زغاليل وفته فلسطينيه

**راوزي** · 18-02-2005, 06:40 PM

يسلمو إيديك وعينيك يارب شو الحلاوه هي كل طبق أطيب من الثاني يسلمو إيديك حبيبتي

**احاسيس مرهفة** · 18-02-2005, 07:26 PM

يالله يا جدعة ( بالمصري )

كذا الشغل الحلو

الله يبارك في مجايبك

ولو ان الصور اشوي في الخير صارت مش واضحة

شنو الفراشيح

والرقاق كمان نريد نعرفه

لأن المشكلة الصور مش موضحة للأسف

ياريت تحطي صور لهم .

الله يجزاك الجنة

**رندوش** · 18-02-2005, 08:07 PM

راوزي شكرا على الكلام الحلو ان شاء الله أكون علمتك شي
احاسيس شو أعملك الكميرا مش حديثه فالفلاش مش شغال
يعني الاضاءه من الغرفه حسب اللاضاءه
أما الفراشيح بنزل صورتها غدا ان شاء الله
هي معموله من الطحين والماء وقليل من الملح
و بتكون العجينه مرقه شوي زي الافلام المصري على الفرن الحطب
عرفتيه ممكن الرقاق بيكون جامد شوي بس الفراشيح ألذ طعمها لانها

على حطب ويم بيمم

**وعود الخير** · 19-02-2005, 12:07 PM

فتة
وزغاليل .. اشكرك يا رب

رندوش جاي لعندك مشي ..
استعدي..

**هنلي** · 19-02-2005, 06:30 PM

لسه الاسبوع الماضي عامله زغاليل ولو يشوفهن زوجي بيصدرني للمطبخ اصله تخصص زغاليل
وعلى فكره كل اصاحبه هيك في اله صديق دايما عنده ضغط -- على فكره الزغاليل بترفع الضغط كثير -- فهذا صديقه
مره نقلوه على المستشفى ليش لانه اكل 4 زغاليل مره وحده

على فكره سلم هالديات انا بسويها نفس الطريقه بس برز بدل فريك
واحكيلك طريقه اسهل بدل ما تقلي وتطبخي وتحمري
بعد ما تحشي الزغاليل بهريهن وحطيهن في اكياس الشوي زي الجاج المحشي وضعيهن في الفرن طبعا حمام مائي
بيقعدن من ساعتين ونص الى 3 ساعات بس انا طول معي لانه فرن كهربا اما لو فرن غاز يمكن اقل
بس بيضلن حادقين وزاكين

**وعود الخير** · 20-02-2005, 07:55 AM

رندوش إضافة بسيطة
لما تحمري الزغاليل ادهنيها بزيت زيتون مع فلفل أحمر بابريكا
وشوفي اللون كيف بيكون.. للمعدة رأسا قبل المرور علىالفم ..

**Em zaid** · 20-02-2005, 08:28 AM

يا عيني يسلم اديك
شو هل عدالة
بس انا بتعرفي ايش بحب العصافير مو الزغاليل

**وعود الخير** · 20-02-2005, 10:11 AM

أم زيد ..
بدي عصافير..
مرة قلت لجوزي بدي عصافير...
قال لي انزلي صيدي ... وبعدها بيومين جايب لي عصفورين
وين يروحوا .. انا بدي كمشة .. شي عشرين تلاتين عصفور.

**Em zaid** · 20-02-2005, 11:02 AM

وعود انا الي بدي عصافير

كان الوالد الله يرحمه بالشتا ينزل اصيد عصافير خبرك بالبرد متجمع على الشجر
يصيد 30 او 25 عصفور نحوسه بالزيت وناكله هو وعضمه ما نرحمه يا حرام
قمت جيت هون وممنوع الصيد واشتهيتهم نسيت اجيب معي فخ اصيد

شدي حيلك انزلي صيدي وابعتيلي

**وعود الخير** · 20-02-2005, 01:03 PM

شفته .. لحقته ..
قلت له تعال ام زيد بدها أياك
هرب .. ركضت وراها وصدته

وبعدين خفت عليك لأنه ممنوع الصيد عندكم .. ذبحته.. نتفته...
وجهزته .. عصافير مقلية بزيت الزيتون لعيون ام زيد..

**Em zaid** · 20-02-2005, 01:10 PM

يسلموا امممممممممممم شو طيب
بس لانك اتغلبتي في صيده الك نصه والي نصه
يلا عصافير على الريحة

**طيـــف** · 20-02-2005, 05:40 PM

رندوش

يا شطوونه

زغاليل وزنجبيل ومبعرف ايش وايش كمان

يسلمو ايديكِ الحلوين جد الصورر شئ رئئئئئئئئئئئيي عليهم

**هنلي** · 20-02-2005, 06:58 PM

يلا يا ام زيد ووعود معزومين عند قرابينا هدول تخصص عصافير مره ابنهم بيقول لزوجي اتفضل اتغدى عنا بس زوجي رفض
بيقول لي قال امهم عامله 50 عصفور والله لو يشوفوهم جمعيه حقوق العصافير
على فكره مش عارف ليش بتعقد لما اشوف عصفور مطبوخ مع اني بحب الزغاليل والجاج بس العصافير بحسهم مساكين ههههه

**رندوش** · 21-02-2005, 08:21 AM

هنلي تسلم الديات على الافكار
على فكره انا هيك بعمل لما يكون ما بدي مرقة الزغليل و يكون عامله جاج
مع الزغاليل وشو طعمهم طيب بالكياس و بضيف بطاطا وجزر وبيكون طعمهم مممممممممم

لا تسأليني عليهم يومها بنام طول اليوم ههههههههه
أم زيد الله يخليك وانا ما بحب العصافير يمكن لاني مربياهم في البيت بحزن عليهم
و كما ما بقدر آكل الارانب لاني بحسهم مثل القطط

وعود انا قبل الشوي بضيف زبده او سمنه بالفرشايه عليها ابهارات
و عصير ليمون وبيكون طعمهم طيب كثير
لازم أقليهم حتى المرقه تكون دسمه و ثقيله
طيف شو عايزه اعملك كرش بس انا ما بحبها بالامس اختي كانت
عامله كرش ورجلين و مصارين يييييييييييييي
ما قدرت اقرب على بيتها ريحة الشياط من البلد للرمال واصل

و عامله جنبهم فتة الخبز وكل العيله راحت بس انا ما رحت احترمت نفسي
شو رايك ابعتلك منهم كرشه بالطياره

زغاليل وفته فلسطينيه

زغاليل وفته فلسطينيه

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق