا " وحتى نتفرغ للعبــاده في هالشهر الكريم ضروري ما نستعدوا من توا وخاصة في المطبخ يعني في حاجات ممكن نجهزوهم من قبل رمضان حتى يسهلوا علينا ونختصروا الوقت في الطبخ وأني عندي أفكار ممكن تستفيدوا منها وأي أخت عزيزة عندها فكرة ياريت تشاركنا بيها وخاصة أخواتي الي متزوجات ويشتغلوا ياريت نعرفو منهم شني إستعدداتهم لرمضان واني ما نخفيش عليكم متزوجة جديد وهذا أول رمضان ليا ونشتغل وانحاول نستعد من توا وهذي بعض الأفكار الي ناوية أنطبقها :
البيتزا : أعجني عجينة البيتزا وبعد ما تخمر قسميها في أكياس وحطيها في الفريز وبعدين بس طلعيها تذوب واستعمليها وممكن حتى تشكليها دوائر وأطيبها في الكوشة وتحطيها في الفريز في أكياس أو حافظة بلاستيك (يكون أحسن) وبعدين يادوب تحطيلها الصالصة والجبنة (طبعاً حتى هيا تبشريها من توة وتقسميها في أكياس) وباقي المكونات حسب الرغبة وتحطيها في الكوشة وطبعاً حتى الصالصة تقدري توتيها من توة يعني ترحي الطماطم في الخلاط وأطيبي الصالصة كالعادة (الأفضل تكون سميكة ) وبعد ما تبرد اتحطيها في أكياس في الفريز بعدين اطلعيها تذوب وتسخنيها على النار وتستعمليها .
الخضار : ممكن تقطعي الخضار بأنواعها وتحطيها في أكياس وتلقيها واتية لشربة الخضار مثل (كوسه +زهرة +جزر ) وممكن أطيبي الفاصوليا حتى هي تحطيها في أكياس .
المعجنات : أني نشري في العجينة المنتفخة نقسمها دوائر ونحشيها بحشوة مفروم أو دجاج (يكون طايب طبعاً ) وندهنها بالحليب وانحطها في حافظة بين كل طبقة وطبقة نايلون وبعدين أطلعيها ويادوب اتحطيها في الكوشة أطيب وممكن تحشي السمبوسه بالعجينه الجاهزه (موجودة في المحلات) وتحطيها في الفريز وبعدين تقليها بس.
الكفتة والكباب: تجيبى اللحمة المفرومة وتبليها وتجهزيها وتعملى جزء منها كور وتحطيها جنب بعض فى صحن وتحطى الصحن فى كيس نايلون وتدخليه الفريز وتعملى جزء منها صوابع جنب بعض فى صحن بنفس الطريقة (وممكن تحطيها في حافظة) وهذي تستعمليها للكباب في الكوشة.
السكالوب : تجيبى شرائح الصدور واتبليها يوم كامل في الثلاجة بعدين تغمسيها في البيض والخبزة المرحية وتستفيها في حافظة وبين كل طبقة وطبقة نايلون
المكرونة بالبشاميل أو الازانيا : تحضريها بالطريقة المعتادة ويكون أفضل لو حطيتيها في طاجين بايركس (طاجين المرش) وتدخليها الفريز الاول من غير ما تغطيها لحد البشاميل ما يجمد وبعدين تغطيها بورقة سيلفر ولما تبي تستعمليها قبل ما تدخليها فى الفرن تضربى بيضة بالشوكة و تحطيها على الوجه.
شربة العدس : تسلقي العدس وتصفيه بالمصفاة ولما يبرد تحطيه فى اكياس نايلون ولما تجى تستخدميه تفضى الكيس في طنجرة وتصبي عليه ميا مغلية تتبليه وأضيفيلها باقي المكونات .
الشبت والمعدنوس والكسبر : تقرضيهم زى ماهما ومن غير غسل وتحطى كل نوع فى كيس و وتربطيه وتخليه فى الثلاجة مش الفريز ولما أطلعيه أغسليه في الصفاي وتستعمليه .
البطاطا المحشية : تجيبى البطاطا المدورة الصغيرة وتقشريها وتحفريها من الوسط و ويا دوب تقليها فى الزيت لين تتحمر شوي و تحشيها بالمفروم الطايب وتستفيها فى صنية المونيوم وعند الاستخدام بتطلعيها زى ماهي على الفرن على طول بس تحطيلها الصلصة في الاول
أسياخ الدجاج : اتبليه و تستفيه في أسياخ الخشب وتغمسية في البيض والخبزة المرحية وتستفيه في صحن أوحافظة في الفريز .
الثومة : تفرم وتوضع في علبة زجاج (فازو) ويضاف الزيت حتى يغطي الثومة ويوضع بالثلاجه اسبوعين ولا يتاثر.ولو بالفريز يوضع في حافظة صغيرة من غير زيت..
