فقد ملف في ويندوز رجاء مساعدة .. windows root /system32/hal.dll

[سحر الحلال]

السلام عليكم ورحمة الله وبركاته
اخواني شغلت كمبيوتر فجأة فوجدته اعطاني هذه الرسالة ..

windows root /system32/hal.dll
windows could not start because the following file is missing or corrupt:

plz re-install a copy of the above file

علما بأن القرص الموجود قرص c فقط يعني هارد بارتشن واحد اللي هو c

اتمنى تساعدوني

[unprofessional]

وعليكم السلام ورحمة الله وبركاته

عندك سي دي ويندوز متوافق مع نظامك ؟ يعني سي دي اكس بي إذا نظامك اكس بي أو سي دي فيستا أو ويندوز 7 لو كان نظامك مثله ..

جيبي السي دي وبعطيك الطريقة لتشغيل ويندوز ..

دمتي بكل خير .......

[سحر الحلال]

ايوة عندي الحمدلله

[unprofessional]

طيب اختي حطي لاسي دي في محرك الاقراص ثم شغلي الجهاز وخليه يقلع من السي دي .. ثم انتظري لين يقراء بيانات النظام وتظهر لك قائمة السي دي ثم بتظهر لك شاشة زرقاء فيها خيار بداية تنصيب ويندوز من جديد .. وتلاقين خيار في الوسط يبتدي بحرف R وهو خيار الاصلاح ... اضغطي على حرف R من لوحة المفاتيح .. وانتظري لين يفتح لك صفحة سوداء بيطلب منك تحديد القسم اللي مثبت عليه ويندوز ثم يعطيك اليوزر نيم والباسوورد لو موجوده ..
بعدها بيوقف على السطر التالي : C:\Windows

اكتبي الامر هذا مباشرة :
expand D:\i386\hal.dl_ C:\windows\system32\hal.dll

لاحظي ان الحرف \:D هو حرف محرك الاقراص المضغوطة ( CD ROM )

بعدها انتظري شوي لين ينتهي من نسخ الملف ثم اكتبي الامر Exit للخروج واعادة التشغيل ..

وجربي وان شاء الله بيشتغل جهازك ..

موفقه اختي ...

[سحر الحلال]

والله جربت ذي الطريقة بس مانفعت معايا
والحين عملت فورمات ((

[unprofessional]

هلا فيك اختي ..

الطريقة هذي تنفع 100% ان شاء الله وبدون اي مشاكل ..
لكن اتوقع ماطبقتيها بالشكل المطلوب أو يمكن ما أخترتي حرف محرك الاقراص المطلوب فعلاً ..

لكن مب مشكلة ان شاء الله ماترجع لك هالمشكلة مره ثانية

دمتي بكل خير ......