ممكن مساعدتكم ليا في موقعي الشخصي؟؟ بارك الله فيكم

[amatullah_ha]

السلام عليكم و رحمة الله و بركاته
رجاء ...............أرجو منكم مساعداتي جزاكم الله خير الجزاء
لقد قمت بتصميم عنوان موقع لي و أيضاً قمت بتصميم ما أريد عرضه في على جهازي ببرنامج الفرونت بيج
لكن مشكلتي:::

مش عارفه أضيف مكونات الموقع *** (( يعني الموقع موجود و تصميمه على جهازي )) *** بس مش عارفه أدخل التصميم جوا الموقع مش عارفه إزاي أضيف فيه مواضيعي

للعلم:: أنا عملت موقعي على موقع جيران
منتظره ردكم عليا
أختكم ***أمـــــ الله ـــــة***

[The Matrix]

الأخت الفاضلة : amatullah

و عليكم السلام ورحمة الله وبركاته

الأخت الفاضلة أنا علي إستعداد تام للمساعدة شوفي حضرتك عايزة تعملي إية و انا تحت أمرك

[amatullah_ha]

جزاكم الله خيراً على الرد و الإهتمام **((The Matrix))**

متأسفه لو كنت هشغلك معايا !!!

أنا عملت لنفسي موقع و خلاص كده الحمد لله وعنوانه معايا ** و كمان صممت شكل الصفحه إللي عايزاها تتعرض بالفرونت بيج هيَ أيوه مش كامله أوي بس يعني تنفع بردو... المهم أنا مش عارفه إزاي أخلي صفحة الفرونت بيج دي تتعرض ليا في الموقع بتاعي
هو في حاجه كمان مش فاهماها بس ممكن توضح لو الموقع بقى طبيعي على العموم مش مشكله دلوقتي هبقى أشوف إن شاء الله لو فهمتها ولا لاء

أتمنى يكون طلبي مفهوم
متأسفه مره تانيه على الإطاله

[The Matrix]

الأخت الفاضلة : amatullah

أولا لكي تظهر لكي الصفحات التي قمتي بتصميمها علي برنامج الفرونت بيج في المتصفح عليكي أولا برفع هذه الصفحات علي الموقع الذي قمتي بالإشتراك به و هو : جيران

[amatullah_ha]

متشكره جداً على ردك ><><The Matrix><><
بس أنا عارفه إن المفروض إنها تترفع
ماهو أنا أصلاً بسأل عن إزاي أرفعها (مش عارفه) 000

متأسفه لو سؤالي ماكنش مفهوم
أرجو يكون واضح دلوقتي

[The Matrix]

الأخت الفاضلة : أمة الله

و لايهمك أختي الفاضلة أنا تحت أمرك

إليكي الشرح بالصور و بالتفصيل لعملية الرفع علي موقع : جيران

بسم الله نبدأ الشرح

أولا عليكي فتح الموقع

و بعد ذلك ستجدي في اليمين هذه النافذة الخاصو بوضع إسم المستخدم و كلمة المرور



بعد ذلك سنختار حقيبة ملفاتي لكي نقوم برفع الملفات علي الموقع



و بعد ذلك ستظهر لنا هذه النافذة والتي سنختار منها تحميل



و بعدها ستظهر لنا هذه النافذة الخاصة برفع الملفات



نختار Browse و نقوم بتحديد الملفات المراد رفعها و بعد ذلك نختار Upload File



و بذلك نكون أنتهينا من رفع الملفات

و أتمني من الله أن أكون وفقت في الشرح

و أي سؤال أخر أنا تحت أمرك

[amatullah_ha]

السلام عليكم و رحمة الله و بركاته
متشكره جداً جداً ***(((the matrix)))*** على سرعة ردك عليا
و متأسفه على بطء تعقيبي
جزاك الله خير الجزاء
و إن شاء الله هجرب دلوقتي إللي حضرتك إتكرمت بشرحه
جزاكم الله خير الجزاء مره أخرى

[The Matrix]

