الدرس الثانى (الجزأ الثانى) من تعليم تصميم المواقع بالفرونت بيج

[Eng.E.M.K]

فيتو
فيتو
فيتو






اشمعنى فوت فوت يعنى تاخد 9 والصور ما ظهرتش عندها
زيى وانا اخد 7 ؟

ولا عشان هى فوت فوت وانا جمانه يعنى

ايه دا
ايه دا

فيتو
انا فى مدرستى فى حاجه اسمها فيتو

ايه التمرد دا

انا عودتكم على كدا

طيب الدرجات اتعدلت من 7/10 الى 4/10

وبعدين فوت فوت عندها صورتين او 3 اللى مش ظاهرين مش كلهم
وانا كنت بعطى اللى صورهم مش ظاهره 8/10
يبقى اساوى اللى عندها صور بتظهر باللى ماعندهم

لكن غلطه حضرتك غلطه بشعه لان مفيش عذر اتعلمتى الحاجه دى قبل كدا
وفوت فوت طبقت اللى اتعلمته

[Eng.E.M.K]

وبعدين ازاى تخلى البرنامج يجيبلك صوره من مكان تانى
وفى الاخر تغيرى مكان الصوره وتحطيها جنب الصفحه
هو هيعرف منين
البرنامج والكمبيوتر بشكل عام حمار
لو عمل زى ماحضرتك بتقولى كدا وعرف مكان الصوره يبقى
احنا اصبحنا بلا عقول


طيب افهم من كده يا باشمهندسه
انى الاول اضع الصور بجوار الصفحه التى صاصمها يعنى فى ملف وحدها بجواره
ثم ابداء اقول له هات الصوره كذا والصوره كذا

صح؟

طبعا لازم الاول تحطيها فى المكان الصحيح
لاانه بالبديهى هو هيجيب من نفس المكان

[Eng.E.M.K]

طب هي فوت فوت نقصت علشان ال3 صور اللي ماظهروش ولا علشان الموقع مش منظم شوية؟؟
اذا كان علشان التانية معلش لأني عملته يوم الأربعا يمكن في ساعتين فقط بعد ماكنت على وشك اليأس والإنسحاب لأني ماكنتش عارفة أعمل حاجة ولما عرفت حبيت أخلصه وأرفعه بسرعة قبل مايدخل عليا الخميس والجمعة لأنهم أجازة جوزي والأولاد فكان مستحيل أعمله فللأسف ماقدرتش أرتب أفكاري ولاأنظمه
واذا كان للسبب الأول فبرضه راضية انا بس حابة أعرف

لا نقصتى علشان 3 صور
بس انا مش فاهمه ايه الحكايه

[ananas]

لو سمحت يا مس انجى انا لى رد صفحة 18
يا ريت تردى عليه

[Eng.E.M.K]

اولا انا بعتذر جدا عن تأخرى فى تقديم الواجب بس النت عندى عطلان وبشتغل على اليو اس بى بتاعة جوزى اللى بيستخمها عشا يخلص شغله فطبعا صعب انه يسيبها لى غير كده انها بطئية
فمعلش سماح النوبة ديه وده رابط التطبيق
تطبيق_الفرونت_بيج.htm - 34.0 Kb

ولا يهمك ياقمر
التصميم كويس
بس فى شويه ملاحظات
1- لون خط الكتابه فاتح مع خلفيه فاتحه يبقى غير متناسق ومتعب للعين
2- حضرتك استخدمتى زرار submit و send ليه
وتحتهم صوره مش ظاهره

النتيجه 8/10

[Eng.E.M.K]

محاولة أخرى بعد محاولة إصلاح مسار الصور الغير الظاهرة

ظهرت أخيرا
بس سؤال ياباشمهندسة: اللي يخلي المسار يتكتب غلط واحنا بس بنحط الصورة مش بنكتب حاجة؟

شوفى اى غلطه فى عالم التصميم والبرمجه بتكون اكيد مش من الجهاز
لان الجهاز بينفذ اللى بيكتبه البيه المصمم او البيه المبرمج
يبقى اى غلطه بتحصل هى اكيد نتيجه خطأ معين فى كتابه الكود
يبقى نراجع تانى خطواتنا

[Eng.E.M.K]

الحمد لله أنك بخير و الحمد لله على السلامة طهور إن شاء الله
أنا حاطة الصور و هي بتظهر عندي
لا أدري ما هو السبب
بارك الله فيك

لان الصور ظاهره عند حضرتك ومش عندى
لان الصور مش موجوده عندى
لازم علشان تظهر عندى انها تكون عندى بالفعل
على العموم معلش كل دا هنتداركه فى التطبيق العملى
بس ذاكروا الان الاكواد للدروس السابقه

