سؤال عن الرز

[Nicesmell]

يا بنات أنا الرز رح يجنني ...مو رضيان يطلع معي مفلفل يعني كل حبة لحالها دائما بيطلع قطعة وحدة و إذا صدفت و شي مرة كان حظي حلو بيطلع من فوق و لا أحلى من هيك بس من تحت أكيد رح يكون ملزق ببعضه
فالله يخليكم و يرزقكم الجنة أفيدوني شلون بقدر أطبخ الرز بطريقة يطلع فيها مفلفل و كل حبة لوحدها؟؟؟؟؟؟؟؟؟

مع العلم أنو هذا يحصل مع جميع أنواع الرز حتى البسمتي



بانتظاركم

[shahed60]

السلام عليكم ورحمة الله وبركاته
مارح تجني بعد هلق رح ساعدك بمعرفتي
انا بعمل الرز بطريقتين
اول طريقة
بحط السمنة بالطنجرة وبحط كاستين رز فوقة وبقلبه شوي لحتى يصير يلمع بعدين بضيف 3 كاسات ماء ساخن
يعني كل كاسة ارز بتقابلها كاس ونصف ماء ساخن اتركه حتى يغلي ثم اضعه على نار هادئة واغطيه باحكام
ولا تحركيه ابدا ..وبس تنشف الماء بيكون نضج
الطريقة التانية هاي بعملا مع الرز بالشعيرية
اقوم بنقع الارز لمدة ساعة بماء مغلي
اقوم بتحمر الشعيرية بالسمن ثم اضيف نفس المقدار لكل كاسة ارز كاس ونصف ماء وانتظر حتى تمام الغليان وبينما تغلي الماء اكون قد غسلت الارز نشفته من الماء
اضيف الارز والملح واغطيه واهدي النار عليه يعني يستوي على مهلو
وبس تنشف الماء بيكون صار رز على اصوله
اتمنى كون افدتك

[Nicesmell]

أختي الغالية
shahed60

شكرا جزيلا على مرورك الكريم و إفادتك لي
و الصراحة إني بعمل الرز بنفس الطريقة و ما بعرف ليش ما بيزبط

يلا الله بيعين و على كل حال جزاك الله خيرا

[romia]

انا دايما بعمل الرز مفلفل وحلو بحط كميه زيت او سمنه مناسبه للرز وبعدين الرز والمايه ويكون الفرق بين المايه والرز عقله يعنى لما تجطى المايه على الرز تحطى صبعك وقيسى عقله وبعدين الملح وقلبى ولما يغلى وطى عليه لحد ميستوى
يا ريت اكون افدتك

[shahed60]

اختي nicemell
ممكن يكون السبب بالماء لازم يكون حار يغني غليان
او ممكن النار لان الرز لازم يستوي على نار هادئة بس نسيت قلك انو ما لازم تغطيه لحتى تنقص الماء لمستوى الارز
والله يعينك ويساعدك

[Nicesmell]

شكرا على مشاركتكن عزيزاتي
و أنا آسفة على تأخري بالرد و لكني كنت في إجازة

و ان شاء الله رح استفيد من نصائحكن

[ام فروسي]

ا nicemell مشكورة استفدت من سؤالك والردود عليه لاني عندي نفس المشكلة