مين بيعرف طريقة ارز القدرة

[براءاحمد]

السلام عليكم ورحمة الله وبركاته

معلش انا طلباتي كتيرة

بس اعذروني لانى راسبة بالمطبخ

فاذا اي حا بيعرف طريقة ارز القدرة يا ريت يقولها

وانا متاكد انكم ما توفرون جهدكم في هذا المنتدى الطيب

[سنووايت]

بسم الله الرحمن الرحيم
يا هلا فيكي اختي براء احمد
راح دور اذا بلاقي الطريقة
بس بالاول يلا بينا لركن الاطباق الرتيسة

[سنووايت]

http://www.lakii.com/vb/showthread.p...E1%DE%CF%D1%C9

http://www.lakii.com/vb/showthread.php?t=86886&highlight=%C7%E1%DE%CF%D1%C9

http://www.lakii.com/vb/showthread.php?t=77959&highlight=%C7%E1%DE%CF%D1%C9

http://www.lakii.com/vb/showthread.php?t=18373&highlight=%C7%E1%DE%CF%D1%C9

اختي براء هذها الذي وجده اتمنى انو تلاقي طلبك فيهم
واي سؤال تاني انا بالخدمة
تحياتي الك سنووايت

[(راما)]

حبيبتي ما في اسهل منه،،
خدي عندك الطريقة لانه رز القدرة طبخة مدنية خاصة بالمدن
المقادير
راس توم مفصفص
بصل شرحان
حمص منقوع
رز
لحم او دجاج مطبوخين بالمرق
بهارات + فلفل اسود + كركم
زيت ذرة
سمن

الطريقة
نحمر البصل الشرايح في الزيت و نضيف معه الثوم و الحمص بالترتيب.
بعدين بنحط الكركم و البهار و الفلفل الاسود و الملح و بنقلب
لما يستوي الخليط بنضيف الرز و بنقلب مرتين و بنحط ماء الشوربة و نقلبه مرتين و نتركه لما يستوي
و لما يخلص سواه بنحط معلقة او معلقتين سمنة و نخلطهم مع الرز و هو مستوي و يقدم

و صحة و هنا على قلبك و اي سؤال انا حاضرة

[وعود الخير]

وهاي طريقتي في عمل القدرة وعلى فكرة اصلية ومن الخليل...
4 كاسات ارز ويفضل من الحبه الطويله
1كيلو لحم خروف (وممكن استعمال اللحم البقري بس بنضيف معاه شوية لية للدسم)
بهارات القدرة
حمص مسلوق
سمنه او زيت اللي تحبي تستعمليه (أنا باستعمل الزبدة)
بصل
كركم
توم

الطريقه
بتقلبي اللحم على نار هادئه مع البصل ثم تقومي باضافة
الماء بتتركيه على نار هادئة حتى ينضج
في هذا الوقت بتكوني نقعت الارز في ماء دافي 15 دقيقه
في طنجرة ثانية بتقومي بفرم البصل ناعم وبتقليه على نار هادية مع البهارات وبعدين بتضيفي الثوم بقشره بس بتكوني ناقعاه بشوية مية لفترة بسيطة علشان ما تنحرق القشرة ثم بتضيفي الرز وتقلبي شوية حتى يتشرب الرز النكهة من البهارات والملح ...
وبعدين بتضيفي الحمص المسلوق... وبتقلبي كويس...
وبعدين بنضيف اللحمة المسلوقة وبنضيف كمية من المرق تكون مناسبة يعني بارتفاع سم تقريبا ونضع ورق القصدير وتكي نكتم البخار ونتركها تغلي غلوة واحدة ثم نضعها في فرن حام ونخفض درجة النار لأقل ما يمكن.... ونتركه لمدة تقريبا من ثلث ساعة لنصف ساعة... وبعدها نكشف الوجه كي تتحمر اللحمة..
ثم تغطي وتترك مغطاه حتى وقت التقديم وتقدم مع اللبن الزبادي او السلطة وصحتين وأي استفسار أنا في الخدمة...

وممكن عملها على نار البوتوجاز لكن في هذه الحاله نقوم بوضع فوطة مبللة لكتم البخار.. وتترك على نار هادئة جدا وتحتها قطعة حديدية

[(راما)]

للتوضيح:
البهارات هي: حب الهيل، كركم او زعفران، قرفة ، فلفل أسود، بهار حلو، ورق غار، قرنفل (مسمار)، كزبرة ناشفة
ربع ملعقة من كل نوع تخلط وتطحن ثم تقلى مع البصل

[احاسيس مرهفة]

تسلم ايدكم جميعاً

طبق رائع جداً

دعاء

تعملي اللحمة زي ما تعملها وعود والا غير

[براءاحمد]

شكرا لكم جميعا

السلام عليكم ورحمة الله وبركاته

شكرا لكم جميعا...............صراحة ما تقصروا ابدا

[(راما)]

لا حسوسة انا بعملها بالفراخ المسلوقة ،،
لا انا و لا زوجي بنحب اللحمة....