ارجوكم يا جماعه حد يرد عليا لو سمحتم

[دنيا الاحلام]

السلام عليكم ورحمة الله وبركاته
لوسمحتم انا بعت من قبل ومحدش رد عليا ليه ارجوكم انا عاريزة اعرف الطريقه الصحيحه للكفته العاديه اللى الفرن او بالبيض والبقسماط

[marwa1431]

تامريني يا دنيا الاحلام
الكفته انا بعملها بطريقه سهله جدا
اول شيء اللحم المفروم حطي عليه بصله مفرومه كويس و3او 4 فصوص توم مطحونين وبقدونس مفروم ومعلقتين طحينه وشويه بقسماط ومعلقتين زبده او سمن وتبليها بالبهارات والشطه والملح والفلفل وممكن تضيفي شويه عصير طماطم بس انا لا اضيفها
وبعدين ياستي تعجينها كويس وتصبعيها بحيث تكون فاضيه من النصف يعني صبعيها علي شي طويل ورصيها في صينيه مدهونه زبده وحمريها فوق وتحت في الفرن
وبعدين ودا سر طعم الكفته عندي جيبي قطعه فحم وسخنيها لحد ما تملين واول ما تطلعي الصينيه حطي قطعه الفحم في الصينيه في الفاضي مو على الكفته وغطيها بسرعه طبعا قطعه الفحم مع السمن الي في ارضيه الصينيه هيعمل ريحه ولا كانها ريحه شواء للكفته وخليها لحد ما تقدميها متغطيه
وبالهنا والشفا وامريني يا حبيبتي باي اكله واتمني تكون عجبتك الطريقه

[بنبونة]

تسلم إيدك يا مروة
هذه نفس طريقتى لكن بدون الطحينة و عصير الطماطم
لكنى سوف أجربها إن شاء الله
آه نسيت أقول لك بأضيف إليها قليل من الخل




عزيزتى دنيا الأحلام
بالنسبة للكفتة بالبيض و المقسماط
نفس الكفتة السابقة بدون عصير الطماطم و الطحينة
وتشكليها على شكل بيضاوى ( اصابع و تضغطى عليها بيدك ) ثم تضعيها فى دقيق
ثم بيض و طبعا البيض مضرب مع فلفل أسود ثم تضعيها فى المقسماط
و تقليها فى زيت غزير ساخن حتى تنضج الكفتة ويصبح لونها ذهبى
تصفيها من الزيت وتقدميها على فرشة مقدونس أو مع بطاطس شبس و بالهنا و الشفا

ملحوظه : بالنسبة للزيت بعد ما يسخن جيدا تهدأ النار حتى تنضج الكفتة من الداخل ولا تحترق

[دنيا الاحلام]

شكراااااااااا يا بنبونه

والله متشكرة ليكى ولمروى كتير لانى كنت بدأت اتعقد خالص من الكفته وبصراحه جوزى كمان اتعقد بس ان شاء الله هعملها على طريقتكم دى بس فعلا زى يا قولتى يا بنبونه عصير الطماطم غلط لانها كدة مش هتصبع هتبقى سايله
وشكرااااااااااا

[لوبي]

مشكوووووووووووووووووريييييييييييييييييييييين