إلى كل من جربت نوكيا 7373

[umhusam]

السلام عليكم

ياريت تساعدوني...من زمان وانا ابحث عن هذه المعلومات


بالنسبة لجوال نوكيا 7373


وطبعا هو الاصدار المطور من نوكيا 7370



هل يمتلك ميكرفون(مكبر صوت) للتكلم الحر؟؟؟


هل يدخل فيه برامج مثل خاشع؟؟؟

كم سعره ؟؟؟



وشكككككككككرا

[حلـــ انثى ـــم]

وعليكم السلام اختي ام حسام
انا لسه مشتريه الجهاز من اسبوع بس باركيلي
ابشرك فيه ميكرفون
بس مايدخل فيه برامج على حد علمي للان
بس بعضهم يقولو انو راح ينزلوله برامج لانو صار فيه ميموري خارجي
وسعره 1150-1250
انا اخذته ب 1250
واي سؤال انا بالخدمه

[umhusam]

تسسسسسسسسسسسسسسسسسسسسلمي أختي الغالية
أخيييييرا أحد رد علي


أولا...
ألف الف مبروك عليكي الجوال
الله يعطيكي خيره و يكفيكي شره

ثانيا...
الحمد لله أهم حاجة الميكرفون...
أنا ما أحب احط الجوال على أذني وأنا بأتكلم(( تقليلا من أضرار الجوال على الرأس))

وبالنسبة للبرامج....
خلاص لمن تعرفي خبريني و أنا في انتظارك إن شاء الله

كمان ياريت كلما تلاقي ملاحظات سواءا حلوة او وحشة (( من تجربتك الشخصية))
تحطيها هنا...
عشان الوحدة فينا تعرف تقرر تشتري او لا


اي... تذكرت

ما يضايقك انو لازم تفتحي الجوال(( تفتحي الغطاء)) كلما تبي تردي على مكالمة؟؟؟



والله مشكووووووووورة عالرد
تسلمي !!

[حلـــ انثى ـــم]

الله يبارك فيكي وعقبالك
وتسلمي عالدعوه الحلوه

بالنسبه للبرامج اللي عرفته وتاكدت منو ان الجهاز مايحتاج تنزلي فيه انتي فايروس لان الجهاز من نفسه مايستقبل فايروس يعني لو اترسلك بلوتوث فيه فايروس الجهاز ماراح يستقبل البلوتوث
وانك تقدري تنزلي ثيمات بس تكون خاصه للجهاز مو اي ثيم لاي جهاز

اما بالنسبه لملاحظاتي عالجهاز لحد الان ماشي معايا تمام الحمدلله
يعني اهم شي عندي انو صوتو واضح وحلو وحتى اعلى من الدمعه
وشبكته تمام وهذي اشياء معروفه عن اجهزة نوكيا
والشحن يظل معايا يومين بالكثير هذا الشي اللي مزعلني لان الدمعه كان يظل شحنو معاي 3ايام واليوم الرابع حتى اشحنه على فكره>>> مو هريجه جوال
اختى تقول جايز لانك ماشحنتيه عدل او ماشتريه!!!!


الغطا انتي عارفه انو ينفتح لف عاليمن او اليسار
بس تقدري تخلي الرد بمجرد فتح الغطا واغلاق الخط بمجر ماتقفلي الغطا ويمديكي تخلي الرد انك تفتحي الغطا وتضغطي على زر اتصال وتغلقيه بالضغط على زر انهاء الاتصال يعني زي اي جوال عادي

وبالعكس مايضايفني لاني انا احب الاجهزه اللي تكون انزلاق او لف اوتنفك تنصك لها طعم


واي جديد عندي عن الجهاز راح اكتبه وانا بالخدمه
ولا شكر على واجب

[umhusam]

الله يسلمك
ما قصرتي

ومنتظرة منكي كل جديد


شكككككككرا لكي

[umhusam]

ومن هنا عنك بعض البرامج

ما أدري إذا تشتغل على جوالك او لا....
بس نفسي انها تشتغل عليه ...

http://www.islam2all.com/jawal/Progs.html

لأني مهتمة لو برنامج خاشع\ او خشوع
اللي يحط الجوال عالصامت وقت الصلاة
وكمان يأذن وقت الاذان
بيشتغل فيه او لا....


معليش تعبناكي معانا

بس خذي راحتك...


والله يسعدك دنيا و آخرة

[حلـــ انثى ـــم]

ومن هنا عنك بعض البرامج

ما أدري إذا تشتغل على جوالك او لا....
بس نفسي انها تشتغل عليه ...

http://www.islam2all.com/jawal/Progs.html

لأني مهتمة لو برنامج خاشع\ او خشوع
اللي يحط الجوال عالصامت وقت الصلاة
وكمان يأذن وقت الاذان
بيشتغل فيه او لا....


معليش تعبناكي معانا

بس خذي راحتك...


والله يسعدك دنيا و آخرة

كيفك اختي ام حسام
والله كان ودي اجرب وانزل البرنامج بس ماعندي ميموري والذاكره اللي بستخدمها ذاكرة الهاتف
بس نزلت ثيم من هنا ونزلت ومافي اي مشاكل

وتسلممممممممممممي قلبي عالدعوه وانت كمان وياريت تدعيلي ربنا يسهل عليا الامتحانات وانجح>>> طمعة البنت

واي جديد او استفسار بالخدمه

[حلـــ انثى ـــم]

على فكره
الثيمات الي نزلتها موجود رابطها في موضوع "طلب ثيمات لنوكيا 7370

[umhusam]

مشكوووووووورة
معليش تعبتك معايا

[umhusam]

سلام
بالنسبة لبرنامج خاشع
أعتقد انه للآن لا يعمل في هذا الجهاز
فقد جربت ان ادخله في جوال 7390
ولم يعمل

[umhusam]

أختي العزيزة
من زماااااااان عنك
كيفك... عساك مبسووووووطة

و ......
وش اخبار جوالك.... مازال نفسه؟؟
او بدلتيه بسبب اكتشاف عيوب؟؟؟

ياريت ترديلي سريع عشان في وحدة تبغ تشتريه هذه اليومين



والله يبارك فيكي... ان شاء الله نجحتي بامتياااااااااااز