[Eng.E.M.K]

انا مش عارفة بصراحة اعمل تطبيق الاول ولا استنى لما اذاكر كل دروس الدورة الاولى الاول

بس بفضل اذاكر احسن علشان ابقى فاهمة انا بعمل ايه

ايه رايك يا ميس ؟

وبالنسبة لنسيانك دي حاجة طبيعية بالنسبة للمجهود الي بتعمليه

ربنا يعينك ويوفقك

لا المفروض يتعمل التطبيق دا لان اخر موعد له اليوم
وبعدها تذاكرى اللى فات

وربنا يعين انا فعلا عمر ذاكرتى ماكانت كدا

[Eng.E.M.K]

هذا تطبيقي ان شاء الله يكون صحيح
طبعاً الكلام منقول <<< فاشلة في التعبير
بسـم الله

ولا يهمك انقلى انا سمحت بالنقل

بس هتعبك ترفعى التطبيق على العرب شير
علشان طلعتلى الرساله دى
Notice: Undefined index: filename in /storage/domains/up4.m5zn.com/start_download.php on line 5

[votvot]

لا نقصتى علشان 3 صور
بس انا مش فاهمه ايه الحكايه

مفيش حاجة بس معلش استحمليني أصل ده طبع فيا طول عمري أدور على الدرجة وأموت لو نقصتها

بس بجد عندي اقتراح ليكي: ليه بعد ماتخلصي المنحة بامتياز انشاء الله ليه ماتكمليش دراسات عليا بجد انتي هايلة في التدريس ومكانك في الجامعة بس طبعا مش حتسيبينا برضه

مش كده؟

[Eng.E.M.K]

مفيش حاجة بس معلش استحمليني أصل ده طبع فيا طول عمري أدور على الدرجة وأموت لو نقصتها

بس بجد عندي اقتراح ليكي: ليه بعد ماتخلصي المنحة بامتياز انشاء الله ليه ماتكمليش دراسات عليا بجد انتي هايلة في التدريس ومكانك في الجامعة بس طبعا مش حتسيبينا برضه

مش كده؟

هما اتحايلوا عليا بس انا قولت ابدا
لا يمكن مش من مستوايا

طبعا انا بهزر هما لا تحايلوا ولا حاجه هما عندهم الحكايه باولاد الدكاتره

على فكره كان المفروض ابدأ فى التمهيدى ماجستير
بس انا ماليش فى موضوع تدريس الجامعه دا
والعيال يقعدوا يدعوا عليا علشان الامتحان صعب
ولااظلم حد فى التصحيح
خلينى انا فى المجال اللى بحبه البرمجه
على الاقل بتعامل مع اله تخرب تعطل مش مهم
لكن التدريس بتعامل مع عقول بشر
يبقى لازم اكون قدها بالفعل والا هتبقى امانه وضيعتها

وادينى بجرب فيكم يمكن اغير رايي بعدين

[اسالك الجنه]

السلام عليكم
على فكره اقتراح فوت فوت فى محله
انتى ممتازه فى التدريس وتوصيل المعلومه يمكن انتى مش شايفه كده لكن احنا اللى نحكم
وربنا يوفقك فى اى مجال تختاريه اللهم امين

انا صلحت المسار
اتمنى يعجبك الموقع انا معترفه انه بسيط
لكن حسب ظروفى الحاليه
وشكرا

[Eng.E.M.K]

السلام عليكم
على فكره اقتراح فوت فوت فى محله
انتى ممتازه فى التدريس وتوصيل المعلومه يمكن انتى مش شايفه كده لكن احنا اللى نحكم
وربنا يوفقك فى اى مجال تختاريه اللهم امين

انا صلحت المسار
اتمنى يعجبك الموقع انا معترفه انه بسيط
لكن حسب ظروفى الحاليه
وشكرا

وعليكم السلام
حكمكم على عينى وراسى
بس كتير حضروا دراسات عليا
ومعملوش بها حاجه
شهادات بتتعلق على الحيط

نرجع للتصميم
جميل الصور ظهرت
بس اللى محيرنى ان فى كلمه التفاؤل تحت لما اضغط عليها يطلعلى صوره الكوبايه
دى اعمل بيها ايه

وخلاص يمكن تعديل الدرجات من 4/10 الى 7/10



لالالا متزعليش
خلاص خلهيا 9/10
بس اوعى تستخدمى الفيتو تانى

[اسالك الجنه]

اشكرك بارك الله فيكى

على فكره يا باشمهندسه انا الان براجع القوائم وعندى كام سؤال
حجمعهم واجى اسألك باذن الله

[Eng.E.M.K]

ماشى ياقمر
فى خدمتك