السلاطات : ممكن أتوتي السلاطة المشوية من توة وتحطيها في حافظة وحتى الطحينة بس تحطيها في أكياس مش حافظة لأن لم أطلعيها هلبة من الفريز تفسد وممكن تشوي البذنجان وتحطيه في الفريز وبعدين اطلعيه وتستعمليه لبابا غنوج .
منقوووووووول
البيتزا : أعجني عجينة البيتزا وبعد ما تخمر قسميها في أكياس وحطيها في الفريز وبعدين بس طلعيها تذوب واستعمليها وممكن حتى تشكليها دوائر وأطيبها في الكوشة وتحطيها في الفريز في أكياس أو حافظة بلاستيك (يكون أحسن) وبعدين يادوب تحطيلها الصالصة والجبنة (طبعاً حتى هيا تبشريها من توة وتقسميها في أكياس) وباقي المكونات حسب الرغبة وتحطيها في الكوشة وطبعاً حتى الصالصة تقدري توتيها من توة يعني ترحي الطماطم في الخلاط وأطيبي الصالصة كالعادة (الأفضل تكون سميكة ) وبعد ما تبرد اتحطيها في أكياس في الفريز بعدين اطلعيها تذوب وتسخنيها على النار وتستعمليها .
الخضار : ممكن تقطعي الخضار بأنواعها وتحطيها في أكياس وتلقيها واتية لشربة الخضار مثل (كوسه +زهرة +جزر ) وممكن أطيبي الفاصوليا حتى هي تحطيها في أكياس .
المعجنات : أني نشري في العجينة المنتفخة نقسمها دوائر ونحشيها بحشوة مفروم أو دجاج (يكون طايب طبعاً ) وندهنها بالحليب وانحطها في حافظة بين كل طبقة وطبقة نايلون وبعدين أطلعيها ويادوب اتحطيها في الكوشة أطيب وممكن تحشي السمبوسه بالعجينه الجاهزه (موجودة في المحلات) وتحطيها في الفريز وبعدين تقليها بس.
الكفتة والكباب: تجيبى اللحمة المفرومة وتبليها وتجهزيها وتعملى جزء منها كور وتحطيها جنب بعض فى صحن وتحطى الصحن فى كيس نايلون وتدخليه الفريز وتعملى جزء منها صوابع جنب بعض فى صحن بنفس الطريقة (وممكن تحطيها في حافظة) وهذي تستعمليها للكباب في الكوشة.
السكالوب : تجيبى شرائح الصدور واتبليها يوم كامل في الثلاجة بعدين تغمسيها في البيض والخبزة المرحية وتستفيها في حافظة وبين كل طبقة وطبقة نايلون
المكرونة بالبشاميل أو الازانيا : تحضريها بالطريقة المعتادة ويكون أفضل لو حطيتيها في طاجين بايركس (طاجين المرش) وتدخليها الفريز الاول من غير ما تغطيها لحد البشاميل ما يجمد وبعدين تغطيها بورقة سيلفر ولما تبي تستعمليها قبل ما تدخليها فى الفرن تضربى بيضة بالشوكة و تحطيها على الوجه.
شربة العدس : تسلقي العدس وتصفيه بالمصفاة ولما يبرد تحطيه فى اكياس نايلون ولما تجى تستخدميه تفضى الكيس في طنجرة وتصبي عليه ميا مغلية تتبليه وأضيفيلها باقي المكونات .
الشبت والمعدنوس والكسبر : تقرضيهم زى ماهما ومن غير غسل وتحطى كل نوع فى كيس و وتربطيه وتخليه فى الثلاجة مش الفريز ولما أطلعيه أغسليه في الصفاي وتستعمليه .
البطاطا المحشية : تجيبى البطاطا المدورة الصغيرة وتقشريها وتحفريها من الوسط و ويا دوب تقليها فى الزيت لين تتحمر شوي و تحشيها بالمفروم الطايب وتستفيها فى صنية المونيوم وعند الاستخدام بتطلعيها زى ماهي على الفرن على طول بس تحطيلها الصلصة في الاول
أسياخ الدجاج : اتبليه و تستفيه في أسياخ الخشب وتغمسية في البيض والخبزة المرحية وتستفيه في صحن أوحافظة في الفريز .
الثومة : تفرم وتوضع في علبة زجاج (فازو) ويضاف الزيت حتى يغطي الثومة ويوضع بالثلاجه اسبوعين ولا يتاثر.ولو بالفريز يوضع في حافظة صغيرة من غير زيت..
السلاطات : ممكن أتوتي السلاطة المشوية من توة وتحطيها في حافظة وحتى الطحينة بس تحطيها في أكياس مش حافظة لأن لم أطلعيها هلبة من الفريز تفسد وممكن تشوي البذنجان وتحطيه في الفريز وبعدين اطلعيه وتستعمليه لبابا غنوج .
منقوووووووول
تعليق