مفاجأة ..خياااااااااااار محشي بجنن ولذيذ وسهل .. جربوه وشوفوا

**(راما)** · 15-02-2005, 02:13 PM

انا بصراحة بسمع كتير عن محشي الخيار بس ما عندي الجراة اني اجربه حاسه طعمه رح يكون دلع شوي
بس سلم ايديك و يمكن لما اعمل الكوسا احط معها خيارة اجربها و اشوف كيف

**وعود الخير** · 16-02-2005, 02:37 PM

تسلمي يا بنت نابلس
انا بحب الخيار المحشي بس اهل البيت ما بيطيقوه
علشان هيك انا قاعدة باستنى صحن..

دعاء طيب جربي كم خيارة وابقي اتصلي علشان آكل.

**سنووايت** · 16-02-2005, 05:22 PM

صراحة وانا كمان سامعة عنو لانو جارتي بتسويه
بس ما لا مرة حاولت جربتو
متل الاخت دعاء فلسطين بحس راح يطلع طعمو دلع
تسلم ايديك ي ارب اختي الف شكر لك على هذه الوصفة
بس لازم انقلو لركن الاطباق الرئيسة
تحياتي الك سنووايت

**moon light 2** · 16-02-2005, 08:48 PM

أختي بنت نابلس مشكوره على الطبق.
ويسلمو ايديكي عليه بصراحه المحاشي بكافة أنواعها زاكيه بس محشي الخيار ما جربته .
ان شاء الله بجربه وبغامر بس بخيارررررررررررره .

**احاسيس مرهفة** · 17-02-2005, 02:12 AM

تسلمي ياحياتي

خيار ومحشي

احنا في السلطة ومش دايماً احطه

هالمرة محشي !!!

مش غريبة شوي ؟

تسلم ايدك حبيبتي

**وعود الخير** · 17-02-2005, 08:07 AM

بنت نابس .
انت جربتي تعملي الخيار المحشي مع الليمون والا دائما مع اللبن.

**بنت نابلس** · 17-02-2005, 09:53 AM

شكراً على ردودكم حبيباتي .. والله صدقوني كتير طيبة هالأكلة بس لازم بعد ما تطبخي الخيار تقلية وتكون ملحته مزبوطة علشان يطلع طيب لإنو لو أكلتيه أول مرة دالع يعني ملح خفيف بعمرك ماراح تحبيه ... ولازم مقلي عشان طعمه بيكون ألذ .. وانشالله هاليومين بطبخها وبصورلكم إياها وبتشوفوا شكله كيف بيكون ......
أختي وعود الخير ...... أنا بعمله بدون ليمون وبدون لبن ....... بس على ميته اللي بطبخه فيها وبعدين بصفيها عشان أقليه بالزيت .,..........

تفضلوا يا جماعة إنتو كلكم معزومين عالغدا عندي على خيار محشي بس ... وماراح أعمل أكله تانية غيرو علشان اتكونوا جوعانين عالآخر وتضطروا تاكلوا منه ههههههههههههههههههههههههههههههههههههههههههههههه
غصب الأكل عنا ........

ترى عنا محاشي غريبة كمان زي اللفت والبطاطا والفقوس والبصل والبندورة وفلفل حلو (بس الفقوس واللفت أطيب شي )بصراحة ..............
وأي وصفة أنا حااااااااااااااااااضرة وعيوني إلكم .........

سبحان الله وبحمده .......... سبحان الله العظيم

**وعود الخير** · 17-02-2005, 10:02 AM

بتعرفي انا باقلي الخيار اول وبعدين باطبخه وبالأخر باضيف عصير الليمون
وبعدين .. وين محشي الجزر مع التمر الهندي او الليمون.. ليش نسيتيه...
واللفت بتعمليه مع طحينية والا لبن...

**(راما)** · 17-02-2005, 10:24 AM

أنا شايفة الامور تطورت لمحاشي غريبة

لم اسمع بهالمحاشي من قبل يا ريت تشرحوا النا الطرق المفصلة

**هالة البدر** · 17-02-2005, 12:36 PM

سلام .... ،،

أنا شايفه الأكل تطور وصار نابولسي قح، على فكرة أنا بحب الخيار المحشي كثير وبحبه مع اللبن، لكن لأني متزوجة مش فايضة أسويه وزوجي ما بحبه والله يخلي الماما بكاله عندها.

**بنت نابلس** · 17-02-2005, 02:49 PM

كيفكم يا حلوات ترى الخيار بيعمل ضجة كبيرة لإنو بصراحة غليان هاليومين كتير وزي ما بحكي زوجي مرة عزمت أهلي وكانوا كلهم موجودين عندي أختي معزومين عندها عالغدا وحكيتلهم إنهم معزومين عندي على خيار محشي لإني بصراحة كنت عارفة إنو غالي وبدي أعرف ردة فعلهم آموا حكوا طيب راح جوزي حكالي لأ يا عمي إعزميهم على جاج محشي وبشرط كل واحد جاجة محشية وكان عددهم ماشالله 12 وحكالهم راضي بيطلع علي أوفر من خيار محشي ....... راحوا كلهم ضحكو وتاني يوم جاي أخي الكبير وبيحكي لزوجي مفاجأة راح فتح موبايله إلا هو مصورله خياااااااااااااار من الجمعية ولا تشوفوا الضحك وصار عنا الخيار أغلى من الذهب ..... طبعاً هادا خيار مو حايالله ...................

المهم حبيبتي وعود الخير والله بصراحة غلبتيني الجزر ما بعرفه واللفت بعملوا مع طحينه طبعاً ماما حبيبتي بتعمله وبتعزمنا كلنا بس عطحينة أطيب من لبن . الفقوس على لبن والليمون عالخيار أعتقد بطلع طعمه حامض بس ما جربته ........... ما بعرف كيف بكون حامض . بس حجربه انشالله .

دعاء فلسطين يعني من اسمك بنت فلسطين الغالية وما بتعرفي هالمحاشي اللي متميزين فيها إحنا ؟؟؟؟؟؟؟؟

عنجد

............. بس على كل حال إذا بدك أي شي من عيوني بطبخلك وببعتلك إياها بالبريد المستجل مكان ماإنت موجودة بس ............................ ولا يهمك .

وصحتين عافيه على قلوبكم ....

**وَطَن** · 22-02-2005, 01:42 PM

مرحبا يا جماعة المحشى......... قصدى يا جماعة الخير
ستى كانت بتحب محشى الخيار ودايما بتعمله، إذا حدا عاوز طريقة محشى الجزر الأحمر أنا بعرفه لأنى أعتقد إنه مشهور فى غزة ولا أنا غلطانة.
تحياتى للجميع

**ليالي زحلة** · 28-06-2006, 11:24 AM

والله يا بنات انا لبنانية بس عايشة بمصر
اسمعهم يعملون محاشي كتير
(محشي بصل -محشي خبار-محشي بندورة(الطماطم)-محشي جزر-محشي المقتي(اتة-فقوس)ويلفو ورق الخس مثل ورق العنب-باضافة طبعا للمحاشي المعروفة مثل البذنجان الكوسة ورق العنب الفليفلة

**عذبة لحساس** · 28-06-2006, 02:53 PM

هلا عيوني
بصراحة اول مرة اسمع عن محشي الخيار
بس كل جديد مفيد
تسلمي ياقلبي وان شاء الله على التجربة تسلم يدج الغالية

مفاجأة ..خياااااااااااار محشي بجنن ولذيذ وسهل .. جربوه وشوفوا

مفاجأة ..خياااااااااااار محشي بجنن ولذيذ وسهل .. جربوه وشوفوا

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق