لمستخدمي خدمة الـ DSL في السعودية

[سندريللا الرياض]

السلام عليكم ورحمة الله وبركاته

كيفكم جميعاً ؟؟ ان شاء الله طيبين

سؤالي للاخوات والاخوة مستخدمي خدمة الـ DSL ....

هل هذه الخدمة افضل من الاشتراك العادي ؟؟ واذا كانت الاجابة نعم

اتمنى تخبروني شوية تفاصيل عنها يعني مثلا وش مميزاتها وكيف اقدر احصل عليها

واي معلومة تعرفونها قولوها ..

والله يجزاكم خير

[ProFessionaL z]

والله انا من المستخدمين لها على شركة نسمة ADSL 256


طبعا خدمه رهيبه وارخص من الاتصال العادي بكثير



اولا

في البدايه هل الحي او المقسم الي انتي عليه يدعم خدمة الدي اس ال


ثاني شي لو الاجابه نعم


تخلين احد من اقاربك يروح لشركة الانترنت مثل نسمة او غيرها وانا انصح بنسمه

يروح ياخذ استمارة ويعبيها عندهم + اخر فاتورة لتلفون


يقدمها طبعا خلال اسبوع يركبونه لكم

الادوات

مودوم دي اس ال في المودوم لجهاز واحد او جهازين 600 ريال الكاتيال سبيد تاتش


طبعا رسوم التركيب على الفاتورة راح تجيك 300 ريال لمره وحده على الفاتورة


الاشتراك الشهري حسب السرعه


من 130 الى 350 ريال

64

128

256

هذي السرعات

بعدين فاتورة التلفون تصير كل شهرين تجيكي

240 ريال سعودي


+ اشتراك شهرين احسبيها يعني حوالي 600 ريال كل شهرين انشاء الله تنامي على الجهاز والنت شغال هي هي ما تتغير

مو مثل الاشتراك العادي الساعه 2 ريالين والاشتراك الشهر المفتوح 90 ريال


واخر الشهر فاتورة 3000 ريال


يعني مصيبه

فركبي دي اس ال افضلك

[سندريللا الرياض]

ProFessional z مشكور اخوي وماقصرت ..

لكن ياليت توضح لي وش استفيد انا من تركيب المودم على جهاز او جهازين ؟؟

ومودم الـ DSL شركة الانترنت تجيبه والا انا ؟؟

[ProFessionaL z]

ProFessional z مشكور اخوي وماقصرت ..

لكن ياليت توضح لي وش استفيد انا من تركيب المودم على جهاز او جهازين ؟؟

ومودم الـ DSL شركة الانترنت تجيبه والا انا ؟؟

يعني لو شخص يبي يشتغل على النت في نفس الوقت الي انتي تشتغلين فيه



والمودوم في شركات هم يعطونك ياه مجاني وفي شركات لا انتي تشترينه من عندهم

وسلامتك

[البيلسان]

أنا من مستخدميها لاكن ماأعرف عنها شي غير إنها رخيصة.

[غريب الهمس]

السلام عليكم . .
كل عام وأنتم بخير جميعا . .
حبيت أضيف أختي سنديريللا على كلام الأخوان والأخوات , أن التليفون ما ينشغل معاكي , يعني تستخدمين الأنترنت والتليفون بنفس الوقت , بس قبل التليفون يركبون لك فلتر , عشان ما تتشوش المكالمات . .
وأنا أنصحك فيه أذا أنتي من النوع اللي تستخدمين الأنترنت ساعات طويله , بيكون أوفر كثير من الأتصال العادي . .

[سندريللا الرياض]

مشكورين جميعا على ردودكم وتوضيحاتكم ،، يعطيكم الف عافيه

[فيافي]

جزاكم الله خير ..
حقيقة استفدت من السؤال ..
بارك الله فيكم ..

[فيافي]

أخواني مارأيكم ماهي افضل شركة ؟

[غريب الهمس]

أختي فيافي . .
سمعت أن سعودي نت خفضت أسعارها . .
وكذلك سمعت أن سعودي نت هي اللي تزود الشركات كلها بخطوط الـ DSL . .
بس ماني متأكد . .
استخدم أنا ADSL 256 من شركة ديجي نت . .
ممتاز وسريع , ومرتاح معاه . .

[فيافي]

غريب الهمس ..
جزاك الله خير ..
شاكرة لك سرعة الرد ..
دمت بألف خير ..