تعريب جهاز GALAXY S III

[دانه الجنوب]

بنات انا شريت جهاز GALAXY S III من امريكا ودي اعرف طريقه تعريبه
وكيف اعرف وين برنامج المحادثه اللي مثل الواتس

الله يجزاكم خير ردوا ضروري

[الدّرر]

أهلين والله
أنا اشتريته لكن من هنا، لذلك ما واجهتني مشكلتك
أفضل لكِ دائماً انكِ تروحي لمكان جوالات وتحملي ما تريدين وتضيفي ما تريدين
برامج المحادثة ادخلي على الماركت ( سوق Play )
واكتبي بالبحث اسم التطبيق الذي تريدين وحمّليه (:

()

[unprofessional]

السلام عليكم ورحمة الله وبركاته

اختي بما انك شريتيه من امريكا فإصدار النظام بيكون مختلف وغير مخصص لمستخدمين الشرق الاوسط ..

الحل انك تودين الجهاز لمحل متخصص وتطلبين منه يركب لك ملف نظام ( Firmware ) يكون مخصص للشرق الوسط ويكون رسمي من الشركة ومو معدل عليه ..

اخر اصدار نزل لجالكسي S3 هو اصدار ايسكريم ساندوتش رقم 4.0.4 ورقمه هو : I9300XXLFB

ممكن تكتبين هذي المعلومات وتعطينها صاحب المحل وتطلبن منه يركب لك نفس هذا الاصدار ..

المشكلة طريقة التركيب صعبة اشرحها لك لأنها تحتاج شخص متخصص واخاف تحاولين تطبقينه ويتعطل جوالك نهائي ..
وفيه طريقة ثانية للتحديث عن طريق برنامج اسمه Kies وهو خاص بشركة سامسونج لكن للأسف ماراح يفيدك لأن جوالك امريكي وشريحتك من دولة مختلفة
وبمجرد ماتشغلين برنامج Kies ماراح يتعرف على جهازك ولا راح يحدثه لك لأن الدولة تختلف ..
الحل الاسهل هو انك تودينه لمحل متخصص يحدثه لك ..

بالنسبة للبرنامج اللي يشبه Whatsapp اعتقد تقصدين برنامج ChatON
هذا البرنامج يجي مع الجهاز مثبت وجاهز ..

موفقه ان شاء الله ...

[abdallaheco]

شكرالكم على الموضوع و على الجواب

[دانه الجنوب]

مشكورين على الاجوبه الحمد لله عربت الكيبورد ونزلت البرنامج
جزاكم الله خير