تفضلوا أكلة فلسطينية شنتسل

[أوزة]

اعملوه و ادعوا لي مش راح تندموا
ا كيلو لحم صدر الحبش مقطع ستكات
2 درس ثوم
2 بصلة متوسطو الحجم
ملح حسب الرغبة
فلفل اسمر حسب الرغبة
عصير 2 ليمونة متوسطة الحجم
ملعقة صغيرة حب هان مطحون
نصف كوب شاي صغير مملوء خل تفاح
صحن متوسط الحجم مملوء بسكوت قسماط مطحون ناعم
2 بيضة مخفوق في صحن
زيت ذرة للقلي
طريقة التحضير
تضعين كل المقادير اللي بلون الاحمر في الخلاط و بتنعميهم على الاخر
بتنقعي استكات اللحم في الخليط لمدة ساعتين
بعدين بتوضعي في المقلي كمية زيت متوسطة خلي الزيت يحمي كويس
في هذهالاسثناء بطلعي استكات اللحمة و بتوضعيها في مصفاة
و بتبدئي تأخذي القطعة بتبلليها بالبيض و بتبليها بالقسماط الناعم بيكون مثل الدقيق
و بتوضعيها في المقلي و هكذا كل الكمية بتقليها بالزيت و بعدين بتصفيها من الزيت و بترسيها بطبق و بتزينها بالبقدونس و دوائر الليمون
و بتعملي معها سلطات و رز أبيض
و صحتين و عافية إن شاء الله

[وعود الخير]

اخت اوزة
هل انت متأكدة انها فلسطينية وليست.....
انت عارفة قصدي...

على كل تسلم الايادي..

[akandeeel]

اكلة جميلة جداااااااااااااااااااااااااااااااااااااااااااااااا اااااااااااااااااااااااااااااااااااااااا

[أوزة]

و الله ياأختي مشهورة جدااااااااااااااا في فلسطين هي ستكات لكن خاني التعبير لان بنسميها و خلص متعارف عليها شنتسل
و على فكرة أنا فاهمة قصدك
بس هم ما بيسوها بهذا الطريقة و على فكرة هي معروفة بهذا الاسم في كثير من مطاعم الدول العربية

[JENAN 80]

تسلم ايدك كتيير كنا نعملها وجنبهاسلطه وحمص وبطاطا
مممممم لذيذه
تسلم ايدك

[ام مودي]

تسلم ايديكي يا اوزة و يعطيكي العافية.

[هنلي]

اعتقد انه شنستل مصطلح لليهود بيسموه للستيكات والاسكالوبات يعي هذا زي الاسكالوب او الستيك صح كلامي

[وعود الخير]

والله يا هنلي قلنا هيك قالوا اطلعوا من البلد
لازم نكتبها بصريح العبارة..
ونستخدم مصطلحاتهم في المنتدى
وين سيما تشوف شغلها والا ام مودي..

ام مودي.. ازيك ياجميل اظهر وبان عليك الامان..

[أوزة]

أعملونا قصة عاد هي بس اجت على الاكلة بس
الا غلب بيعمل اكلات امريكيا انجليزية و باستخدمو المنتجات كلها مستورد امريكي
خلصنا عاد وإذا الاسلام بيحلل اكل اليهود و لا هذا ما بتعرفوه
ولفظ هو دارج عندنا لكن هي أكلة فلسطينية مشهورة بس كثير عندنا مصلحات عبرية وهذا من سلبيات الثورة زي ما أهل الجزائر بيتكلموا أكثرهم الفرنسية سلاممممممممممممممممممممممممم

[وَطَن]

له يا اوزة ليه الزعل مش كدة ، بس فعلا قد ما نقدر مش لازم نروج لهم مصطلحاتهم .. يعنى المنتدى هنا فيه من كل العالم صبايا،، واحنا الفلسطينيات بالذات لازم نكون على قدر أكبر من المسئولية تجاه وضعنا طبعا مش فوق طاقتنا بس باللى نئدر عليه.. مهما كان قليل ، طبعا ما بدى تفهمينى غلط ، ولا بدى إياكى تعصبى وتقولى كبرتوها وهى صغيرة لكن ، أهو أضعف الإيمان بنعمل على الأقل ، وما دامت الكلمة ليها بديل و بديل أسهل ومتعارف عليه كمان ليه ما نستخدمه يا اختى..

[وعود الخير]

صح لسانك يا جبل النور
وربي يبارك فيك
والاخت اوزة المفروض يكون صدرها ارحب من هيك
اذا كنا كفلسطينين بنروج لمنتجاتهم ليش نلوم غيرنا..

وبعدين ما شفت ولا اخت في المنتدى كلامها فيه عبري او مصطلحات عبريه قبلك .. فليش العصبية

[بسملة2006]

السلام عليكم ورحمة الله وبركاته روقو يا بنات الله يلعن الشيطان

انا كنت جايه ارد على الموضوع لان زوجي كان يشتغل في مطعم عند اليهود و كل الطبخات يحكيها في العبري
و مع انه كان يحكي هاي الكلمة كتير بس ما كنت اعرف انها هاي الطبخة

و انا لاحظ هذا الشئ عند اهل زوجي كتير يحكو بالعبري لان كل شغلهم مع اليهود
لا حول ولا قوة الا بالله


وعود ايش هالتوقيع موتني ضحك
وينك انتي والبنات بطاتو رجيم ؟؟؟؟؟؟؟؟؟؟؟؟

[وعود الخير]

ام عبد الله .. كيفك يا قمر
وكل عام وانت بخير

ومعقول نستغني عن الريجيم ..
قابليني هناك..
والحمد لله ان التوقيع رسم البسمة على شفايف الحلوة ام عبد الله...

ام عبد الله نحن نعذر العرب الذين يقميون هناك لو دخلت بعض الكلمات العبرية في كلامهم
لكن الاخت من خان يونس كان الاجدر بها ان تكتب اسم الطبخة بالعربي وليس بالعبري ومن ثم عصبت علينا بدون داعي

[ام مودي]

طولوا بالكم يا جماعة اكيد الاخت ما كان قصدها شيء انا اكيدة...بس عشان ما حد ياخد موقف و ارضاء للجميع..ممكن نغير العنوان و اسم الطبخة...بعد اذن اوزة..و يا ريت تعطيني اسم اخر لاضعه..اذا ما كان عندك مانه..
و هدوا الوضع يا جماعة.
سلامي للجميع

[وَطَن]

أم مودى ما فيه شئ والله وانا كمان متأكدة جداً إنه مش قصدها..
بتعرفى إحنا عنا كتير كلام دارج بين الناس متل هيك.. وبيطلع منهم بشكل عفوى جداً وما بيقصدوا فيه شئ أبداً..
وما حصل إلا كل خير..
بعيدن وين رحتى يا وزوز تعالى عندى استفسارات
وسؤالات عن الأكلة،