امتحان دوره تعليم الويندوز فى دوره icdl

[زهور مصرية]

السلام عليكم ورحمة الله وبركاته
وحشتينى ياقمر الركن انتى وكل الاخوات
معلش انا جوزى كان ده اسبوع الاجازة بتاعه ولسه مسافر الصبح
وبعدين انا معرفش ان فيه امتحان الاسبوع ده
مش انتى قلتى بعد مانخلص دروس الويندوز وكان فاضل درسين بعد الكنترول بانل
عموما قدر الله وما شاء فعل
انا وضعى ايه فى الامتحان ده؟؟؟
علما بان انا لسه عندى الدرسين التامن والتاسع باذاكرهم
معلش ماكنتش اقدر اتابع وهو موجود انتى عارفة الطلبات بتكون كتييير جدا والزيارات
رجاء عمل لجنة رأفة بس تكون رؤوفة جدا بحالى
بارك الله فيكى ورفع قدرك بكل حرف علمتيه لنا

[Eng.E.M.K]

حبيبتى زهور مصريه
حمدلله على السلامه

والحقى حلى الامتحان
هعطيكى فرصه كمان

يالا بسرعه قبل ما انزل الاجابات
والنتيجه

[Abeer Elyasmee]

السلام عليكم ورحمة الله وبركاته

الحمدلله على سلامتك أنت ياميس أنجي

الله يسامحك كدا تسيبينا أنتي كدا بتعاقبينا احنا على عالعموم

كل عام وأنت بخير ومبارك عليك الشهر وآخر مره تسيبينا

[Eng.E.M.K]

ابدا ابدا لا يمكن اسيبكم
وعندى لكم مفاجأه كبيره هنزلها بعد شويه

[زهور مصرية]

حبيبتى زهور مصريه
حمدلله على السلامه

والحقى حلى الامتحان
هعطيكى فرصه كمان

يالا بسرعه قبل ما انزل الاجابات
والنتيجه

الف حمدالله عالسلامة ياحبيبتى
نورتى بيتك وعيوننا


لا اصبرى عليا شوية
والله ربنا اعلم انا بسبب اللى حاصل ماكانش ينفع اذاكر حاجة
الرحمة ارجوكى

[Eng.E.M.K]

لا كدا دلع
ايه الدلع دا

لا مفيش دلع
يالا شدى حيلك وحلى الاسئله
ونزليها يالا بسرعه

مفيش اعذار

[زهور مصرية]

حاضر يا باشمهندسة

[إبريل حواء]

لولولولولولولولولولولولولولي
نورت وأشرقت كل الأنوار وزينت المكان وبوركت الأجواء بوجودك يا أروع مهندسة مش بس بهالمنتدى لأ بالدنيا كلها
الله أكبر ما أجمل طلاتك وكلماتك ووجودك
الحمد لله على السلامة يا قمر المنتدى ناطريييييييييييينك على أحر من الجمر
ربنا يسعدك مثل ما أسعدتينا
هلا هلا هلا والله

[اسالك الجنه]

مش عارفه اعمل ايه
مبسوطه جدا

ونفسى انزل لك يا باشمهندسه

شكر وترحيب فى كللللللللللللللل

مواضيعك

حمد لله على السلامه

[لينا الجميلة]

السلام عليكم ورحمة الله تعالى وبركاته
كيفك يا ميس انجي انا كنت زعلانة منك كثير كثير لأنك تركتينا ببساطة وبعتينا لكن هلا بطل الزعل
وزي ما قلتي ما كان لله دام وتصل وماكان لغير الله زال و انفصل و تأكدي خروجك إحنا الخسرانين ورجوعك أحنا الكاسبين و هلا إحنا الكاسبانين ومثل ما يقولو إعملو الخير ورموه
بالبحر

أنا يا ميس انجي ما خلصت حل الإمتحان للأنو والله ما في وقت و انا آسفة كثير لكن انا متابعة معاكم
رمضان مبارك عليك وكل عائلتك و يارب يتقبل منا الصيام والقيام

[Eng.E.M.K]

الله يكرمكم يارب
والله مش عارفه اقولكم ايه
بجد انا بحبكم ووالله مااقدر استغنى عن صحبتكم
الله يسعد حياتكم ويهنيكم
ويجمعنى واياكم فى دار النعيم
هناك هنرتاح من متاعب الدنيا
ونتمتع بنعيم الاخره
ونقع كدا ونتجمع على الحب و الطاعه والذكر
كما اجتمعنا كاحباب فى الله ولله فى الدنيا

[زهور مصرية]

ازيك ياباشمهندسة
طمنينا عليكى عملتى ايه فى امتحانك
ربنا يوفقك ان شاء الله
تعالى بسرعة الحقينى انا
ملف الامتحان بتاعى وانا باحل فيه فجأة لقيته صفحة بيضاء
كل اللى عليه طار الاسئلة والاجوبة
بالله عليكى شوفى لى حل احسن حليت فيه حوالى 70 %
حرام يضبع كل ده

[Eng.E.M.K]

ازيك ياباشمهندسة
طمنينا عليكى عملتى ايه فى امتحانك
ربنا يوفقك ان شاء الله
تعالى بسرعة الحقينى انا
ملف الامتحان بتاعى وانا باحل فيه فجأة لقيته صفحة بيضاء
كل اللى عليه طار الاسئلة والاجوبة
بالله عليكى شوفى لى حل احسن حليت فيه حوالى 70 %
حرام يضبع كل ده

ايه اللى حصل بالظبط
اى شئ يحدث على الوورد تضغطى على طول كنترول وحرف z
يرجع عن اللى حصل
وام شئ ان على فترات تحفظى شغلك بالضغط على كنترول s

[زهور مصرية]

قدر الله وماشاء فعل
انا باعيده والله المستعان

[Eng.E.M.K]

معلش انا عارفه مقدار تعبك
على العموم احرصى انك تحفظى كل حاجة تعمليها
بالضغط على كنترول اس
واى شئ يحصل على طول اضغطى كنترول زت