الأخت الفاضلة : أمة الله

و لايهمك أختي الفاضلة أنا تحت أمرك

و أي أسئلة أخر في أي موضوع بخصوص الكمبيوتر و الإنترنت أنا تحت أمرك فيها

[amatullah_ha]

السلام عليكم و رحمة الله و بركاته
جزاكم الله خيراً The Matrix

******************************************

هناك مشكله تواجهني أثناء نشر موقعي على الإنترنت
ألا و هي : عندما أصمم الصفحة بالفرونت بيج تظهر لي أكثر من ملف و كلهم مرتبطيين بهذه الصفحه التي صممتها و عندما أريد نشرها على الموقع لا أعرف بأي ملف أبدأ؟؟؟
لقد جربت و رفعت جميع الملفات و ظهر لي الموقع كامل بالمتصفح حتى هنا جيد ................. و لكني كنت في التصميم واضعه سمه للصفحه ولم تظهر بعد نشري للموقع
أتمنى أن يكون إستفساري واضح
و أتمنى أن أجد لديكم الإجابه سائله المولى عز و جل أن يرفعكم أعلى الدرجات و يسكنكم أعالي الجنان

[The Matrix]

الأخت الفاضلة : أمة الله

و عليكم السلام ورحمة الله و بركاته

عندما أصمم الصفحة بالفرونت بيج تظهر لي أكثر من ملف و كلهم مرتبطيين بهذه الصفحه التي صممتها و عندما أريد نشرها على الموقع لا أعرف بأي ملف أبدأ؟؟؟

أختي الكريمة يجب رفع جميع الملفات من صفحات و صور و كل ما يتعلق بالتصميم الذي وضعتيه

و لكني كنت في التصميم واضعه سمه للصفحه ولم تظهر بعد نشري للموقع

معذرة أختي لم أفهم ما هو المقصود بالسمة

[amatullah_ha]

جزاك الله خيراً ***Te Matrix***
متشكره على سرعة الرد

السمه هي الأشكال الجاهزه إللي زي الخلفيات
أتمنى الصور توضح::
**1**

**2**

**3**


أتمنى تكون وضحت!!!!

[The Matrix]

الأخت الفاضلة : أمة الله

بالنسبة لموضوعات السمات فعلا لا يظهر في الموقع و يوجد بعض الأشياء الأخري لا تظهر أيضا .
حاولي تغير السمات بخلفيات " صور من جهازك "

[amatullah_ha]

السلام عليكم و رحمة الله و بركاته

بصراحه والله أنا مش عارفه أشكرك إزاي
فعلاً أنا إتعلمت منك حاجات كتيره جداً و بصراحه عاجزه عن الشكر
أسأل الله تعالى أن يجعل كل حرف من كتاباتك في ميزان حسناتك ويسكنك مع الحبيب المصطفى " صلى الله عليه و سلم" أعالي الجنان

[أحلام الياسميين]

السلام عليكم و رحمة الله و بركاته

أشكرك يا أمة الله على هذا الموضوع الجميل لأنه يحتوي على أسأله مفيده و أشكرك يا زا ماتريكس على ردودك الممتازه لأنها أضافت إلىَ الكثير


أريد أن أعرف كيفيه تعديل الموقع بعد نشره
لأني نشرت موقعي و أريد أن أجري بعض التعديلات عليه
أتمنى الرد بسرعه

[amatullah_ha]

و عليكم السلام و رحمة الله و بركاته

متشكره جداً ليكي يا **أحلام** على ذوقك و رقتك و تشريفك للموضوع
وبصراحه هو ميعتبرش موضوعي أنا لأن كل إللي فيه يعتبر من **The Matrix**ما شاء الله0

أما عن االتعديل فيه بقى يا قمر متأسفه جداً والله......... بصراحه معرفش عنه حاجه لكن إن شاء الله ** The Matrix** يفيدك و يفدني معاكي لأني كمان أكيد إن شاء الله هحتاج لتعديل موقعي
و أهو بقى كله بثوابه إن شاء الله